THARC TVLUINGC 7:12 - ASII LAKDAP Bible (BSI)

¹² Kampho maq jamkho khum tiichhiikuq tlaq, kiikha taksu tsii raq maiqse khum tiichhii kuqtlo. Taksu tsii raq ümkhum tiichhii kuqtlo. Phaqchi sapti miika ahata aliip apha.

Hawa Naga Bible 2001

¹² kvruex kuex kuimphox rueq ikhoc mnoz muex kvwungx juing lvmx kuq kv-phux. Taksux tharc rueq mnoz muex tvkhup wungx yaq, vruex kuex phaqjic httax yaq vjux rvtueq.

THARC TVLUINGC 7:12 Referencias Cruzadas

YOBA 1:10

Ümniiraq apaiq nai ajamtitiim kiimaq apaiq hup asam thun ka wranaiqshe khupwong kuqtlaü kata. Apaiq raq jamlai wa shamtlaq kra ümniiraq shiiman kuq tlaü kata, kiimaq ümniiraq apaiq ma armung ara mali chang raham hiqham jam nyamsekong tiipuchi kuqlaü kata.

Tvtsvmc 57:1

Ngi tiihangkuq laq, O Shiikeawe lei, tiihangkuq liidea, jamkhano ngukla ngi ka ümtiiwong na nyapwan tiikang. Ngi tiiwongchang ka ümrakhong kra rathaiq henghea kra mitsaq shaq wiiwii.

TAKSU LAK 11:4

Ningthoi ranaiq tsiiqtum raq, ümrilung tiichhii lot mak. Kechu jaqsham raq üm rilung mitiichhiilot.

TAKSU LAK 14:20

Miitsan maiqse jurmin romak, jamthaq jamkiqti riimin romak. Shatmaq chiithe maiqse miika, kongti pahea.

TAKSU LAK 2:11

Taksma hon atsii nai pinja tsantsii raq, ümniika shunshea raüta, khebom kuqshat miraq.

TAKSU LAK 2:7

Apaiq raq kechu maiqse nai, tingting maiqse ma khrum kuqtlo, kiimaq tiikhup wong kuqtlo.

TAKSU LAK 3:18

Nyan phaqchi rümti ma kechu jonghea, nyan phaqchi raq tsangshiq ma, rilung mikuq.

TAKSU LAK 8:35

Jurwa ngi humtlaq, kriiti raq rilung humtlo, kiimaq Tatiwe min, apaiq ka milungwii.

TAKSU LAK 9:11

Anyan phaqchi raq ümrilung mitlukuq.

THARC TVLUINGC 10:19

Polokhiq poijong klo ka chojong chise miraq. Che phetak bak nyang jai hühü haha minai trang. Shatmaq ara phan nai ri klo miitu kampho miraa, kampho ahü jiila klo lot maü.

THARC TVLUINGC 2:13

Kiijiishe, ngi raq ara tak kang. “Taksu tsii ka, angi nola thaq na ahea lin. Ranyaq nam miika rawüli ka ahea lin.

THARC TVLUINGC 7:19

Taksu tsii raq maiqse ma ümtin khan wa shiiman kuq tlaq, kriika tuwejong weroqshi raq chela ashiti ma shamkuq tlaq kriithaq na apa misham kuq lot.

THARC TVLUINGC 9:16

Kra chhilata ngi raq, “Taksu tsii ka ningkun thaq na ahea. Shatmaq miitsan maiqse taksu tsii ka hiq tili ikhli, maiqse raq no na shipoq baiqtlo. Kiimaq apaiq raq chongtlaq bomtsi ka maiqse raq lang mak shishe tlo,” nguta tiima kang.

THARC TVLUINGC 9:18

Rekhat chang chuntsi nyiimwin nam ma, taksu tsii chongkuq tlaq kra tai haü jiika, mungmaiqse ma hansang miraq. Shatmaq ngarai maiqse ashi riili Ahea awa pahea shiithen baiqtlo.

ISAIA 30:2

Tsangshiq ka Ejip mungti tijong hokai ngi rai tsii riiwai mak maq kihoto. Tsangshiq ka Ejip mungti ka tsangtijongnok ma tiijakai kihoto. Tsangshiq ka Ejip mung hokhamwe ma kamtlo.

ISAIA 32:2

Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.

ISAIA 33:6

Raüta mung ka mungtsing maq miriim wan. Apaiq raq asenginok ka wranaiqshe tiiwongkuqtlo. Kiimaq tsangshiq ma taksu tsü kiimaq anyan phaqchi kuqtlo. Tsangshiq ma tsiiq tum ajong pinthum ka tsangshiq raq Tatiwe shrengtlaq kra.

John 12:50

Kiimaq ngi raq asap ha, apaiq aming bomtsi arka maiqse ma pattup pat-sa rilung raüchong. Krai mren, i nü maq jamlai bomtsi wa bom tiikang arka, i We raq ara bomtsi ara chong kuq laq nguta, achongkuq kriili chong kuq tiikang. Apaiq bomtsi kli ngi raq maiqse ma tlü chongkuq tiikang.”

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

TRI CHONGKE 32:47

Arthun shrinkuqtaq bomtsi arka atu riimakjo. Arthun arka namshiq rilung tsitsü raütu. Kriithun ka lang ronglaq. Kra riihantiq namshiq ka ara Jordan rai reko na ümchaü wa wantlan, lanta jiiwantlan hiqshong kiijaq rilung alu maq misi wan han.”

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

PHOWEBI 9:15

Kiijiishe shuktam chong raq treto, ‘Namshiq raq ngohea dea, ngi ka nam hokham ma shong rotlan jiika, ahea namshiq ka iwokhong na sironglaq, Kra riiman han la, ikü iko shuktam rong kiiwa, wa phok raüta namshiq ka, wiita mikhiim chaq laq. Raüta Lebanon pum wa sedar chongro kiimin, wiita mikhiim laq.’