THARC TVLUINGC 7:16 - ASII LAKDAP Bible (BSI)

¹⁶ Arningkhan pinthum kechu maiqse miimin naqjakiq kiimaq pinthum taksu maiqse miimin naqjakiq. Maiqmii rilung ka jaram shiithen baiq wa?

Hawa Naga Bible 2001

¹⁶ Kvkhoc rvtueq jvnc vtueq nauk hvlx kaz, jvnc vtueq nauk tuiuz thenc kaz, yvmx ngoz tueq lac mshauk pumz kuex thvt gay vshuiux?

THARC TVLUINGC 7:16 Referencias Cruzadas

RAPHA HIQWA LAK 3:6

Kiimaq jechak nyung raq pechong ka kai tsomhea chhito kiimaq atsi ka asea ma kai aheawiq miraq nguta liito. Kiimaq apaiq raq phaqchi maiqse ma jawan ka kai pinthum ahea miraq ngutaq atsan mong na shiweato. Krai mren apaiq raq petsi wiijam ka pan raüta siqto. Raüta petsi wiijam ka tsangwe miishe kuqto. Kiimaq apaiq riimin she siqto.

YOBA 11:12

Angi nolabi riika tsangshiq dea maiqshaq nguta mitiima, kriika rum na siti kumtoq kong raq shiipuqje se kong nyungkuq raütiq miraq.

YOBA 28:28

Shiikeawe raq maiqse ma chongto, “Taksu ma ja miitu, namshiq raq Tatiwe ka shreng raa tlo, Asap wan miitu, namshiq raq abi lam phan wa jang wan raa tlo.”

TAKSU LAK 23:4

Chiithe ma jatlo hajaq nguta, rokngoq riingoq naq nii raikiq. Taksu ma jalaq. Chanhea naqphe phiiqkiq.

TAKSU LAK 25:16

Ngiq ngu ka thittlaiphok naq nyangkiq, pahea nyang haüla aphai rai mirhaü.

THARC TVLUINGC 12:12

Ise lei, arjaq honlam chang bomtsi poshi asi shaq dea. Maiqse ma awaiq wan chang lak dap ka pahea shaq dea asi. Shatmaq chanhea phaqchi pinja ritwan niili morai raü min, rilung kli mithumki.

Matthew 23:29

“Namshiq ma phiiptsi chang jonghea asi, Thungtri shrinketibi nai Phorisinok le! Mongnam nok le! Namshiq raq richü pat wa shammibi nai kechu maiqse raükhu ahai kongmong chong thun kriika aheawiq maq tiimiikhiiq shiili lii tlan.

Matthew 23:38

Riita arkha na, ümchaü sanha ümchela ka Shiikeawe raq amiim she mirbaiq. Kiimaq üm Shomjam ka shaqmii she miraq.

Matthew 23:5

Tsangshiq raq kamasham lam phan na phanrap shamlam tlaq kriika maiq ma tiichhi hake ma ngutli klo lii tlo. Liimanta, Asii bomtsi po ka ngamkhü chamchhok ajong jong na shaq raüta, tsangshiq khakam na nai jaq na pa raqraq pawan tlo! Kiimaq tsangshiq dü na samtong jong kaü samtlaq kra kheani thun kriika achan ana ajong aluwiq siisaq tiihong raüta paq wan tlo! Arka tsangshiq ka Shiikeawe ma pinthum kamasham ajong rümti nguta maiq ma tiisap miitu paq tlo.

Matthew 9:14

Kiitiikaq Khamlamketi we Johan jaqshisetiim ka Jesuq phana waraüta, “Naishiq nai Phorisinok jaqshisetiim ka akhing khing na amang maq silaita Shiikeawe shomnoq tiikai. Shatmaq ümjaqshisetiim riika jam nguto amang maq siraüta Shiikeawe ka shomnoq mak?” nguta waito.

Luke 18:12

Ngi raq chepat shi na, ranaiq nai ka amang maq achu jaü tiikang. Kiimaq aroq khu wa honglu ka tiikhea mang phan maq kuq tiikang,’ nguta achu jaüto.”

Romans 10:2

Ngi raq asapha, tsangshiq raq Shiikeawe ka tsantsii wiita kiinong kuq raüta dea shomnoq wantlo. Shatmaq, tsangshiq raq Shiikeawe shomnoq tlaq, kriika riikhaqli lam phan riimak.

Romans 11:25

Phunainotiim lei, ngi raq ara apaü raüta athü wan, tengteng bomtsi ara namshiq ma chongke wan rotiikang. Arka namshiq raq sap wan chang akhek sitlo. Kra sap wan han jiila, namshiq tsan na, “Naishiq Pongnok phan maiqse dea taksu maiqse,” nguta tiishom ra man mirhan. Riita, ara chong tiikang tengteng bomtsi ka ara. Ümchaü Israilnok tsantsii wanshakshak rüm tlaq arka, pattup akhli ka wanwan mak miraq. Arka, Pongnok phan maiqse ka Shiikeawe puk na ümtinkhan shang wan chang wa siwan tlaq, kra thun kra kunli she shang wan akhing ranaiq na saüli niili Israilnok tsantsii ka mitsin wan.

