THARC TVLUINGC 7:14 - ASII LAKDAP Bible (BSI)

¹⁴ Arong awin maq sitlaü bala chojong chise maq silaq. Kiimaq alit akot kaidi tlaü bala, rashi hiqwea laüta silaq. Shiikeawe raq siili chochi akhing na chamchao akhing ka tiisaütlo. Maiqse riika anap jamlai wa misaü, kra saplot mai.

Hawa Naga Bible 2001

¹⁴ Mnoz tvkoc phvnx ruip saz hvlc wvnc ruiux yuq, vkoz vkez httax kuiuz, kuilc daz rvhumc tuiux nuex, tvmaung rvwvl shuiuz: Tishox rueq vkoz vkez juing nuiyc kuilc daz kuex vdvmz nuex tvpop vtueq tvkaz yaq; yix maq yvmx khoc yaungc wvnc juing lac kuex mnoz rueq mkaq muinz tuiuz lot muq.

THARC TVLUINGC 7:14 Referencias Cruzadas

1 HOKHVMX 8:47

ümsenginok achujaü ka ümniiraq trekuq laq. Kiimaq tsangshiq raq kra mung maq, tsangshiq ngarai ka ümman na abi pinthum dea shut wankai ngutla tiidii wan raüla, tsangshiq achu jaü ka tre kuqlaq. O Tatiwe lei.

YOBA 2:10

Kiijiishe Job raq treto, “Ümniika angok angiti ikha bomtlaü! Ümtiikiiwa Shiikeawe raq nashiq ma ahea awa phan tiisaü tlaq, nashiq raq tao tiikai. Ikhiijiika apaiq raq nashiq ma chamchao tiisaütlaq niika, nashiq raq apaiq ma jamkho mibot nyan?” Job riika kiitin khan chamchao riihum jai niimin, Shiikeawe ma ngeng seng bom bom mak riito.

Tvtsvmc 119:71

Ngi raq mohokang ka ngi ma ahea miitu, jamkhano ngukla kra raq itsii tiichhi kha maq ngi raq ümnaq aming thun shrin wan kang.

Tvtsvmc 40:3

Apaiq raq ngi ma ashi anye ashi shrinkuqto, nashiq Shiikeawe ma tiitsamkam shi. Maiq pahea raq arshe michhi wan raüta tiihaisong shat miraq kiimaq tsangshiq raq Tatiwe ma mikam wan.

THARC TVLUINGC 10:14

Shatmaq angiwe ka bom wan ruqli, atsaq min tsaq mak. Jam na sup chang wa kra jurmin sap mak. Kiimaq nashiq tsai kai jai rawiichii na jamlai wa misaü wan kra jurmin saplot mai.

THARC TVLUINGC 11:9

Jerowe lei, peokhiq maq rilung ka tiisung laq. Jero bala chojong chise maq silaq. Tsan raq aroro kra sham laüta silaq. Ümtsan raq jamlai wa jaütlaq kra phanphan polokhiq maq silaq. Tsan na tiitsangshat maq silaq. Ümniiraq jamlai wa sham wan laü, kra wiita Shiikeawe raq kappe maq shin raüta kha ka mipho wan.

THARC TVLUINGC 12:13

Atiithum bomtsi ka arlishe: Shiikeawe kli she shrenglaq. Laüta apaiq aming thun kra langlaq. Shiikeawe raq maiqse phansang wantaq ka ara miituli riito.

THARC TVLUINGC 12:8

Atuli, atuli, phanrap ka atuli, nguta Phaqchi Shrawe raq ngutlo. Phanrap ka atuli.

THARC TVLUINGC 3:22

Arningkhan, ngi raq akhli she tak wan kang, maiqse miika mangjong hiq na atra sitiikai bala, najaq maq jamlai minwa shiiqtiikai, kra tsingo ka phaqsiq laita, khoqriiq shishiiq maq siwan changli. Arthaq niika, nashiq raq klo kai chang laihin ahü. Nashiq tsaikai jai niika, jamlai miishe wa mija wan kriika nashiq raq sapmai.

THARC TVLUINGC 3:4

Apaiq raq tsanbihosi akhing min tiihongje, Achochi akhing min tiihongje. Mahomaanyi akhing min tiihongje Wiinumsea akhing min tiihongje.

