THARC TVLUINGC 8:12 - ASII LAKDAP Bible (BSI)

¹² Ngarai maiqse ashi riika, jangroq shishi ngarai mitang wan. Kra taü maq dongdii min apaiq ka atrali misi. Tengto: Ngi raq asap ha, tsangshiq raq akha mingu, “Ümniiraq Shiikeawe aming lang laüta sihaüla, ümniima jammin ngusiq mak miraq.

Hawa Naga Bible 2001

¹² Mvrax kop yaq waz kuex vbac khuec vkhac lauk shashiz yaq ruiux muinz tvraungx shauk dvyx httax yaq. Oh rvtueq, tsuingshiq rueq vkhoc jungx yaq kvjaz kuex ngaz rueq tuiuz tauk: “Tishox kvjaz kuex phvnx ruiux yuq, phvnx ruip saz kuex vlvmx rvwvnc tuex,

THARC TVLUINGC 8:12 Referencias Cruzadas

1 HOKHVMX 21:25

(Tatiwe makki na Ahab raq arilung kiinongtlii raüta abi pinthum ngarai klo wantaq kiikha klo wanti maiq ahin ka jumin ahü. Arthun klo wantaq arka tsangnyung Jejebel raq thaü tlaq kra phan phan siisaq klo wanto.

1 KAÜWA WERAÜ 16:30

apaiq man na atiikhai rok rok sirong laq, mangjong maiqse kunli raq! Mangjong hiq diim ka phataqtaq she shongto, atiimeshi kai chang ahüshe.

YOBA 35:15

Ümniiriika Shiikeawe raq mo tiiho mak, kiimaq apaiq riika ngarai kiimin samhea brorii mak nguta tiima tlaü kata.

Tvtsvmc 112:1

Tati tiitsamlaq! Jurwa Tati shrengtlaq kriiti ma peohea, jurwa apaiq aming thun chochikhiq maq langtlaq!

Tvtsvmc 115:13

Apaiq raq apaiq shrengti loweatek mishmankuq, ajong aran tarü ma mishmankuq.

Tvtsvmc 128:2

Ümmin shiiqtlaü kriimaq mitiipaohaü; ümniika khoqriiq shishiiq kiimaq rongboq misihaü.

Tvtsvmc 37:11

sobsob bombomti raq mung ka misiq wan raüta rongboq mipeo wan kiimaq hansang maq mishong wan.

Tvtsvmc 96:9

Asiiwe saükitlaq akhing na hiq na kulanta noq ronglaq; apaiq man na tiikhai rokrok si ronglaq, mangjong tlotli raq!

DUNGWVNC 1:20

Kra nochhü kamketi nyungnai raq Shiikeawe ma haisong tsantsii riimkha na, Shiikeawe ka tsangnai ma tsanhea riito kiimaq tsangnai ma maiqmii jamkun kuqto. Kiimaq Israilnok ka pahea puwan wan ruq she puwanto. Kiimaq ahong alanok ma jawanto.

TAKSU LAK 13:21

Ashut kiimungti ka ümbana kiraü min, chamchaoli mirhum. Shatmaq kechu maiqse miika, shiiman kechu mikuq.

TAKSU LAK 28:14

Tatiwe aming wokhong na, siti ma kechu jonghea miraq. Shatmaq jurwa atsantsii, tiitsin raüta sitlaq, kriiti ka ashthen mirbaiq.

THARC TVLUINGC 12:13

Atiithum bomtsi ka arlishe: Shiikeawe kli she shrenglaq. Laüta apaiq aming thun kra langlaq. Shiikeawe raq maiqse phansang wantaq ka ara miituli riito.

THARC TVLUINGC 3:14

Ngi raq asapha Shiikeawe raq phanrap klotlaq kriika, pattup pat-sa mingang wan. Kriithaq na maiqse raq jamlai tiitsuqphiq kai chang ahü. Kiimaq atiikojo lambaiq wan chang min ahü. Nashiq wiitarü ka Shiikeawe jaqsham kra chhilaita amao laita sichangli.

