THARC TVLUINGC 8:3 - ASII LAKDAP Bible (BSI)

³ Hokhamwe man wa jaqlo atiidohokap riilaq. Apaiq tsankhiq chang bomtsi jiila. Ümchiim ajinkap riilaq. Apaiq raq jam lai wa tiima tlaq kra miklo.

Hawa Naga Bible 2001

³ Hokhvmx waz piq rueq roc yaq phvnx ruip saz kuex shuimx lot yaq, kvkhoc rvtueq piq khaungkac wawc kaz wvnc kuiuz; kvkhoc kvhiz juing baung kvyuq nauk httax kaz.

THARC TVLUINGC 8:3 Referencias Cruzadas

RAPHA HIQWA LAK 47:9

Jakob raq treto, “Irilung ka mung shi maq riita mungshi na laüwan wan silatli wiishishi ri wiiroqtsam she saüto. Ara rawii thun arka atoqse li kiimaq litkot chamchao lam miili sung wanto. Kriika ititiim raq tsang rilung ka bashi na laü wan wan maq rawii luhea tiisung wantaq kiikhiika riimak.”

TAKSU LAK 14:29

Juwa mokhiq khiq mak, kriiti ka taksu maiqse. Shatmaq juwa khiqsaq khiq tlaq, kriiti ka maiqjiqwe.

TAKSU LAK 24:21

Ise lei, Tatiwe ka shrenglaq. Kiimaq hokhamwe ma manto laq. Tsangnai kiqkhiiti rai, naq riikongkiq.

TAKSU LAK 30:31

Kiimaq chhechhikong, wupongwenai riithaü, kiimaq asengi phong na, hokhambi khumtlaq kra.

THARC TVLUINGC 10:4

Ümnaq shutphit rai haü jiila, ümwelawe wokhong wa, ahin na juhola nguta naq dankiq. Kaishak li ngalaq. Kra riihaüla apaiq raq ümshut ka adii mirkuq.

ISAIA 48:4

Ngi raq asapha namshiq ka nilannok ma mijahan nguta, jinbu jamkho tsintlaq ikha tsin dang dang, kiimaq miiki ngam ikha atiiq ma tsinhea.

DANIEL 4:35

Apaiq maklii na mangjong maiqse ka, hiqtilise ikhli liitlo; ramungtan na siti rasetiim nai, mangjong hiq na siti maiqse, apaiq jaqkhon mong na thütlo. Apaiq raq jamlai wa thapthi tlaq, juwe riimin tangta lot mak, kiimaq jurmin apaiq ma wailot mak.

DANIEL 5:19

Apaiq ka pinthum jonghea kha maq, mangjong hiq wa maiq mung thun, maiqphan thun, kiimaq maiq aphan aphan bomti thun tarü ka apaiq ma ahai rakrak kiimaq pinthum phiipkhiq siisaq sito. Apaiq raq juwa atseabaiq tiima tlaq, kriiti ka tsatbaiqto; kiimaq apaiq raq juwa atra tiisi lungwii tlaq, kriiti ka atra tiisi wanto. Apaiq raq juwa ashreng rotlaq, kriitika shreng wanto. Kiimaq apaiq raq ümriiti wa ashummii chang nguta tiima tlaq, kriiti ka shummii wanto.