Tvtsvmc 1:2 - ASII LAKDAP Bible (BSI)

² Kra rii na tsangshiq raq Tatiwe Thungtri ka khoqriiq shishiiq maq langtlo, kiimaq tsangshiq raq tri tu ka ranaiq rawa sidi phattlo.

Hawa Naga Bible 2001

² Tsuingshiq rueq Yehowa Tvrac kuex phvnx vtueq, kvruex tvrac kuex raungnuiyq raungwvrx tvluing wuez yaq jix rueq vkoz vkez kuex humc wuez yaq.

Tvtsvmc 1:2 Referencias Cruzadas

RAPHA HIQWA LAK 24:63

Apaiq ka raji rashe acha wan pha raü na wak ram na akhumsea kai kito. Kiimaq apaiq raq kumtsong kong ka awarai chhito.

EJRA 7:10

Ejra raq arilung ka, Tatiwe Thungtri kra sidi phat wan lam na, kiimaq kra Thungtri na rilung na lamphan miitu sung atsii chongkuqtlaq thun ka apaiq maiqmii rilung na lang wanto. Kiimaq kra Shiikeawe thungtri na maiqse rilung na jamkha lang wan chang wa chongtlaq, kra Israilnok ma danhonke wan lam na, kiinong kuq wan raüta tiisung wanto.

YOBA 23:12

Shiikeawe raq ngi ma jamlai aming wa kuqtlaq kriili ngi raq wranaiqtek shamtiikang; apaiq raq aroro kli shamtiikang, ngi raq aroha na riimak.

Tvtsvmc 104:34

Apaiq ka ishi ma michochilaq, jamkhano ngukla ichochi ka apaiq phawa saütlo.

Tvtsvmc 112:1

Tati tiitsamlaq! Jurwa Tati shrengtlaq kriiti ma peohea, jurwa apaiq aming thun chochikhiq maq langtlaq!

Tvtsvmc 119:1

Peohea juwa ashut aphit ahü maq singatlaq, juwa Tati thungtri wokhong na sitlaq.

Tvtsvmc 119:11

Ngi raq üm tri raütu imong jüna shaq thü tiikang, arka ngi raq ümmak liina ngarai tang mang miitu.

Tvtsvmc 119:35

Ngi ka ümnaq aming langlata si miitu rümlaq, jamto ngukla ngi ma aming wokhong na si ka peohea.

Tvtsvmc 119:72

Ümniiraq ngi ma tri raütu kuqlaü ka pinthum rahea, mangjong hiq na wa tsiiqtum tlotli tha niimin rahea.

Tvtsvmc 119:92

Ümtri raütu ka ngi ma rilung chochi raüchong riimak nguraüka, ngi ka ilit-ikot chamchao maq atsaikai kun she mirhawa.

Tvtsvmc 40:8

Ngi raq ümtsanroro jaqsham ka kai lungwiitiikang, i Shiikeawe lei! ümniiraq ngi ma shrinkuqtlaü ka imongjii na shaqtiikang.”

Tvtsvmc 88:1

O Tati Shiikeawe lei, ngi chhiiti, ngi ranaiq minru hoq tiikang, kiimaq rawa na ümjichong na wa tiikang.

JEREMIA 15:16

Ümniiraq ngi ma ümbomtsi chongkuq laü. Kiimaq ngi raq ümbomtsi ka atsi awea tsan na washasha tiitsang taikang. Ngi ka ümniirii, Tati Ajong Pinthum Shiikeawe lei. Arningkhan, ümbomtsi raq imongjii na pinthum chochi kiimaq khoqriiq shishiiq asho awo tiima kuqtlo.

Luke 18:7

Ikhiijiika, Shiikeawe riika, asengi raq ranaiq rawa hoq raüta, achu jaü tlaq, kriiti ka tiiwongke miitu tsangshiq kha ka phokuq mak sha miraq? Apaiq raq tsangshiq ka jaqlolo maq khrum kuq mak sha miraq?

Romans 7:22

I tsan i mong jii riika, Shiikeawe thungtri kra lang la tiidea siha jaq nguta, lungwii siq tlo.

1 Thessalonians 2:9

Phunainotiim lei! Naishiq raq namshiq tiichhanchhi wan miitu, itinkhan ranaiq rawa, japhü wasü hunnii kai irka, ümchaü namshiq tsan na asi li ahiq! Naishiq raq Shiikeawe Tsütsa Ahea ka namshiq ma chongke lam maq, naishiq raq ranaiq rawa jaqsham laita sikai. Laita naishiq raq namshiq ka jam min süpsi mai maq, jaqshamkai.

1 Timothy 4:15

Arthun kongphiq ümkhum na kuqtaq arka, ümniiraq Shiikeawe jaqsham na hutjok kiinong kuq laüta, jaqsham wan kli shiichaq wan laq. Kra riihaü jiila, ümniika Phungmaiqse thaq na maiqla, ashun asheati maiq weshi dea nguta, nanok tarü raq mishreng.

2 Timothy 1:3

Ngi riika Shiikeawe ma kechutum wan ruq miili sitiikang. Apaiq ka man na naititiim richü pat na jamkho shomnoq wantaq, kiikha ümchaü min, ngi raq tiima tsantsii asii arai, khangriri maq shomnoq tiikang. Ngi raq ranaiq rawa achu jaütiikang akhingtek na, ümniimiitu Shiikeawe ma kechutum tiikang.

JOSHUA 1:8

Ara Thungtri lakdap bomtsi arka ümnübok wa ümtiikiimin tiimobaiq maimak. Ümniiraq ara lakdap arka ranaiq rawa sidi phat ruq phat ratlo. Kra riihaü jiitiq, ümniiraq Thungtri na chongtlaq kra phan phan jaqkhon apha maq misham lot haü. Kra riihaü jiitiq ümniika phanrap na chiithe lüwa ma mija haü. Kiimaq phanrap na ongwan ruq mirhaü.

1 John 5:3

Jamkhano ngukla, nashiq raq Shiikeawe lungwii tiikai jiika, apaiq aming thun kra lang laita misi rong i ngushat. Kiimaq apaiq aming thun kra nashiq raq lang wan miika, jam min harai mak she. Arka hochii minchii maq khum laita siwan ikhli miraq.