THARC TVLUINGC 3:3 - ASII LAKDAP Bible (BSI)

³ Atseabaiq akhing min tiihong je ami tiiheake akhing min tiihongje. Asiiqbaiq akhing min tiihongje; Ahaihun akhing min tiihongje.

Hawa Naga Bible 2001

³ vthvy gay vkhing nuiyc tvhvlc kuy vkhing muinz, vhttak gay vkhing nuiyc vguirc vkhing muinz htvp htaz shec tueq.

THARC TVLUINGC 3:3 Referencias Cruzadas

RAPHA HIQWA LAK 9:6

Maiqse ka Shiikeawe ikha phansangto. Kriikha maq jurwa maiqse miisaq tantlaq, kriiti miisaq kiimin akongtibi maiq raq mitan wan.

ISAIA 44:26

Shatmaq ümtiikiiwa ijaqshise raq tiithaitlaq; ümtiikiiwa Ngi raq itsa soqtiwe tiikitiikang, lata ikiimung sürii tiikang kra tiichhi kuqtiikang. Ngi raq kra kiimung thun nai riishambom tiithaitlaq thun ka tiikupi tiikang. Ngi raq Jerusalem ma maiq ka kiijaq mishong wan nong nguta chongtiikang, kiimaq Juda mung wa chela thun ka mitiihea hainong nguta. Kra chela thun ka hiqrai ashotbaiq wa midong wan nong.

ISAIA 6:10

Kra nguraütiishe apaiq raq ngi ma chongto, “Arnok khutsai ka ahü ma tiijabaiqlaq. Tsangni ka biila miishe tiijabaiqlaq. Kiimaq tsangshiq mak ka makchuk ma tiijabaiqlaq. Kraimren tsangshiq raq chhimak she, kiimaq taimak she kiimaq takmak she mirlaq. Tsangshiq raq chhi raü jiika, tai raüjiika, takraü jiika iwokhong na miwa wan wa. Raüta tsangshiq ngarai tsi si ka atiihea mirkuqha wa.”

JEREMIA 1:10

Ümchaü ranaiq ngi raq ümniima maiq mung thun nai maiq mungtan thun sitlaq kra arangchong maq babaiq wan miitu kiimaq arunbaiq wan miitu, tiithenbaiq wan miitu kiimaq hokham ngachang wa tiidea baiq wan miitu, lata ahai wan miitu kiimaq acham ka chhi wan miitu arang kuq tiikang.”

JEREMIA 31:28

Kiimaq Ngi raq tsapkapkap maq jamkho arang chong maq balata phaibaiq wan kang, lata babaiq wan kang, lata dobaiq wan kang, lata tiithenbaiq kang, lata tsangshiq ka runbaiq kang, ikiikhiisii hali, Ngi raq tsangshiq ka achhi ajang mirwan nongha, lata mitiichhanchhi wan nongha.

JEREMIA 33:6

Shatmaq Ngi raq ara chela tsisitlaq kra nai ara chelati mungmaiqse tsisitlaq thun ka atiihea mirkuqha. Lata tsangshiq ka man na jamkho hansang sitaq kiikha khusang miishe mirüm wanha. Ngi raq tsangshiq ka khusang rakhang maq nai kiimaq kiqkap jaqshap miishe mirüm wanha.

JEREMIA 45:4

“Shatmaq, Ngi, Tatiwe raq ijaq maq ahaihun wanha kra asiiq she riibaiq tiikang. Kiimaq Ngi raq jamlai wa chhijang wan kang kriika, arangchong maq aphai she riibaiq tiikang. Arka Ngi raq mangjong hiq raikhü tlotli wa miphaibaiq wanha.

EJEKIEL 13:14

Tsangshiq raq longlü kham maq tlü moqtaq kra mitiibun baiqha. Lata bunlak buncha mitiibun baiqha. Lata hiq mong na kham tiichap pha wan chang longkaü thun kra ra na rashra mithu baiqha. Raüta ruk ka ari mirwa. Raüta namshiq wiita mitiijiimbaiq. Kra chhi raütiishetiq, maiq wiitarü raq Ngi ardea Tatiwe nguta misap wan.

HAGAI 1:2

Tati Ningkun Ajong Pinthumwe raq Hagai ma chongto, “Israilnok raq, ümchaü ka Shomjam tiihea hai miitu akhing misaüshaqli” nguta riichongtlo.

HAGAI 1:4

“Isenginok lei, i Shomjam jam ka wiita atrunkai wishe riiraü, namshiq maiqmii singa chang jam awak kriika thepthep jamhea siisaq hai wan lanta sitlan nya?” nguta tiichongto.

JEKERIA 1:12

Kiijiishe, “Ningkun Ajong Pinthum Tatiwe lei, ümniika Jerusalem ma, kiimaq Juda mung na chela thun ma, rawii wiiroq miishi ümtsankhiq jonghea thü wan laü. Ümniiraq tsangshiq ma tiihang wan mangchan tsii tiichhike ka ümtinchotiq wa miraq?” nguta rase raq waito.

TRI CHONGKE 32:39

“ ‘Ngi, kiimaq Ngi arli dongdii Shiikeawe ka; laihin phra ka riikhaqli shiikea riimak. Ngi raq atsea riibaiq tiikang, kiimaq Ngi raq tsitsü kuqtiikang, kiimaq Ngi raq tiisho tiikang kiimaq Ngi raq ami ka tiihea kuqtiikang, kiimaq Ngi raq jamlai wa shamtiikang kra tangtati ka jumin ahü.

1 SAMUEL 2:25

Maiq weshi raq weshi khuthaq na ngarai la tang raü ka, Shiikeawe raq apaiq ka mitiiwong kuqlot. Shatmaq Tatiwe ma ashut kloti ka, juro apaiq kha ka mipho kuqlot?” Shatmaq tsangnai raq awe bom ka taimak. Jamkhano ngukla Tatiwe raq tsangnai ka atsea baiq chang nguta kha atanwi she.

1 SAMUEL 2:6

Tatiwe kli miisaq chumti, apaiq kli tsitsü triicheti; apaiq raq maiq wulum mung na tiikitlo, kiimaq tsangshiq ka, tiijang shea wan nongtlo.