THARC TVLUINGC 5:17

Maiqse rilung ka ranyaq mong na sithü changli. Kiimaq hosi, chapa, tsankhiq kiimaq atsi asi lam miili sitiikai.

THARC TVLUINGC 8:7

Nashiq raq anap jamlai wa misaü wan kriika saplot mai. Nashiq ma kra chongketi jumin ahü.

THARC TVLUINGC 9:7

Kriq na. Phesiq laq. Phetaktak phaqsiq laq. Chojong chise maq silaq. Wiiche wiitsam phetaktak phaqsi laüta silaq. Chochikhiq maq silaq. Shiikeawe arka ahea siili.

ISAIA 26:11

Ümjaqtinok riika ümniiraq tsangshiq ma mo mitiihohaü ngutiika sapmak. Tatiwe lei, tsangshiq ma jea tiingaülaq. Laüta tsangshiq ka tiichamchaolaq. Ümniiraq tsangshiq ma mo tiihochang tiije laü kra mihophaqlaq. Ümniiraq ümsenginok ka ümtinkhan wa lungwiitlaü kra tsangshiq ma tiichhikuqlaq.

ISAIA 42:25

Kriikha niishe apaiq raq atsankhiq walütu maq nashiq ka shechaqto ahata, krai mren redong wa niishe khiimphaq kai ahata. Waniitu ikha atsankhiq wa raq Israil mung hamli khiimto, Shatmaq jamlai mra wa pintaq, kra nashiq raq jamtho min hemai riikai. Nashiq raq kra mra pintaq kiiwa jamlai tsü min chhi mai dea riikai.

JEREMIA 23:20

Krai mren apaiq raq ümtinkhan tiithenbaiq wan chang ngutiiwa toqtan wantaq kra mitiithen baiqshaq wiiwii rathaiq ka tsaq mak miraq. Rawiichii akhing saü wan raütiq asenginok raq ara toqtan wantlaq bomtsi arka ardea nya nguta khangriri hea she mitak wan.”

AJONJÜ 3:38

Ahea tri lamphan nai ajiq tri lamphan ka, apaiq aming maq siisaq shamtlo.

Mikha 6:9

Tatiwe ma haisong tsü ka taksu phaqchi. Tatiwe raq chelati ma chongtlo! “Tairong laq! mungmaiqse chela na thungtlanti lei!

Matthew 9:13

Asii bomtsi na, ‘Ngi miika mangchan tsii li ra tlo, honglu ngamrea thop ka riimak!’ nguta chongtlaq arka jamlai ngo wa, kra namshiq raq samhea phat rong laq. Lanta kra liichum ka takwan han jaq ahea miraq. Ngi ka chiisan maiqsetiim heakai akiha riimak; ashleq arbaiqti thun kra triichom sheakai kikang.”

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

TRI CHONGKE 26:11

Tatiwe üm Shiikeawe raq ümniima kiimaq ümjamti ma ahea awa phan kuqtaq kra miitu kai kechutum laq. Kiimaq ümniirai Lewinok kiimaq pong mungti ümchuwa sitlaq thun riimin ümniirai ara poi ka chojong chise maq milom dam laq.

TRI CHONGKE 28:47

Tatiwe raq ümniima phanrap lam na achu shiiman kuqto. Shatmaq ümniiraq apaiq ka khoqriiq shishiiq maq kiimaq chojong chise maq shomnoq wan maü dea riilaü.

TRI CHONGKE 8:3

Apaiq raq namshiq ka songtsi ramtsi tiichamchaoto. Raütiishe apaiq raq namshiq ka manna maq dung wanto. Kra dung ka namtitiim pat na nai namshiq riimin man na phaqsiq wan man riilan. Apaiq raq namshiq ma manna maq dung wantaq arka, maiqse ka atra si miitu dung lam lamse phaqsi raütli sichang riimak, shatmaq Tatiwe raq phanrap bomtsi chongtlaq kra phaqsiq raüta sichang nguta shrinke miitu riito.

TRI CHONGKE 8:5

Tsan na tiitsang ronglaq, Tatiwe namshiq Shiikeawe raq namshiq ka awe raq asetiim ka tsatson raüta hon atsii chongkuqtlaq ikha namshiq ka trantsii wanto.

James 5:13

Namshiq liipan na, maiq ashi ra acham achaoti asi sha? Apaiq raq achu mijaü laq. Ashi ra acho achiti asi sha? Apaiq raq tiitsam shi mishilaq.