THARC TVLUINGC 5:4 - ASII LAKDAP Bible (BSI)

⁴ Kra ningkhan, Shiikeawe ma kongphiq khathü haüla, kongphiq raükha ka jaqlo miili adii riilaq. Apaiq ma maiqjiqti hon atsii ka thiihü. Ümnü maq jamlai wa khamlaü kra kuq laq, naq tleakiq.

Hawa Naga Bible 2001

⁴ Kvkhoc rvtueq Tishox muex mnoz rueq bomkhvmc kuq shuiux nuex, kvruex kuex shuimx ruiux yuq htat htat shuimx shuiuz. Vpiq rueq miqyaq jix kuex khuec guez tvyaungc yaq. Vshuimc tvkoc bomkhvmc taq toq rulc rv-ngvlc shuimx shuiuz.

THARC TVLUINGC 5:4 Referencias Cruzadas

RAPHA HIQWA LAK 28:20

Raütiishe Jakob raq Tatiwe ma sinkham raüpot akha khato: “Riita ümniika ngi rai nong nong sihaüla, kiimaq ngi raq wanhiq khum tiikang arwa tiikhup wongkuq haüla, laüta ngi ma phaq nai sea kra kuq haüla,

RAPHA HIQWA LAK 35:1

Shiikeawe raq Jakob ka thaüto, “Bethel hiq na jaqlo kilaq. Laüta kiijaq silaq. Kiimaq kiijaq Ngi miitu berong-wacha ashi hailaq, ümniika ümphu Esau ma hai ma juwan tlaü akhing na ümniirai riihumtaq Shiikeawe irma.”

RAPHA HIQWA LAK 35:3

Nashiq ka armaq alaü she mirho rong i. Laita Bethel hiq niishe mikiho rong i. Kiijaq ngi raq ngi khrum keti Shiikeawe, ngi ma litkot chamchao ranaiq khrum ketiwe kiimaq ngi ümriiba niiwa khum wan kang kiijaq ngi rai nong nong maq siwantiwe ma berong-wacha ashi mihaiha.”

Tvtsvmc 116:14

Asenginok mung thungtlaq kiijaq ngi raq apaiq ma kiqkham kang kongphiq kra mikuqha.

Tvtsvmc 119:106

Ngi raq i sinkham bomtsi ka mithüha ümniiraq tingting hon atsii chongkuqlaü kra langwan lata misi wanha.

Tvtsvmc 22:25

Nokwe kunli thungtlaq na ngi raq ümnaq mitiitsamha ümniiraq khrum kuqlaü kra miitu; ümnaq shomnoqti phong mantut na ngi kiqkham kang nyamse honglu thun kra mikuqha.

Tvtsvmc 50:14

Shiikeawe miika kechutum honglu kra kuqlaq, kiimaq Ajong Shiikeawe ma jamlai mikuqha ngutiiwa kiq khamlaü kra kuqlaq.

Tvtsvmc 76:11

Tatiwe üm Shiikeawe ma, jamlai mikuqha ngutiiwa kiqkham laü; kra kuqlaq; namshiq atro na siti maiq mung thun raq kongphiq thun howan lanta apaiq ma kuqwa rongkiq. Shiikeawe raq maiqse ka apaiq ma tiihaishat maq tiisitlo.

TAKSU LAK 20:25

Shiikeawe ma mikuq shaq na, jamlai honglu wa mikuq haü, kra samhea tiima laq. Bomkhamke jai na, naq tiishudaq kiq.

ISAIA 19:21

Tati apaiq raq Ejip mungti ma apaiq sham ka mitiichhikuq. Kiimaq tsangshiq raq apaiq ka misap. Raüta apaiq ma nyamse honglu thun mitaakuq kiimaq honglu hongtan thun mikuq wan. Kiimaq tsangshiq raq apaiq man na asiq areng kiq kham raüpot mikha kuq wan. Raüta kra kiqkham raüpot thun kra mikuq wan.

Jona 2:9

Shatmaq ngi riika ümnaq tiitsam kam wan, shinge kli mishinge ha. Ümniima honglu kli mikuq ha. Lata ngi raq kongphiq kha kang kra, ümniima mikuq wan ha. Tiichhii wantiwe ka Tati ümniili!”

MALAKI 1:10

Tati Ningkun Ajong Pinthumwe raq ngutlo, “Namshiq phong wa weshi ra raq Shomjam kilü thun ka shabaiq raüjaq ahea riichang wa nguta tiima tiikang. Kra nguraü ka namshiq raq athii ahü honglu thun ka iberongwacha na chaqki man mirhan wa. Ngi ka namshiq ma itsan heamak. Namshiq raq honglu kuq tlan ka tao mang.

WEAWEA 30:2

Ümtiikiiwa maiq weshi ra raq Tatiwe ma hupsam phanshi ra mikuqha nguta sinkham raüla, riimakla phanshi ra ka phaq siq mang she nguta atiitum raüla, apaiq sinkham kra jin maimak, shatmaq apaiq raq jamlai wa mikloha ngutaq kra klo raa dongdii.

Matthew 5:33

“Kiimahali richü we ma akha achongkuq wan arman namshiq raq tai wan lan she, ‘Ümniiraq arot kongphiq naq khakiq. Shatmaq Tati ma jamlai kongphiq wa khawan laü, kriika kewan chang dongdii.’

Hebrews 10:6

Nyamse ta raüta wiipumtam maq, berongwacha na achaq ka, ümniiraq rariq maü. Ngarai miitu honglu na ataa nyamse kiimin, Ümniiraq dadü maü.

PHOWEBI 11:35

Apaiq raq ase ka chhi raüta, ahositsi nai atsanbitsi ma, adü na asam akheatong ka chaihea hea she riito. Raüta akha nguto, “O, ise loi! Ümniiraq itsan she tiibun baiq laü! Ümniiraq lala imongjii ka jamkho tiibun baiqho laü? Ngi raq Tatiwe ma sinkham kuq kang she, kriika diibaiq lot mangshe!”