THARC TVLUINGC 3:19 - ASII LAKDAP Bible (BSI)

¹⁹ Jamkhano ngukla, maiqse nai nyamse ka adam dam siili. Maiqse jamkho tsaitlaq kiikhiisii, nyamse kiimin tsaitlo. Wiitsitsü phan ngusaq, maiqse nai ngamsaü ngiqse ka adamli tsaitlo. Tsangshiq ka aphan sang arwan siisaq. Maiqse rilung kiimin, ngamse rilung kiikha thiihüli. Jamkhano ngukla rilung ka phan nai ri wiita ma thiihüli.

Hawa Naga Bible 2001

¹⁹ Vtvsuip nuex kuex, miqsaz nuiyc ngvmx saz nuex yaungx wvnc tuex lvmz kuex rv-ngvlc dvyx rvtueq. Vganc thueyc yaq kvkhoc jvnc thueyc yaq. Vnueyc vtaungx tvdungc sungc vruez yungsuiuz yawxsaz jvnc rvtueq. Miqsaz kuex ngvmx saz htauk nuex jvnc vtueq hvlx yaq rvmuq, yvmx khoc lac ngoz ruiux lec rullungx kuex mruex jix tvkoc muinz vlvmz dung muq jvnc rvtueq.

THARC TVLUINGC 3:19 Referencias Cruzadas

2 SAMUEL 14:14

Nashiq wiitarü ka atsai mirii rong i. Nashiq ka hiq na kham araübaiq rat ikha, jangshi archom kainong chang ahü she miraq. Shiikeawe raq dongdii min maiqse ka amaa wa atra ma tiijang wan lot nong mak she. Shatmaq hokhamwe riika, maiq weshi pong mung na wanshawe ma ajaki kra tiijang shea wan lamlu ka mihum lot.

Tvtsvmc 104:29

Ümtiikiiwa ümmak liika jainong shungtlaü, tsangshiq ka ahai riitlo; ümtiikiiwa ümtsitsü ka ajang riiwantlaü, tsangshiq ka atsai riitlo, kiimaq tsangshiq dongchang hiqda ma hali jaki nongtlo.

Tvtsvmc 49:12

Maiqse ngutlaq ka ümtinli jonglu rai raü min, ranaiqshishi ka atsai kaichang dongdii, apaiq ka ngamse jamkho tsaikitlaq, kiikha mitsaiki.

Tvtsvmc 49:13

Liimaüta maiqmii han-ngam ningkun ma kamraüta siwanti nai maiqmii tsiiqtum ma kamraüta siwanti rilung ka akha thumkitlo.

Tvtsvmc 49:20

Maiqse jonglu raq apaiq ka tsailam wa tiichhiilot mak; apaiq ka ngamsaü ngiqse tsaitlaq ikha mitsai dongdii.

THARC TVLUINGC 1:14

Maiqse raq mangjong hiq na phan phan klo liiwantlaq thun ka, kunkun chhitai wan kang she. Phanrap kiimung wan tlaq kriika atu siisaq. Arka rahai jaijo ikhli. Atu siisaq.

THARC TVLUINGC 1:17

Ngi ka itsan na taksu tsii nai angok angi tsii liipan na, jamkho tiikhothiq tsin tlaq, kiimaq taksma tsii nai angi nola jong tsii kra sap wan hajaq nguta shiichaq wan kang. Shatmaq ara tiikhothiq wan tlaq arman rahai jaijo ikhli riikang.

THARC TVLUINGC 2:14

Taksu maiqse ka khutsai asi. Shatmaq angok angiti ka ranyaq mong na khumtlo.” Shatmaq ngi raq asapha. Nashiq tarü ka khoshi na dea wanti siisaq.

THARC TVLUINGC 2:16

Taksuwe tsaikai jai, jur min apaiq tiima tummak she. Angiwe tsaikai jai min, jur min apaiq tiima mak she. Nashiq wiita ka alaqbaiq chang siisaq miraq. Nashiq wiita atsaiti siisaq. Taksuwe min kiimaq angiwe min atsai wanti siisaq.

THARC TVLUINGC 7:2

Poi klo raüta phaqsea chamtraq sitlaq jam na kai nam miika, maiqtsaiki taq jam kiijaq kairiiwe ka ahea lin. Jamkhano ngukla, maiqse rilung ka akhiisii then run wan chang siisaq. Kiimaq maiqse atrati tarü tsantsii na, ara bomtsi arka thüshat maq sichang.

THARC TVLUINGC 9:12

Maiqse ngutiikai ka, na ma abi ranaiq ka ümtiikiiwa riihumtiikai, kriika jurmin sapmai. Wushi kong chiiq na min rai tlaq ikha; ngiq ka chiiq maq akhup rat ikha; nashiq armin, na raq sapmai shonli tiihanghiiq miili, chamchao akhing ka saü watlo.

THARC TVLUINGC 9:2

Maiqse liipan na jamlai tiikhothiq chang min ahü. Wiitarü ma kharii ka ashi li saütlo. Kechu maiqse miimin kiimaq ngarai maiqse miimin, kharii ka adamli. Maiqshaqti miimin, kiimaq ngarai maiqse miimin, ajiq maiqse miimin, maiqshaqwe miimin, kiimaq abi ashutwe miimin, akam alam maiqse miimin, kiimaq kammak maiqse miimin, kiimaq honglu keti maiqse miimin, kiimaq honglu kuqmak maiqse miimin, adam li saütlo. Maiqshaqwe kiimin ngarai maiqse kra thaq na ahea lin ka riimak. Atiitumtiwe ka, tiitum makwe thaq na holi riimak.

WEAWEA 16:29

Kriika arwetiim arka Shiikeawe raq mo tiiho raüta riimak, miinan joli maiqse tsaitlaq ikhla tsaiki raüla, Tatiwe raq ngi ka shong mak dea ngushat.