Tvtsvmc 102:18 - ASII LAKDAP Bible (BSI)

¹⁸ Waiqthülaq pat achat anye saüwantlaqti miitu, Tatiwe raq jamlai jaq wa shamtaq kra, maiq rawü michhishaqti raq apaiq mitiitsamlaq.

Hawa Naga Bible 2001

¹⁸ Yehowa rueq shuimx kaz wvnc tueq htenc kuex yix pat wawc suiuz vsaz hez tvkoc wuiyq tvtsuingc taq shuinz, kvkhoc ngoz ruiux jix majuiuc max jawx shauk hez rueq muinz vpiq muex tvtsvmc wvnc wuez shuex.

Tvtsvmc 102:18 Referencias Cruzadas

Tvtsvmc 48:13

lantea chela tro ruk kra tiitsang lii ronglaq kiimaq ruk ka ümtin khan theawa kra liironglaq, kra riihan jiitiq rawiichii senye pat ma man ka akha miphan kuqlot han:

Tvtsvmc 69:34

Shiikeawe tiitsam ronglaq, O ramungtan nai mangjong hiq lei, khamjong chum thun nai kiijaq siti atra phan wiita raq.

Tvtsvmc 71:18

Riita ümchaü ngi ka tikiishe ikhu ikha min apü kaiwishe, ngi ka naq tiishaübaiqkiq, O Shiikeawe lei! Ümniika ngi rai lomshat riilaq, ngi raq üm ningkun nai üm hongla kra maiq pat ümchuwa saü wan tlaq tlotli ma chiiriim lata chongtiikang na.

DUNGWVNC 17:14

Kiijiishe Tatiwe raq Mosheq ma nguto, “Ara re riikhat tang lan manphan raüpot ka ahea wiq waiq thülaq. Krai mren arka tsan na tiitsangshat mithülaq. Joshua ma chonglaq Ngi raq Amalakaiqnok ka miqchup mitiithen baiqha.”

ISAIA 43:21

Tsangshiq ka Ngi pumsii miituli dongdii Ngi raq aphansang wanha, krai mren tsangshiq raq Ngi tiitsam mishinge wan!”

ISAIA 43:7

Tsangshiq ka isenginok shaq, kiimaq Ngi raq tsangshiq ka ikhushü tiijonglu ma phansang kang.”

DANIEL 9:2

Apaiq raq mung peng wanli maq wiishi she angu na, ngi raq asii lakdap thun kra sidi phat kang. Lata Tatiwe raq shammiwe Jeremia lümaq, Jerusalem thenkitaq kriika wiiroqmiishi na saüli kiikhiili misi wan nguta chongtaq, kra bomtsi ka shiwea wan kang.

John 20:31

Shatmaq, arjaq waiq kang thun arka, namshiq raq Jesuq kiidea Khristo, kiimaq Shiikeawe Se nguta mikam laq kiimaq apaiq ma kam tlan kra lümaq, namshiq raq rilung milap laq nguta waiq kang.

Romans 15:4

Riita, ara chong tiikai arai mren, Tongshong Chü na ümchuwa waiq wantaq, kriika, nashiq ma sungkhu tsiilam tiichhike wan miitu waiqto. Arka, Asii bomtsi na waiq wantaq, anin wan bom chong tlaq kra nai tsaijido kewan, tsii chongkuq tlaq kra lümaq, nashiq raq rawiichii rilung miitu, ran tsantsii rüm tiikai kriika, milap rong i dongdii she nguta, mongngam maq siwan miitu waiq thüto.

1 Corinthians 10:11

Riita ara richü we manphan waiq thütaq, arka nashiq ma sungkhu tsii lam chongke miitu she waiq thüto. Tsangshiq ümchuwa jiimtaq thun ka nashiq ma tsii tiichhike miitu. Ümchaü nashiq pat sitiikai arka, phangthum wan pat she. Phangthum wan miika rahiq ka ajeli she.

Ephesians 2:10

Shiikeawe raq, nashiq ara ümchaü sanha, awongsii maiqsetiim miishe tiija wanto. Ara nashiq rilung arka, ümchaü sanha, Khristo Jesuq rai pumshi maq silaita, Shiikeawe raq nashiq raq sham miitu, jaqsham ahea awa phan ümchuwa tiihong tha thü wantaq, kra thun ka sham laita, sichang li she.

2 Peter 1:15

Arkha maq, ngi raq kai shiichaq lata, ngi tsai jai min, namshiq raq arthun tengman tlaq bomtsi ara wranaiqshe tsan na tiitsang shat maq siwan miitu, namshiq ma tsii chongke chang ümchuwa sitlaq, kra michong kuq ha nguta shiikut chaq tiikang.