THARC TVLUINGC 3:11 - ASII LAKDAP Bible (BSI)

¹¹ Apaiq raq phanrap miitu maiqmiimii akhing tiihongkeje. Apaiq raq nashiq ma rawiichii akhing kra sap wan haijaq nguta tsantsii kuqto. Shatmaq natsan sangli chang apaiq jaqsham kra liichum sap wan miitu phaqchi ka ümtiikiimin kuq mak dea.

Hawa Naga Bible 2001

¹¹ Vpiq rueq phvnx ruip saz tvkoc vlvmx vkhing kuex htvp htaz shec tueq. Vpiq rueq naungshiq muex max kox wawc tuiuz roc thuinz kuex kuq phuex, yuq muinz vpiq rueq shuimx yaq yauk shuimc kuex thuinhvlx laz vtuiuz vtay tharc naungshiq muex mkaq muinz kuq muq.

THARC TVLUINGC 3:11 Referencias Cruzadas

RAPHA HIQWA LAK 1:31

Raütiishe Shiikeawe raq apaiq raq ümchuwa phansangtaq thun tlotli ka liito, kiimaq apaiq ka kai khoqriiqkhiq riito. Raji ka lea wanto kiimaq rashe wüwanto, kriika ratrok ngoja she riito.

YOBA 11:7

Ümniiraq Shiikeawe jonglu nai Shiikeawe ningkun heng kiima hiqrai michum kuqlot haü shea?

YOBA 37:23

Shiikeawe ningkun ka henghea langlang kha maq nashiq ka apaiq tho na walot mai; apaiq raq maiqse kha phoke ka kechu kiimaq riikhaqli phokuqtlo.

YOBA 5:9

Apaiq raq jonghea jaq shamtlaq kra nashiq raq saplot mai, kiimaq apaiq raq amao chang klotlaq kriika achuli she nguta ngochang ahü.

Tvtsvmc 104:24

Tatiwe lei, ümniiraq phanrap phanrii klolaü! Ümniiraq tsangshiq tarü pinthum phaqchi maq klolaü! Hiqraikhü ka ümniiraq atiiqhaü atra phan riili aphong along.

TAKSU LAK 16:4

Tatiwe raq, phanrap phansang wantaq ka, alam asi siisaq. Ashut maiqse kiimin, ashthenbaiq miitu phanto.

THARC TVLUINGC 1:13

Ngi raq itsan mong na ara mangjong hiq na, maiqse raq ümtinkhan wa kiimung wantlaq, kra thum thum sap wan hajaq, nguta nyan phaqchi wiita kuqlata tiitho tiipha sidi wan kang. Arka Shiikeawe raq maiqse ma khutsai tiibi changli maiqse ma kiinong kuqto.

THARC TVLUINGC 11:5

Maiqse ka anyung wok mong na jamkho chhanchhi wantlaq kriika ümniiraq sap maü. Kra niq riri sii hali, Shiikeawe raq phanrap phansang wantlaq kriika ümniiraq tak wan lot maü.

THARC TVLUINGC 7:13

Shiikeawe raq jamlai wa klowantaq kra shiwea laq, Apaiq raq jamlai wa ako akat tiiq wantaq kriika juro mitrap ru wan lot?

THARC TVLUINGC 7:23

Ngi raq irilung na arthun ara taksu tsii maq sidi wan kang. Lata shinwan kang. Lata ngi ka taksu maiqse miidea jawan hajaq nguta shiichaq wan kang. Shatmaq thin wan lot mang dea riikang.

THARC TVLUINGC 7:29

Ngi raq takwan kang bomtsi poshi ka ara riito. Shiikeawe raq nashiq ka tingting tiiq wanto. Shatmaq nashiq raq maiqmii miitu ajiq lamlu pahea tan wankai.

THARC TVLUINGC 8:17

Shatmaq Shiikeawe raq mangjong hiq na jamlai wa kiimung wantlaq kriika, ngi raq akhiismin taklot mang. Maiqse raq ümtin khanli shiikut chaq wan raüli min, arthun arka sap wan lot mak. Taksu maiqse riika saptiikai ngutiimin mitsütsit sham. Shatmaq tsangshiq raq sap mak.

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Matthew 13:22

Tsamlai kiimko rang babaiqhü ba na arokti kriika, maiq ümriiti riiwa Shiikeawe bomtsi ka tai raüta kamtsantsii ka thü wantlaq. Shatmaq mangjong han-ngam miitu chapa sang ka cham wan raüta kiimaq tsiiq nai nyam ma ranphan tsantsii sang kra cham raüta, tsangshiq kamtsantsii ka tiijong lap mak kaqbaiq tlo. Kriikha miishe tsangshiq kamasham rilung ka atsi ango min ahü miili she mokitlo.

Mark 7:37

Krai mren, kra tsütsa taiwanti bi tarü ka, pinthum amao riiwanto. “Apaiq riika jaqsham ahea, awang chang siisaq shamtlo!” nguta rin ra wanto. “Apaiq raq nitangti nai nütangti thun dea min wiita she tiihea kuqtlo!” ngutiishe tsaki wanto.

Romans 1:28

Tsangshiq raq, riikhaqli Shiikeawe tiima tsantsii ka, tsangshiq tsan na thü mak maq, shishe tlaq kriikha niishe, apaiq raq tsangshiq ka ashe ashi tsantsii walü tlaq kra miili she likuq baiqto. Kra likuq baiqtaq kriika, tsangshiq raq sham mak chang phan thun wiita misham laq, nguta ngo maq likuq baiqto.

Romans 11:33

Riita, ija, Shiikeawe chiithe ngutlaq arka, maiqse raq nü maq achong aphan lot mai jonghea siwan tlo! Apaiq raq taksu tsii nai anyan phaqchi rüm wan tlaq kriika, tsaühea! Apaiq raq phanrap thapthi wan tlaq kriika, juwero michong kuq wan lot? Apaiq jaqsham kaiwa lam kriika, juwero mitak wan lot?

TRI CHONGKE 32:4

“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.