THARC TVLUINGC 5:2 - ASII LAKDAP Bible (BSI)

² Kiijaq mobom naqbomkiq. Abomho ma samhea tiimalaq. Shiikeawe man na tiimarahü maq kiq naqkhamkiq. Apaiq ka ramungtan na. Ümniika mangjong hiq na. Arningkhan bom achan naqbomkiq.

Hawa Naga Bible 2001

² Mnoz rueq kvjaz max jungx nuex kungkhux tvmaung shuiuz, Tishox rulc bomkhvmc tvtuiuz tvruiuz nauk tvhungx. Vpiq kuex raungx mungtan nuex httax yaq mnoz kuex ghaq htauk nuex httax vtuiux, kvkhoc rvtueq mnoz rueq jungx aungx yaq maq lvy vtueq vjvnc nauk kvjak kaz.

THARC TVLUINGC 5:2 Referencias Cruzadas

RAPHA HIQWA LAK 18:27

Abraham raq jangshi ri hali nguto, “Ngi raq haimang maq ümniima bomruq bomrai kha na ngi mra ka diikuqlaq, Tatiwe lei. Ngi ka miiman maiqse lam lamli. Ngi raq ümman na bomrai ka thek mang.

RAPHA HIQWA LAK 18:30

Abraham raq nguto, “Mangchan laüta naqkhiqkiq, Tatiwe lei, ngi riika jangshi ri bom nong chang rakito. Riita kiijiika roqtsamli ngu raüha?” Apaiq raq nguto, “Ngi raq roqtsam humha jiila, klo mang mirha.”

RAPHA HIQWA LAK 18:32

Abraham raq nguto, “Tatiwe lei, mangchan laüta naqkhiq kiq dea. Ngi raq jangshi lamlam se li she bom nong pha. Riita roqshi lamlam seli ngu raü ha?” Apaiq raq nguto, “Ngi raq kiijaq maiq roqshi humha jiila, chela ka tiithen baiq mang mirha.”

RAPHA HIQWA LAK 28:20

Raütiishe Jakob raq Tatiwe ma sinkham raüpot akha khato: “Riita ümniika ngi rai nong nong sihaüla, kiimaq ngi raq wanhiq khum tiikang arwa tiikhup wongkuq haüla, laüta ngi ma phaq nai sea kra kuq haüla,

RAPHA HIQWA LAK 28:22

Krai mren ara tsan na tiitsang chang miithii longkaü shong tiikang arba arka ümnaq shomnoq chang hiq ba miraq. Kiimaq ümniiraq ngi ma phanrap kuqtlaü kriiwa wiita, roqshi khu wa manshi ka ümniima mikuqha.”

Tvtsvmc 115:3

Nashiq Shiikeawe ka ramungtan thun na sitlo; apaiq raq jamlaiwa thapthitlaq kra phanphan shamtlo.

TAKSU LAK 10:19

Pahea tsantsuti riika ashut mibom ngushat; Shatmaq maiqshaqti riika mobom bom mak phan.

TAKSU LAK 20:25

Shiikeawe ma mikuq shaq na, jamlai honglu wa mikuq haü, kra samhea tiima laq. Bomkhamke jai na, naq tiishudaq kiq.

THARC TVLUINGC 10:12

Taksu maiqse raq bomchong tlaq kra lümaq apaiq raq shreng manto laptlo. Shatmaq maiqjiq ngamphiqti riika anübok maq jamlai wa bom tlaq kra miili apaiq ka then phaqtlo.

THARC TVLUINGC 10:13

Apaiq raq bang bang bomtsi bomphatlo, raüta angi nola jaqsham na sup watlo.

THARC TVLUINGC 5:3

Ümtin khan wa ümchapa haü, kiitinkhan rawa ma abi mimahaü. Ümbom apa bom haüla, ashut min apa mishut haü.

THARC TVLUINGC 5:7

Ümniiraq ümtinkhan sham-akai li hang haü jiimin, ümtin jaqsham kaiwali hunnii rai haü min, ümtin khanli tsütsit haü min, ümniika Shiikeawe man na, tiihaisongshat maq chap changli dongdii miraq.

ISAIA 55:9

Ramungtan thun ka hiq maq ratsan mong na, kiikha hali ilam phan nai ngi tiima kiimin, ümnaq thaq na tsaühea.

LEWI 5:4

Kiimaq maiq ashi ra raq, tiima ra mak miili, sinkiitiq bomrai raüla, jamlai phan na seng raüta bom raü min, apaiq raq kra jiqkangdea nguta tho heraüla, apaiq ka ashutwe she mijaki.

Matthew 6:7

“Namshiq raq ümtiikiiwa achu jaü tlan akhing na, thatsang maiqse raq jaü tlaq ikha pahea naq banbok rongkiq. Tsangshiq riika apa achu jaü raütiq Shiikeawe raq mitre nguta tiimatlo.

Matthew 6:9

Namshiq raq achu jaü ka akhli jaü wan lili ronglaq: ‘Ramungtan na siti na We: Ümmang asii kli mishreng laq;

Mark 6:23

Alachong wa paqpaq raüta, ase ma akha nguta kiqkham kuqto, “Atiitum lata ngutiikang, ümniiraq jamlai phan wa ro tlaü jaülaq. Ngi raq mung ka kholiiq jiimin mitiikho kuqkang!” nguta jaqdo jido ase ma chongto.

James 3:2

Ara jamkhano chong tiikang ngukla, nashiq tarü raq pahea ashut klo tiikai. Na shut ka naq raq apako sap mai riitiikai. Shatmaq Phungmaiqse liipan na jurwa abom poshi min shut mak phan maq bom tlaq jiika, apaiq ka minhap she dea nguta ngo chang misi. Apaiq ka asii miikiimse ashi nguta, abom poshi achan bom mak phan miraq.

PHOWEBI 11:30

Jephtha raq Tatiwe ma bom akha khamkuqto: “Ümniiraq ngi ma Ammonnok ka tiitangkuq haüla,