THARC TVLUINGC 5:19 - ASII LAKDAP Bible (BSI)

¹⁹ Arningkhan Shiikeawe raq maiqse ma, apaiq rilung na tsiiq nai nyam chamtraq shiiman kuq tlaq jiika, apaiq raq kra chamtraq phaqsiq raüta sichang. Apaiq raq Shiikeawe ma kechutum chang. Kiimaq apaiq raq minshiiq wantaq kra tsingo ka phaqsiq raüta sichang. Arka Shiikeawe raq akuq kongphiq.

Hawa Naga Bible 2001

¹⁹ Tishox rueq miq washiz muex tsak vnyvmx nuiyc hup vsvmx htenc kuq vtueq tvkoz kez ruiux yuq, kvruex waz rueq vpiq kejux kuex tvtsvmc ruiux miqmac rueq thuiy lvmz vtueq vlvp tsak vnyvmx kvyuq kokez juing rvtueq. Kvruex kuex Tishox kox wawc yauk noalc rvtueq.

THARC TVLUINGC 5:19 Referencias Cruzadas

1 HOKHVMX 3:13

Kiimaq ümniiraq ijaq wa jamlai phan wa jaü maü dea, kriithun kiimin mikuqha: ümrilung pattup hokhambi ahinti raq rüm wantaq kra thaq na ümniiraq tsiiq tum nyamtum ka pahea milap wan haü. Kiimaq shreng manto min jonghea milap wan haü.

2 KAÜWA WERAÜ 1:12

Krai mren, ngi raq ümniima taksu tsii nai anyan phaqchi mikuq kang. Kiimaq kriithaq niimin, ngi raq ümniima pahea tsiiq anyam, kampho lakshii mikuq kang. Kiimaq ümmang jong ka hokhambi man na pat niimin ahü, kiimaq rawii chii pat niimin ahü ajong pinthum mitiijong ha.”

THARC TVLUINGC 3:13

Maiqse angu nashiq tarü raq, na raq jamlai jaq wa shamtiikai kriiwa tiidongdea laita, chojong chise maq wok phetaktak phaqsiq laita rilung tiisung wan changli. Riita arka Shiikeawe raq akuq kongphiq.

THARC TVLUINGC 6:2

Shiikeawe raq maiq wiijamti miika tsiiq anyam, shreng manto, kiimaq chiithe jong, phanphan apaiq raq aroro kuqtlo. Shatmaq apaiq ma kriithun ka peokhiq phaqsea wan miitu rilung kuq mak. Maiq ahinti wa raüta, apaiq tsiiq anyam thun ka chamtraq phaqsiqtlo. Arka atuli. Arka ajiq bintang saü watlo.

TRI CHONGKE 8:18

Tsan na tiitsang ronglaq, Tatiwe namshiq Shiikeawe raq, namshiq ka chiithe ma jawan miitu ningkun kuqtlo. Apaiq raq ara jamkhano klo kuqtlaq ngukla, apaiq raq namtitiim rai tongshong wantaq kra ümchaü ranaiq na saüli tsapkapkap maq rüm wantlo kra ningkhan namshiq ka chiithe ma tiijatlo.