THARC TVLUINGC 9:12 - ASII LAKDAP Bible (BSI)

¹² Maiqse ngutiikai ka, na ma abi ranaiq ka ümtiikiiwa riihumtiikai, kriika jurmin sapmai. Wushi kong chiiq na min rai tlaq ikha; ngiq ka chiiq maq akhup rat ikha; nashiq armin, na raq sapmai shonli tiihanghiiq miili, chamchao akhing ka saü watlo.

Hawa Naga Bible 2001

¹² Mnoz vkhing httuiuc wvnc yaq kuex mnoz rueq mkaq muinz tuiuz muq. Wushawx kuex suip nuex huinghek maq manz yaq nuiyc ngaq kuex jak maq lvp shix ikhoc yaungx aungx yaq layx bac jauz nuex naungshiq rueq helc miq bix maq tsvnc rvhumc vtix.

THARC TVLUINGC 9:12 Referencias Cruzadas

Tvtsvmc 11:6

Apaiq raq abi maiqsetiim khuthaq na wachan nyaihea watu nai nyiimwin waniitu ra wa tiisattlo; apaiq raq tsangshiq ka rahai keihea tiisaü raüta mo tiihotlo.

TAKSU LAK 24:22

Akhnok maiqse ka, tiihanghiiq miili mithen wan, Shiikeawe raq nai hokhamwe raq, tsangshiq mitiithen baiq, kra sap tlaü shea?

TAKSU LAK 29:6

Abi kloti ka maiqmii thiikho na dea watlo. Shatmaq kechu maiqse ka, khoriiq shishiiq wase sitlo.

TAKSU LAK 6:15

Arningkhan tsangshiq ka, tiihanghiiq miili miqchup mithen wan. Tsangshiq ka tiibitaq chamchao mirhum.

THARC TVLUINGC 3:19

Jamkhano ngukla, maiqse nai nyamse ka adam dam siili. Maiqse jamkho tsaitlaq kiikhiisii, nyamse kiimin tsaitlo. Wiitsitsü phan ngusaq, maiqse nai ngamsaü ngiqse ka adamli tsaitlo. Tsangshiq ka aphan sang arwan siisaq. Maiqse rilung kiimin, ngamse rilung kiikha thiihüli. Jamkhano ngukla rilung ka phan nai ri wiita ma thiihüli.

THARC TVLUINGC 8:11

Maiqse raq mat atsa ka jeriiqriiq hea jam nguto tangtla? Tri jinti ashutti ka jaqlo thit thit tsangshiq kha kra phokuq mak, raüta tsasha mak kha maq, mat atsa pahea tang wan tlo.

THARC TVLUINGC 8:8

Maiqse riika apaiq ningthoi ranaiq akhing ka klai lot mak. Kra akhing ranaiq ka apaiq raq jai na tlu hit lot mak. Kra rekhat akhing na nashiq hangki lot mai. Kra ningthoi akhing jaqkhon mong wiika nashiq juwe min hangki lotmai.

THARC TVLUINGC 9:13

Ara mangjong hiq na ngi raq taksu maiqse ashi rilung shiiton chhikang. Mangjong maiqse raq taksu maiqse ashi ka jamkho liitla kra chhikang.

ISAIA 24:18

Juwa kra phiiptsi rathaiq saü wan tlaq kriiwa lun wan hajaq nguta manhiiti ka thiikho bok na midea wa. Kiimaq juwa kra thiikhobok wa lunhajaq nguta jutlaq, kriiti ka chhü na mipat. Ra maq rajun piikhaü khamraü ikha mijun. Hiqraikhü tiichap wan chang jamkhü ashong kra thun ka wiita atiikhai rokrok mitiibai.

ISAIA 30:13

Namshiq ka ashut. Namshiq ka chela trotam na kiitelong ruk diiluwiq ka ra maq phaho raüta hiq na saüli akha kaiwi she ikha sitlan. Namshiq ka tiihanghiiq miili mithamkihan.

EJEKIEL 32:3

Ümtiikiiwa maiq mung thun pahea adam na thungtlaq, Ngi raq ümniika ichiiq mong na tiinyap lata milapha. Lata tsangshiq ma chiiq ka takii niishe mitiihit baiqha.

Hosea 7:12

Shatmaq tsangshiq ka chiiqjong mong na mitiiminha, Lam na ngi raq chiiqjong achankun she. Wukaiq kong minrai tlaq ikha, tsangshiq mimin rai. Tsangshiq ngarai homa khan khan, tsangshiq michamchao wan.

Hosea 9:8

Shiikeawe raq ngi ka ashammiwe ma shongto. Raüta Israilnok ma honlam tsii chongkai tiikito. Shatmaq ümjiiwa trahokai kitiikang, tsangshiq raq ngi atsea miitu, wushi tiimin ma chan tlaq ikha, chiiq chantlo. Shiikeawe shomjam mong niimin, mungmaiqse ka shammiwe ngengti siisaq.

Luke 12:20

Shatmaq, Shiikeawe raq apaiq ma, ‘Ei, angi we loi! Athi rawa li, ümmiisaq ka mithumki ngo ka sapphaq maü. Riita ümnaq tsai jai, ümtsiiq tum kriika jurshe wa miphesiq?’ ”

Luke 12:39

Kiimaq namshiq raq asap han, jamchongti we raq ahuk saüwa akhing ka sapshat ngu raü jiika, ajam ka ahuk ma tiihuk mak miraq.

2 Corinthians 6:2

Shiikeawe raq akha chongtlo ara tai ronglaq: “Ngi raq namshiq ma ra tlaq akhing na tre kuq wan kang ihata, ngi raq namshiq ma tiichhiike wan akhing ranaiq saüto angu na, tiichhii kuq wan kang ihata.” Tai ronglaq! Ümchaü ranaiq ahata Shiikeawe raq namshiq khrumke wan akhing! Ümchaü ranaiq ahata Shiikeawe raq namshiq tiichhiike wan ranaiq!

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.

2 Timothy 2:26

Raüta, tsangshiq raq, maiqmii shutphit lam kra misap wan. Raüta tsangshiq ka Thawe raq, apaiq dikong ma shiinüm sha wan ma, apaiq thiikho mong na tiimin tlo nguta misap. Raüta Thawe thiikho mong wa milun wanlot.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

2 Peter 2:12

Shatmaq ara chongtiikai arot shra bi arka, rum ngamse maiq raq bi tsan raüta tiimin phaq tlaq ikha, ahon atsii ahü, ngamsi ngiqsi li sitlo. Tsangshiq raq asii bomtsi wa jamlai wa taklot mak sitlaq, kriika asaisi lishe, shummiitlo. Tsangshiq ka rum ngamse jamkho tsaitlaq kiikhiili she mithen wan.