THARC TVLUINGC 5:6 - ASII LAKDAP Bible (BSI)

⁶ Ümbomtsi kriimiili ümniika ngarai na tiidea baiq chang ka naq bomkiq. Shiikeawe ramwe ma, ümniiraq shut rai kang dea nguta mra tiidii chang miraq. Shiikeawe tsan ka ümkhuthaq na jaram tiikhiq wa? Laüta ümjaq ajaqsham haü ka apaiq ma jaram tiithen baiq wa?

Hawa Naga Bible 2001

⁶ Mnuix ningkhvnc nuex mvrax nauk tvyaq kaz, ngaz yaq itauk ngoz tueq Tishox shomc waz mvnz nuex nauk tvdung jungx kaz. Yvmx ngoz tueq lac Tishox thuinkhvy naq vshuiux? Mnoz rueq shuimx vshuiux yauk shuimc kuex yvmx ngoz tueq lac piq muex tvbac gay vshuiux?

THARC TVLUINGC 5:6 Referencias Cruzadas

RAPHA HIQWA LAK 48:16

Ngi phanrap chamchao mong wa khupwongke wanti rase raq tsangnai ka mishman kuq laq! Imang chong nai iwe Abraham kiimaq Isak mang chong ka ara nono nai ara lümaq siruq misi wan laq! Tsangnai setiim nai asaütiim ka pahea mipuchi wan laq!”

TAKSU LAK 23:17

Ngarai maiqse ka naqshukiq, rilung pattup Tatiwe ma, shreng manto tsantsii kli thülaq.

THARC TVLUINGC 10:12

Taksu maiqse raq bomchong tlaq kra lümaq apaiq raq shreng manto laptlo. Shatmaq maiqjiq ngamphiqti riika anübok maq jamlai wa bom tlaq kra miili apaiq ka then phaqtlo.

THARC TVLUINGC 3:14

Ngi raq asapha Shiikeawe raq phanrap klotlaq kriika, pattup pat-sa mingang wan. Kriithaq na maiqse raq jamlai tiitsuqphiq kai chang ahü. Kiimaq atiikojo lambaiq wan chang min ahü. Nashiq wiitarü ka Shiikeawe jaqsham kra chhilaita amao laita sichangli.

LEWI 4:2

Israilnok phong wa jurwa sapmak lam maq ngarai tangtlaq kiimaq Tatiwe aming thun jintlaq, kriiti raq arthun tri ara lang chang nguta chongto.

LEWI 4:22

Kiimaq mungtuwe raq hemak lam maq ngarai tangtaq, raüta Tatiwe aming thun kiiwa aming ashi jin raüta shuttaq jiika,

MALAKI 2:7

Ramwebi jaqsham ka riikhaqli maq nokmaiqse ma Shiikeawe tiisap wan shrinke wan kra riito. Nokmaiqse tsangshiq phana kitlaq kriika, ngi tiima tsantsii kra sapkai miitu kitlo. Jamkhano ngukla tsangshiq ka Tati Ningkun Ajong Pinthumwe kiimwebi.

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

WEAWEA 15:25

Ramwe raq mungmaiqse khuliiq mrochhi poi kra miklo kuq. Kiimaq tsangshiq ngarai ka midiikuq. Jamkhano ngukla kra shut wantaq kriika hemak lam maq shutto. Kiimaq tsangshiq raq tsangshiq ngarai-honglu ka phaqsea-honglu ikha Tatiwe ma kuqto.

1 Corinthians 11:10

Riita ara chongtiikai arkha maq, jechak ka awese wokhong na sitlo nguta tiichhi wan miitu nai rasetiim miitu, jechak raq akhu ka aphop riichang.

1 Timothy 5:21

Ngi raq arthun aming ara Shiikeawe man na, Jesuq Khristo man na, kiimaq asii rasetiim man na, ramram lata, ümniima arthun arang ara kuq tiikang. Ju miimin tiishaü tiiji naq riikiq. Wiitarü ka maklii shi maq peng laq.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

James 1:26

Maiq weshi ra riika, apaiq ka maiqshaq awongsii Phungmaiqse sitiikang ngutiimin mitiima sham. Shatmiitiina, apaiq raq atili ka stiqkhaq mak maq, abom wan nguli bom tlaq jiika, apaiq ka banbok miili sitlo ngushat. Kriika maiqmii tlaophaq li. Apaiq raq Shiikeawe lamphan tlaq kriika shaqmii, atuli miraq.

James 3:2

Ara jamkhano chong tiikang ngukla, nashiq tarü raq pahea ashut klo tiikai. Na shut ka naq raq apako sap mai riitiikai. Shatmaq Phungmaiqse liipan na jurwa abom poshi min shut mak phan maq bom tlaq jiika, apaiq ka minhap she dea nguta ngo chang misi. Apaiq ka asii miikiimse ashi nguta, abom poshi achan bom mak phan miraq.

2 John 1:8

Arkha maq, namshiq ka honkam shat maq sirong laq. Naishiq raq ümchuwa hun nü wan kai kra atu na moki mak chang miitu, shatmaq nashiq raq poksi kra kunkun lap wan li chang, honkam shat maq sirong laq.