THARC TVLUINGC 5:16

Armin riikhaqli ka riimak! Nashiq jamkho jaqmii saükikai, kiikhiisii jaqmii maq miwa wan rong i. Nashiq ka ümtinkhan wa hunnii tiikai kriika rahai thoqseali. Nashiq raq jamlai wa lapkai?

THARC TVLUINGC 5:7

Ümniiraq ümtinkhan sham-akai li hang haü jiimin, ümtin jaqsham kaiwali hunnii rai haü min, ümtin khanli tsütsit haü min, ümniika Shiikeawe man na, tiihaisongshat maq chap changli dongdii miraq.

THARC TVLUINGC 7:15

Irilung ka thiihü niili thum wanto. Shatmaq maiqse rilung na jamlai wa saüwan tlaq, kra ngi raq wiita chhiwan kang. Tingtingwe rilung ka rithiq mojakai li. Shatmaq ashutwe rilung ka aluwiq mosi li.

THARC TVLUINGC 7:18

Thittlai phok jamlai min naqklokiq. Ümniiraq Shiikeawe ma haisong tsantsii rümhaü jiila, jamlai wa klo tlaü kra ong wan ruq mirhaü.

JEREMIA 44:10

Shatmaq ümchaü ranaiq niitaq saüli, namshiq tsantsii ka klai wan man dea. Namshiq raq Ngi ka shreng wan man dea, kiimaq Ngi raq namshiq ma nai namtitiim ma kuq wan kang tri raütu kra lang lanta siwan man riitlan.

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

Luke 1:50

Apaiq shreng wanti ma, patshi maq riita patshi na saüli mangchan wantlo.

Romans 2:5

Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.

Romans 9:22

Krai mren sii hali, Shiikeawe riimin maiqse ka phanrap na seng raüta tiipok wan tlo! Arka, Shiikeawe raq apaiq tsankhiq nai apaiq ningkun jong kra, tiichhi kuq wan tlaq kiijaq chhi wan tiikai. Arka, apaiq tsankhiq ka ümriiti khuthaq niiwa siwan tlaq, ümriiti wa chongthum walü maq tiikhiim chaq baiq wan chang sitlaq, kriiti thun miimin, apaiq riika, pinthum anin riiwan raüta, khebom wan tlo chhi wan tiikai.

TRI CHONGKE 12:25

Namshiq raq ara aming ara lang hanla, Tatiwe ka namshiq rai tsan ahea miraq kiimaq namshiq ma phanrap na ahea miraq kiimaq namsaü namsetiim ma khusang rakhang ahea miraq.

TRI CHONGKE 12:28

Ngi raq ümchuwa aming kuqkang thun ara wiita tsapkapkap maq lang ronglaq. Kra riihanla, namshiq ma jam min ngusiq mak phanrap na ahea miraq. Kiimaq namsaü namsetiim pat niimin pattup pat-sa ahea hansang miraq. Jamkhano ngukla namshiq raq thungtri na riikhaqli kriili misham han kiimaq Tatiwe namshiq Shiikeawe tsan tiihea chang kli misham wan han.

TRI CHONGKE 4:40

Ümchaü ranaiq ngi raq namshiq ma kuqtiikang tri raütu thun ka kunli lang ronglaq. Kra riihanla namshiq ma phanrap na khusang ahea miraq. Kiimaq namsaü namsetiim miimin ahea miraq. Namshiq ka Tatiwe namshiq Shiikeawe raq namshiq ma pattup pat-sa miitu hiqshong rahai kuqtlaq kiijaq hansang maq siwan ruq misi wan han.”

2 Peter 2:9

Arthun manphan arwa nashiq raq sap tiikai, Shiikeawe raq kechu maiqse ka tsangshiq rilung na chamchao maitai ümtinkhan wa riihum tlaq kiiwa, jamkhii tiichhiike wan chang wa kra asap. Kiimahali Shiikeawe riika ngarai maiqsetiim ka kharü maq kha raüta, Phangthum Khapho Ranaiq miitu thü wan tlo.