THARC TVLUINGC 6:11 - ASII LAKDAP Bible (BSI)

¹¹ Apa riikhiilea wan wan, thiihü ma jawan wan li miraq. Ümniima jamlai phan aliip apha dong chang min ahü. Atuli.

Hawa Naga Bible 2001

¹¹ Loayc hvlc rvkhawc wvnc wvnc, vjux vguez phvnx paung wvnc ningkhvnc nuex, mnoz kuex hvlx vtuiux rvmuq.

THARC TVLUINGC 6:11 Referencias Cruzadas

Tvtsvmc 73:6

Krai mren tsangshiq ka ashkongtamli jasam piqsiili sitlo;

THARC TVLUINGC 2:15

Kiijiishe, ngi nai ngi she itsan mong na, “Riita ngi armin angiwe kiikha khoshi na dea wa chang siili jiika, ngi ka taksu we ma jalata, jamlai liip wa lapkang? Jam min ahü,” ngutiishe tiima wan kang.

THARC TVLUINGC 3:19

Jamkhano ngukla, maiqse nai nyamse ka adam dam siili. Maiqse jamkho tsaitlaq kiikhiisii, nyamse kiimin tsaitlo. Wiitsitsü phan ngusaq, maiqse nai ngamsaü ngiqse ka adamli tsaitlo. Tsangshiq ka aphan sang arwan siisaq. Maiqse rilung kiimin, ngamse rilung kiikha thiihüli. Jamkhano ngukla rilung ka phan nai ri wiita ma thiihüli.

THARC TVLUINGC 4:16

Hokham weshi raq tsangmung peng wantlaq kiijiika, mungmaiqse ka pahea, awea lot mai min mirsham. Shatmaq apaiq tsai kai jaishe ka, tsangshiq miitu ümtinkhan wa, apaiq raq jaqsham kuq wantaq kra miitu kechutumketi, maiq ka ahü she miraq. Arka thiihü atuli. Arka rahai jaijoli.

THARC TVLUINGC 4:8

Maiqse weshi ka apaiq laqlaq seli, Ase maiqwese min ahü. Anung ano min ahü. Kra taü maq dongdii min, apaiq ka naiqhü wasü mintsa shea mintsa, minshiiq wali arilung ka tiisungtlo. Ajaq na tsiiq ümchuli siraü min, hongto she ngumak phan. Kiitinkhan langlang ka ju miitu wa hunnii raitla? Arka atuli. Arka jamlai achu min ahü rilung.

THARC TVLUINGC 5:7

Ümniiraq ümtinkhan sham-akai li hang haü jiimin, ümtin jaqsham kaiwali hunnii rai haü min, ümtin khanli tsütsit haü min, ümniika Shiikeawe man na, tiihaisongshat maq chap changli dongdii miraq.

THARC TVLUINGC 6:10

Maiqse rilung na jamlai phan hongtha wan chang wa kriithun ka, man na rapha hiqwa niiphü thapthi wanje she dongdii. Kiimaq nashiq tarü raq asap i, maiqse riika apaiq thaq na juwa ajong kriirai ka riikhii wan lot mak she.

THARC TVLUINGC 6:12

Maiqse raq arilung ka ara mangjong hiq na jaqlose kiimaq thiihü sithü tlaq liipan na, apaiq ma ahea pinthum ka jamlai wa miraq, kra apaiq raq jamkho misap? Ara maiqse rilung ka rashekii na khum raüjaq, natsaiji dongtlaq ikhli. Maiqse raq apaiq tsaikai jai, ara mangjong hiq na jamlai mra wa mipin wan kra misap lot shea?

Hosea 12:1

Tatiwe raq ngutlo, “Israilnok raq ranapchu maq riita, ratiijidoq pongmungti rai silu lamphan, tongshong wantlo kriika, atuli mimoki kiimaq athen mirki. Tsangshiq raq Asiria mungti rai tongshong wanto. Kiimaq Ejip mungti ma piikii lam dikuq wanto.”