THARC TVLUINGC 7:9 - ASII LAKDAP Bible (BSI)

⁹ Tsankhiq ka anin laüta thü laq. Maiqjiqti riili tiina atsankhiq ka thopshat maq thütlaq.

Hawa Naga Bible 2001

⁹ Mthuinz khvy kuex tvsuingx shuiuz; thaung thoz kuex miqyaq yauk shuimc rvtueq.

THARC TVLUINGC 7:9 Referencias Cruzadas

RAPHA HIQWA LAK 4:8

Kiijiishe Kain raq ano Abel ma nguto, “Nanai rum na ki i.” Kiimaq tsangnai ka rum na shon, Kain raq trosaq raüta ano ka tsat baiqto.

2 SAMUEL 13:22

Kiimaq Amnon raq ano Tamar kra haihii kha na, Absalom raq Amnon ka pinthum she shuhoto. Apaiq raq Amnon sham ka liiromak she riito. Kiimaq apaiq rai arbom min riibom mak she riito.

2 SAMUEL 13:28

Raüta apaiq raq ajaqshisetiim ma bom ka akha chongkuqto, “Liirong laq, athi ümtiikiiwa Amnon ka chephe makaiq she riijiiq, kra akhing na ngi raq namshiq ma, aming kuq phala, apaiq ka tiitsailaq tsatbaiq rongliijo. Naqhai rongkiq liijo. Ara mra ka ikhu thaq na. Srea nolabi ma jarong liijo. Naqhai rongkiq lii!”

2 SAMUEL 13:32

Shatmaq kra chhi raüta, Dawit ma aphu Shamma se Jonadab riitiq tiina akha nguto, “Chaü lei, tsangshiq raq ümsetiim wiita ka tsatbaiq mak, Amnon lamlam li tsaito. Arka ümniiraq Absalom theaphi na lii laütli asap haü she dongdii kata. Ümra akhing niiwa Amnon raq ano Tamar haihiitaq, kra miiphat she, Absalom tsan na asi dongdii she riito.

2 SAMUEL 19:43

Israilnok raq treto, “Namshiq raq Hokhamwe Dawit ka namshiq rii nguta jamkho dadü tlan, kiitinkhan sii hali, naishiq riimin apaiq ka naishiqnok nguta dadü wan arang ka manroqshi thaq na achan asi, apaiq ka namshiq hiqtili nguraü min. Namshiq raq naishiq ka jam nguto shummii tlan? Hokhamwe tiijang sheakai miitu bom ka naishiq raq kongkhu tiidong phakai. Kra naqlaq rongkiq!” Shatmaq Israilnok mungtibi thaq na Juda mungti raq hokhamwe ka tsangshiq rii dongdii nguta pinthum achaq awaq maq riilongto.

TAKSU LAK 14:17

Khiqsaq mokhiqkaiti riika, ajiq alam sapmak klo tlo. Shatmaq taksu maiqse riika, kaishak maq anin riitlo.

TAKSU LAK 14:29

Juwa mokhiq khiq mak, kriiti ka taksu maiqse. Shatmaq juwa khiqsaq khiq tlaq, kriiti ka maiqjiqwe.

TAKSU LAK 16:32

Ningkun ajong rümti thaq na, phanrap anin wantiwe ka ahea; Tsan tiibum raüta siwantiwe ka, chela thun khat raüta jiiwanti, sreajongwe thaq na ahea.

TAKSU LAK 25:8

Mak maq jamlai wa chhilaü, kra miitu rung na taülaükhiq, naqkikiq; Jai maq saqse ahinti raq, ümbom kra khiiho raüjaq, jea mingaü haü.

THARC TVLUINGC 7:10

Ümtiikiimin, “Ai man na khoti ahea siwan kai shatmaq nya?” nguta naq waikiq. Kriika maiqshaqti bom riimak.

Jona 4:3

Ümchaü ka, Tatiwe lei, ngi ka atsai li she riipha. Ngi ka atra sinam ma atsai kai riiwe ka ahea pinthum,” nguta jaüto.

Jona 4:8

Ranap na rashe dong wan jai miishe, Shiikeawe raq kehea shedong nü rahai haike she tiihai wanto. Kra rakiitsi nai rahai haike haiwantaq kriiraq, Jona ka pitlang pitthea she khiimchaq wanto. Raüta rakiitsi ma Jona raq atsai riikiha jaq khoti ahea riichang nguta atsan mong na tiimato. Krai mren, “Ngi arka atsai lishe riikiha jaq khoti ahea riichang wa?” nguta jaüto.

Jona 4:9

Shatmaq Shiikeawe raq, “Riita, ümniika jamlai chhi laüto wuqphum chong kra miitu khiq rai tlaü?” nguta Jona ma waito. Kiijiishe, Jona raq, “Ngi ka akhiq chang lam mra asi kha na khiq tiikang. Tsankhiq hea atsai wan klishe rotiikang!” nguta Jona raq Shiikeawe bom treto.

Mark 6:19

Arkhana Herodias raq, Khamlamketi we Johan ka kai ngeng siqto. Kiimaq apaiq ka atsea baiq wan ma tan khan wan ruq li riito. Shatmaq, Herod raq liishat kha maq, tsatbaiq wan lot mak dea riito.

Mark 6:24

Kiijiishe ase ka anyung phana tlat chhat ju raüta, “Jamlai phan wa mijaüha?” nguta anyung ma waito. “Khamlamketi we Johan khupo kra jaülaq,” nguta anyung raq treto.

James 1:19

Lungwii phunainotiim lei, namshiq raq ara bomtsi ashi arka asap han she: Wiitarü raq tsütsa ahea bomtsi chongkuq tlaq kra, tsangriri maq tiitsangdada tai ronglaq. Lanta tak ronglaq. Shatmiitiina, nanok ma shrinke wan lam niika, chaosusu se maq chongkuq rong laq. Kiimaq mokhiq kai ka naqkhiq rongkiq.