THARC TVLUINGC 8:9 - ASII LAKDAP Bible (BSI)

⁹ Ngi raq ara mangjong hiq na, ratakiq na, jamai wa klo wan tlaq kra chhiwan kang. Ara mangjong hiq na maiq wiijam raq maiqse khu thaq na aming kuqtlo. Raüta maiqse ka tsangshiq wokhong na chamchaotlo.

Hawa Naga Bible 2001

⁹ Vruex mungkawx nuex yaungx wvnc lvmz ngaz rueq rvwvl koq yuq, miqsaz wvyvmc kuex luimc vkawc httax ruiux, wvyvmc kuex tsuingshiq khung nuex vkuilc vdaz rvhumc yaq mungkawx rvtueq kuex ngaz rueq khiz tauk.

THARC TVLUINGC 8:9 Referencias Cruzadas

2 HOKHVMX 25:7

Jedekia makki na asetiim ka sebaiqto. Raütiishe Nebukadnejar raq Jedekia makpo wiinai ka atlat riibaiqto. Raüta apaiq ka jinraü kharü maq khatto. Raüta Bebilon mung na sheawanto.

DUNGWVNC 14:28

Khamtso wiinai ka siimko nai wiita wa jang wanto. Raüta kumrang leng thun, leng jiiqti thun, kiimaq Ejipnok phenlabi thun Israilnok jai jowanti thun ka khamjong chum mong na tiithap baiqto. Tsangshiq ka weshi ra min tiichong mak jiimto.

THARC TVLUINGC 1:14

Maiqse raq mangjong hiq na phan phan klo liiwantlaq thun ka, kunkun chhitai wan kang she. Phanrap kiimung wan tlaq kriika atu siisaq. Arka rahai jaijo ikhli. Atu siisaq.

THARC TVLUINGC 3:10

Shiikeawe raq nashiq ma hekiilai hea tiihokuq tlaq kriika ngi raq asapha.

THARC TVLUINGC 3:16

Kriithaq niimin, ngi raq chhikang, mangjong hiq na ashut klotlo, tri ka tingting maq langrii na, tri jin raüta ajiq khoti klotlo.

THARC TVLUINGC 4:1

Kiimahali ngi raq ara mangjong hiq na miitsan maiqsetiim ka ajong alabi raq ji maq nishishi haihiitlo chhitiikang. Tsangshiq ka aho anyi riichanchan, makphai sawali. Tsangshiq khrumketi jumin ahü. Jamkhano ngukla tsangshiq haihiitibi ka ajong alabi rai pongdamti siisaq.

THARC TVLUINGC 5:13

Mangjong hiq na ngi raq phanshi abi pinthum chhi wan kang. Maiqse raq tsangshiq kampho ka jai na tsangshiq ma rongraa tlaq akhing miitu tek na saiqsam thütlo.

THARC TVLUINGC 5:7

Ümniiraq ümtinkhan sham-akai li hang haü jiimin, ümtin jaqsham kaiwali hunnii rai haü min, ümtin khanli tsütsit haü min, ümniika Shiikeawe man na, tiihaisongshat maq chap changli dongdii miraq.

THARC TVLUINGC 5:8

Atsujaq jaqshamti ajong alabi raq miitsan miijanti ka nanshan rea chhihaü jiila, naq wang thang kiq. Kiimaq tsangshiq raq lap chang ka kuq mak chhi haüla, naq wangkiq. Siihiip weshi ka apaiq ma ajongwe raq tiiwong kuqtlo. Kiimaq tsangnai wiita ka tuwe jongbi raq tiiwong kuqtlo.

THARC TVLUINGC 7:25

Shatmaq ngi raq irilung ka phaqchi apa sap wan hajaq, kiimaq taksu tsii ka apa tsin wan hajaq, kiimaq phanrap maiqse rilung na chhiwan tiikai kra liichum ka konchon wan hajaq nguta tsinngin wan kang. Kiimaq maiqse rilung na ajiq aphiq rilung nai angok angi rilung ka jamno supwa tla, kra liichum ka tak wan hajaq nguta tsinngin wan kang.

THARC TVLUINGC 7:7

Maiqshaqti raq maiq laolii raüla, apaiq ka angiwe ma jakitlo. Kiimaq ümniiraq tsiiqlap siq haüla, ümtsantsii ka tiinambaiq tlaü.

TRI CHONGKE 2:30

“Shatmaq Sihon Hokhamwe raq nashiq ka apaiq mungtan lam maq tiiwa mak tangtahoto. Tatiwe namshiq Shiikeawe raq apaiq tsantsii ka atiitsin riibaiqto. Kiimaq khiilataq she sru wanto. Kriika nashiq raq apaiq ka khat laita tang wan miitu kiimaq amungtan kra jiiwan laita shong wan miitu riito. Nashiq ka ümchaü min kiijaq shongruq li sitiikai ahata.