Romans 12:3

Riita, Shiikeawe raq ngi ma wenyi kongphiq jonghea kuqtaq kriikha maq, ngi raq namshiq tarü loweatek ma, ara tsii chongkuq tiikang ara: Namshiq raq maiqmii ka, ajong ala, phanrap asap atsin hai siisaq nguta, tsan na naq tiima rongkiq. Shatmaq, sobsob bombom maq siwan lili ronglaq. Shiikeawe raq namshiq loweatek ma kamtsantsii ümchuwa kuqtaq kra khan khan, maiqmii thii ka shin wan lili lanta siwan lili ronglaq. Achan ana ka naq bom rongkiq.

1 Corinthians 3:18

Jurmin maiqmii nai maiqmii ka angok angi ma naq tiijan rongkiq. Namshiq phong wa weshi ra raq, ara mangjong hiqti maiqse maklii na, atsii we sitiikang nguta tiima tlaq jiila, apaiq ka riikhaqli atsii we ma jawan miitu, angok angi we ma mija laq.

1 Corinthians 3:20

Kiimaq Asii bomtsi bashi na hali akha chongtlo, “Shiikeawe raq maiqse taksma tsantsii ka hiqtili thiihü nguta sapshat.”

Philippians 3:6

Nanyungwe Thungtri lang wan lamphan na, tri raü sham wanti, akaü ashi. Kriikha maq, phungtuti ka pinthum tiichamchao wan kang. Thungtri lang raüta kechu maiqse ma jawan chang lam asi dea ngo chang jiika, ngi ka thungtri aming tingting maq lang wanti, kechu maiqse ashi nguta asi wan ha wa.

Colossians 2:18

Namshiq ka, maiq arot akiq shrabi ma, naq tlao rongkiq. Tsangshiq riika, rasetiim ka riisham mak maq chhi tiikai. Krai mren, tsangshiq ka nanok shammibi ahinti thaq na shammi jong sitiikai nguta tiishomra tlo. Tsangshiq ka arot, rakhütsiri na nanok thaq na kechu lin sitiikai nguta achu jaü tiichhi siq tlo. Kiimaq rasetiim kriimin shomnoq chang nguta shiichut tlo. Akhnok maiq arka, atiishomra rai chang min riimak chang niili, tiishomra siq tlo. Apaiq riika, mangjong han-ngam tri miili shin tlo.

Colossians 2:23

Riita, arthun langtlaq tri raü arka, maiqse han-ngam phaqchi thaq na seng raüta aming athü wan. Tsangshiq raq nanok ma, rasetiim ka shomnoq raa dongdii ngu, kiimaq amang maq siraüta, kiimaq maiqmii khum ka pinthum jaqla maq tiichamchao raüta, Shiikeawe ka shomnoq chang nguta tlang kuq tlo. Ara chongtlaq tri raü thun arka, maiqmii han-ngam khushü tiijong rit wanti miirii li. Shatmaq, arthun tri raü ara lang raüta, maiqse ngarai han-ngam abi ramho sitlaq kriika, maiqse khum wa tiisii lot mak.

1 Timothy 4:3

Tsangshiq riika, Phungmaiqse raq maiqlam min raa mak she, nguta traho kuq tlo. Kiimaq maiqse raq aphaq asea chang phan wiijam ka, phaqsea raa mak, apii nguta shrin kuq tlo. Shatmaq, ara chongtiikai phanrap aphaq asea chang thun arka, Shiikeawe raq maiqse raq aphaq asea wan miitu, aphan sang kuq wan. Kiimaq nashiq ka Phungmaiqse. Shiikeawe ma kam laita sitiikai. Kiimaq tengteng tsütsa asapti miika, phanrap phaq nai sea phan sitlaq kriika, Shiikeawe ma kechutum ramram achu jaü laita, phaqsea chang li.

Revelation 18:19

Tsangshiq khakam na botkhulai maq nyat raüta akha hoq trang wanto, “Ngalai, phiiptsi chang! Ara chela ajong ka maiqphiip maiqjiip khiim phaqto! Ara chela raq khamjong lam maq mokkiitu maq khum raüta, apaiq rai laopan jawanti bi pahea, apaiq rai piikiiti chiithe lüwa ma tiija wanto. Apaiq ahata khamjong lam maq mokkiitu maq khum raüta apaiq phana piikii wati laopanbi thun pahea chiithe lüwa ma tiijati ira! Kiitinkhan chiithe wa shatmaq, narishi liipan niili she, atsiiq anyam miqchup she thento!”