THARC TVLUINGC 3:7 - ASII LAKDAP Bible (BSI)

⁷ Achaibaiq akhing min tiihongto, achhang akhing min tiihongto. Kaiqshakshak maq si akhing min tiihongto, abom chang akhing min tiihongto.

Hawa Naga Bible 2001

⁷ vjuirc gay vkhing nuiyc vkuk vkhing muinz, kuiyqshuik httaz vkhing nuiyc rvbomc nyamc vkhing muinz htvp htaz shec tueq.

THARC TVLUINGC 3:7 Referencias Cruzadas

RAPHA HIQWA LAK 37:29

Kiimaq ümtiikiiwa Reuben ka khappong na jangwa raüta liikiita, Joseph ka kiijaq ahü riito. Kra ningkhan apaiq raq adü na asam khea kra atsan bitsi ma chaiham chaihea she chai baiqto.

RAPHA HIQWA LAK 37:34

Kiimaq Jakob raq atsanbi tsi ma adü wa khea kra chaiham chaihea chai baiqto. Raüta wunthaü riinaü miirii ka samto. Raüta ase maaho rahiq luhea hoqsiqto.

RAPHA HIQWA LAK 44:18

Kiijiishe Juda ka Joseph tho na tiisotto. Raüta akha nguto, “Tuwe jong lei, ngi ka ümniirai kholam kholiiq riibom miitu aming kuqlaq. Ümniika ngi ma naq khiqkiq. Ümniika hokhamwe apaiq pumsongti ikha.

RAPHA HIQWA LAK 44:34

Kra no ka ngi rai ahü miika, ngi ka iwe phana jamkho mijang wan ha? Ngi raq iwe rilung na akha miisaq thum chang akhing ka jam riim mo mininha,” nguta tiipaiq neato.

2 SAMUEL 1:11

Kra tai raüta atsanbitsi ma Dawit raq adü wa miirii ka chaiham chaihea chaibaiqto. Kiimaq asengikong riimin, tsang tsanbitsi ma tsangdü na samtlaq khea ka kiikhiisii chaibaiqto.

2 SAMUEL 3:31

Kiijiishe Dawit raq Joab nai akongtibi thun ka tsangshiq dü na asam miirii kra chai lanta, puchü riiqshin khea kra sam lanta Abnar majo maaho manyi hoq ronglaq nguta aming kuqto. Kiimaq kra maalapkai na, Dawit ka maiq maa piho tlaq kra jai na kidamto.

1 HOKHVMX 21:27

Ümtiikiiwa Elija raq apaiq bomchong kra lottaq, Ahab raq adü na asam khea kra chaibaiqto. Raüta adü wa chhutbaiqto. Raüta wunthaü riinaü khea she samto. Apaiq raq dung min phaqsiq mak she riito. Raüta rawa niimin wunthaü riinaü khea kra sam raütli konto. Raüta munjuk mijuk athea phi na tapkhu wali she tsaiji tran raüli she sito.

2 HOKHVMX 18:36

Hokhamwe Hejekia raq chongkuqtaq kra phan phan mungmaiqse ka kaiqshak miili taisiqto. Tsangshiq raq bom poshi min tre mak riito.

2 HOKHVMX 5:7

Riita Israil mung hokhamwe raq kra lak ka phatto. Raüta apaiq raq adü na asam akhea kra chaiheahea, atsanbi riitaqli riito. Kiimaq, kiinyiikhiq akha nguto, “Siria mung hokhamwe raq ngi raq arwe thatsi ka jamkhii mitiiheakuq laq nguto tiima tla? Apaiq raq ngi ka atiichhunti nai miisaq tiithumti ningkun riimti Shiikeawe ngutiisha tiima tla? Arka tamlamlam maq ngi rai ta riitso ma nguta niqtlo ahata!”

2 HOKHVMX 6:30

Ara tai raüta, hokhamwe raq adü wa khea ka akiinyii tsi ma chaibaiqto. Kiimaq chela ruk tiinap na siti nokwe raq apaiq raq adü na among liipti ka wunthaü riinaü khea samtlo nguta chhito.

ESTHAR 7:4

Jamkhano ngukla, ngi nai iphan imaq thun ka nyatshat tiithum tseabaiq wan miitu ashaphaq kunshe. Raüta, thiikho bok na atiidea baiq kun she sitiikai. Naishiq arka dikong ma tiija miitu shabaiq lamlam nguraü jiikla, ngi raq hokhamwe ka jaram wa mipaq laq ha. Shatmaq naishiq ara chongthum tiijiipbaiq raü jiika hokhamwe ma jam liip wa miraq!”

