THARC TVLUINGC 4:8 - ASII LAKDAP Bible (BSI)

⁸ Maiqse weshi ka apaiq laqlaq seli, Ase maiqwese min ahü. Anung ano min ahü. Kra taü maq dongdii min, apaiq ka naiqhü wasü mintsa shea mintsa, minshiiq wali arilung ka tiisungtlo. Ajaq na tsiiq ümchuli siraü min, hongto she ngumak phan. Kiitinkhan langlang ka ju miitu wa hunnii raitla? Arka atuli. Arka jamlai achu min ahü rilung.

Hawa Naga Bible 2001

⁸ Vruex yuq piq dvyx httax yaq miq washiz vhttax. Piq nuex vsaz miqwaz vguez, vphuz vnox muinz vguez, yuq muinz piq rueq mkaq muinz yauk shuimx ruq dvyx, piq tsak vnyvmx kvmac mkaq muinz vthuinz suing muq. Piq kuex yauk shuimc nuex dvyx hunglaungx ruiux piq shauk gvnz tvkoc vpiauc liauc juing tvdux gay tueq kuex ukhaq tvkoc lac rvtvnx? Kvruex muinz khuec guez nuiyc rullungx tvraungx tvkoc thuinz kuilc daz juing dvyx rvtueq.

THARC TVLUINGC 4:8 Referencias Cruzadas

RAPHA HIQWA LAK 2:18

Raütiishe Tati Shiikeawe raq tiingoto, “Maiqwe ma apaiq laq laqseli si ka peo mak. Ngi raq apaiq khrumti kongti riikhaqli ashi mikloha.”

Tvtsvmc 39:6

rakii na tsaiji nyamtlaq ikhli, apaiq raq min ümtin wa shiiqtlaq kra atuli; apaiq raq tsiiq tum ka tothütlo, shatmaq jurwa milap wan kriika sapmak.

Tvtsvmc 39:7

Tatiwe ikhiijiika, ngi ransea chang ka jali wa sita? Ngi ka ümniimiili ran tiikang.

TAKSU LAK 27:20

Maiqmaa kho riika, hongto she ngumak phan, maiqse sükha maklii riimin, hongto she ngumak phan.

THARC TVLUINGC 1:13

Ngi raq itsan mong na ara mangjong hiq na, maiqse raq ümtinkhan wa kiimung wantlaq, kra thum thum sap wan hajaq, nguta nyan phaqchi wiita kuqlata tiitho tiipha sidi wan kang. Arka Shiikeawe raq maiqse ma khutsai tiibi changli maiqse ma kiinong kuqto.

THARC TVLUINGC 1:8

Phanrap phanrii ka lii raüla, maiqse tiihunnii chang siisaq li. Nümaq achong lot chang riimak. Makpo riika chhiruq chhiruq roli, hongtoshe nguta ngumak. Nilok riika tairuq tairuq roli, hongtoshe nguta ngumak phan.

THARC TVLUINGC 2:21

Jamkhano ngukla, maiq ashi raq taksu tsii maq, phaqchi maq, kiimaq tsiimwe khiiqwe jaqsham wiita kuq raüta aklo wan kra, tachong hupsam tsiiqtum ka jai na juwa dong tlaq kriiwe raq, hunhiihü miishe miphaqsiq wan. Arka liiwan raüla atuli. Arka tri na ang mak!

THARC TVLUINGC 2:23

Maiqse rilung na atra sikai wiiwii jaqsham laita sichang. Kra jaqsham mintsa raq chapa kiimaq khuli tiitsi wantlo. Rawa mong na dongdii min, ümkhutsai ka kon mak. Arka atuli.

THARC TVLUINGC 4:7

Maiqse rilung na jam achu min ahü atu na hunnii rai wankli chhi wan kang. Armin atuli.

THARC TVLUINGC 5:10

Ümniika kampho ma süram haüla, ümsütsi ka ümtiikii min tsaq mak. Ümniika chiithe ma ja wan lungwii tlaü jiila, ümniiraq ümchu wa rittlaü kriika lapmaü mirhaü. Arka atuli.

THARC TVLUINGC 5:9

Hokhamwe santla mungmaiqse raq tsam ahea jut tlaq thaq na chap raüta mung pengtlo.

ISAIA 5:8

Namshiq ka miqlan she! Namshiq jam thun nai wak thun sishatshat taü miimin, jam nai wak kli apapa tiitsuq rinong tlan. Jaqlo liipan niili nanok ahinti singa chang hiq ara ka ahüshe miraq. Armung niika namshiq lamlamlishe misihan.

ISAIA 55:2

Wok phemak chang phan kiijaq kampho jaram sumwa? Nam ningchang kra shaphaq jai min ram tsishatli chang jiika kampho jaram sumwa? Ibom tai ronglaq, lanta Ngi raq achongha kra sham ronglaq, kra riihan jiila namshiq raq phaqsea ahea pinthum miphaqsiq han.

Matthew 11:28

“Namshiq homa lai raq patrai lanta hunnii rai tlanti thun tarü, ana i phana warong ra. Ngi raq namshiq niitsi kra mitiitsak kuq kang.

Luke 12:20

Shatmaq, Shiikeawe raq apaiq ma, ‘Ei, angi we loi! Athi rawa li, ümmiisaq ka mithumki ngo ka sapphaq maü. Riita ümnaq tsai jai, ümtsiiq tum kriika jurshe wa miphesiq?’ ”

1 John 2:16

Ara mangjong hiq na siti phiijawa raq jamlai wa araa ariq phan pinthum nguta shreng tlaq ka ara: ngarai han-ngam sükha ramho, maiqse maklii sükha ramho, kiimaq rilung khushü jong riilong tsii sitlaq kra. Arthun chongtiikai arka, Awejong Shiikeawe raq aphan sang ka riimak. Arthun arka phiijawa rilung miirii.