Tvtsvmc 102:8 - ASII LAKDAP Bible (BSI)

⁸ Ranaiq minruru ijaqtibi raq ngi ka shummiitlo; ngi slailiitibi raq imang chong raüta maiq ma mansontlo.

Hawa Naga Bible 2001

⁸ Ngaz ralx htenc rueq ngaz kuex nuiyqtuimc naqsaq shummarc wuez yaq; ngaz muex mulc tsvlc jix htenc rueq ngvy muingc jungx vtueq httonx tvmx wuez yaq.

Tvtsvmc 102:8 Referencias Cruzadas

Tvtsvmc 2:1

Maiq mung thun raq jamto maiqmii wela shongho tantla? Jam nguto arkhat ma wutan langphok phelatla?

Tvtsvmc 41:5

Ijaqtibi raq ngi ka pinthum slaliitlo. Tsangshiq raq ngi ka tsaitlo raüjaq kiimaq manghü rahü miqwantlo haüjaq nguta rittlo.

Tvtsvmc 55:3

Ngi ka ijaqtibi raq tiiphiip raüta tsai wan kang, abi kloti raq rokngoq riingoq tiikaidi wanto. Tsangshiq raq ikhu thaq na chamchao tiisaü wanto; tsangshiq ka ngi ma khiqtlo, kiimaq ngi ka shuhoto.

Tvtsvmc 69:20

Shummii thoda horaq itsan she bun wanto, itsai iji wiita she doq wanto. Ngi raq mangchan tsii miitu rankang, shatmaq jurmin mangchan mak; tsaiji doketi ritkang, shatmaq jumin ahü.

Tvtsvmc 77:5

Ngi raq man na leawantaq pat wa bom ka tiimatiikang kiimaq rathup rapha pat wa bom ka itsan na dongtlo.

Tvtsvmc 89:51

Ümjaqtinok raq ümniiraq tsea laüta ashonghaü hokhamwe ka shummiitlo, O Tatiwe lei! Tsangshiq raq apaiq ümbano kitlaq kiijaq shummiitlo.

ISAIA 65:15

Ngi raq atsea arwanha isenginok raq namshiq mang ka chong raüta maiq ma manson miitu mishton wan. Ngi Ajong Thaq Na Ajong Pinthum Tatiwe raq, namshiq ka mitsatbaiqha. Shatmaq jurwa ibom tai tlaq raüta iwokhong na sitlaq kriiti miika mang anye she mikuq wanha.

JEREMIA 29:22

Ümtiikiiwa Jerusalem wa Bebilon mung na re wa shumwi kong ma tsuq wantaqti raq maiq ashi thaq na manson kuq raüla, tsangshiq raq, ‘Tatiwe raq ümniika Bebilon hokhamwe raq Jedekia nai Ahab ka atra maq wa na shu raüta tiikhiim phaqtaq kiikhiitiq mitiikhiim chaq kiiphaü!’ nguta mison.

Luke 6:11

Kra chhi raütiishe, tsangshiq ka walüwa ikhiishe khiq trangto. Kiimaq, tsangshiq liipan na, Jesuq ka tsangshiq thiikho na jamkhii tiithap chang wa miraq nguta, bom ka riichongto.

Acts 26:11

Ngi raq tsangshiq ka akhing pahea, sinagok thun maq tsat wan kang. Lata tsangshiq raq Jesuq ma kamtsantsii thü tlaq, tsangshiq kamtsantsii kra, tiipan baiq miitu, tiiphiip miijiip longliiq wan kang. Ngi ka tsangshiq ma, i tsankhiq ninlot mangshe kha maq, tsangshiq ka pongmung chela thun na saülili she tiikot trot jowan lata, tsangshiq pahea tiichamchao wan kang.

Acts 7:54

Stephen raq traho bom chongke kra tai raütiishe, Rung na ngati welabi thun ka, tsangshiq tsankhiq trang ka, walü tlaq ikhiishe amok dungdung khiqtrangto. Kiimaq, tsangshiq tsankhiq tsi ma, tsangwi tiitsan watrang liishe riito.

Romans 15:3

Ara jamkhano chong tiikang ngukla, Khristo raq arilung ka, apaiq honhonse polosea na, tiisung mak dea. Kra rii na, apaiq ka maiqse miitu siwanto nguta chong tlo. Arka, Asii bomtsi wa chhi tiikai. Asii bomtsi na, “Namshiq ma maiqse raq, ümtinkhan wa shummii thoda tho kuq wantaq, kriika i khu thaq na saüto,” nguta chong tlo.