YOBA 2:13

Raütiishe tsangshiq ka apaiq rai kiijaq hiq na ngaki rang ngakito. Tsangshiq kiijaq ramiishi ranaiq rawa bom poshi min bommak maq nga damto. Jamkhano ngukla tsangtsam raq apaiq chamchao ka maklii jai na tiijang phat henghea kra chhito.

Tvtsvmc 39:2

Ngi ka kaiqshak ngakang, bom poshi min bom mang, bomhea bomtsi min bom mang! Shatmaq i chamchao ka henghea khoti riiwanto,

THARC TVLUINGC 3:6

Apaiq raq arit wan akhing min tiihongto, kiimaq atiimobaiq akhing min tiihongto. Asaiqsam akhing min tiihongto, atiijobaiq akhing min tiihongto.

ISAIA 36:21

Mungmaiqse ka sang rang she kaiqkito. Kriika Hokhamwe Hejekia raq chongkuqtaq kra phan phan kaiqshak miili taito. Tsangshiq raq bom poshi min bommak riito.

JEREMIA 36:24

Shatmaq arthun tsütsa kra tai raüta min, hokhamwe min kiimaq asenginok ajong alabi thun kiimin tsangshiq tsan na ahai asong tsantsii ka akhiismin thümak riito. Kiimaq shut tiikai dea nguta atiishudaq hon atsii ka ahü tiichhimak riito.

JEREMIA 8:14

“Riita nashiq ka arjiiqli shea minga siq rong i?” nguta Shiikeawe senginok liipan na bom riiwaitlo. “Warong i, nashiq ka kiittelong maq aruk chela thun kiina juwan rong! Laita kiijiiqtiq mitsai rong i. Nashiq Tatiwe Shiikeawe raq nashiq ka tiishutbaiqto she. Nashiq ka atsai changli she. Apaiq raq nashiq ma maiqchok chang liipu tiinyangto she. Jamkhano ngukla nashiq raq apaiq kiq khü laita ngarai tang wankai.

AJONJÜ 3:28

Arkha na nashiq raq chamchao riihum hai la, na honhonse sanglili ngalaita, ninwan haijaq ahea miraq.

Yoel 2:13

Namkhu namkhea chailanta riimak, namtsantsii ka chai lanta, Warong ra, jang wan ronglaq nam Tati Shiikeawe phana. Apaiq pinthum ka mangchan rümtiwe. Apaiq ka pinthum anin wantiwe. Apaiq kiqkham ka tiipoi mak phan. Apaiq ka shokkhot nokhot tsiiti, mra kechang lam wa tsii klaitlo.

AMO LUIK DVP (AMOS) 5:13

Akha abi akhing khamaq, nyan asitiwe kaiqshak li miraq,

AMO LUIK DVP (AMOS) 8:3

Kra akhing na hokham jam na, ashi ange wa trang ka, maaho manyi trang miishe mijaki. Maiqmaa phong li barap binrii na miraq. Kaiqshak shak maq amaa thun ka mipibaiq!” nguta Tatiwe raq chongtlo.

Mikha 7:5

Ümjamthoti miinin naq kamkiq, ümluwe shaq minin naq kamkiq. Ümchak miimin ümniika asuk riilaq.

Acts 4:20

Ara jamkhano ngutiikai ngukla, naishiq raq maiqmii mak maq jamlai phan wa chhi kai, kiimaq maiqmii ni maq jamlai phan wa tai kai, kra chongke wan hü maq, kaiq shakshak ka silot mai,” nguta tsangshiq welabi bom kra treto.

Acts 9:39

Krai mren, Petar ka tiidopot raüta, apaiq heakaiti rai wawan damto. Apaiq saüwa kiitiishe, tsangshiq raq apaiq ka rathong khok kiina shea wanto. Kiijaq manti-nyungre ka apaiq tro na riitam ngato. Tsangshiq ka aho anyi lam maq, Dorkas raq atra siji na samtong nai samtong jong ataq thun kra, Petar ma tiichhi raüta hoq trangto.

1 SAMUEL 10:16

“Apaiq raq nainai ma kumtoq kong kriika humkai she nguta chongto,” ngutli Saul raq awa bom ka treto. Shatmaq Samuel raq apaiq ka Israil mung khuthaq na hokham miishe shong wantaq kra bomtsi riiwe ka awa ma chongkuq mak dea adamli riito.