THARC TVLUINGC 2:26 - ASII LAKDAP Bible (BSI)

²⁶ Shiikeawe riili, apaiq tiichochiti ma, taksu tsii, kiimaq anyan phaqchi, kiimaq khoqriiq shishiiq rilung shiiman kuqtlo. Shatmaq apaiq raq ngarai maiqse miika, jaqsham minshiiq na tiihun niitlo. Raüta tsiiq nai nyamtum riichom raüta tiitotlo. Raüta kra tsangshiq tsiiq tum ka apaiq tiichochiti ma kuqtlo. Arthun arka atuli. Rahai jaijoli.

Hawa Naga Bible 2001

²⁶ Tishox rueq taksux tharc, phaqjic nuiyc vkoz vkez juing kuex vpiq muex raungc raq jix muex kuq yaq, yuq muinz vpiq rueq mvrax vhttax jix muex yauk shuimc tvhunc nyec tvshuimc ruiux, tsuingshiq rueq thuiyx lvmz yaq hup vsvmx htenc kuex vpiq muex raungc raq jix bix muex kuq tueq. Kvruex lotlaz kuex khuec guez dvyx rvtueq. Kvruex kuex raungguil yurc yaq ikhoc dvyx rvtueq.

THARC TVLUINGC 2:26 Referencias Cruzadas

RAPHA HIQWA LAK 7:1

Tatiwe raq Nowaq ma nguto, “Ümjamtitiim tarü nong nong maq lai na düwakiq. Ngi raq mangjong tlot li na ümniili riikhaqli kloti mitting maiqse humkang.

YOBA 32:8

Shatmaq Ningkun Ajong Shiikeawe wenyi ka maiqse khum na saüki tlaq kriiriitiq maiqse ma taksu tsii ka kuqtlo.

YOBA 38:36

Ibiq wushi ma Nail raikaü ka achhang she miraq nguta juro chongkuq tla, riimakla wupongwe ma ra mijun nguta juro chongkuq tla?

Tvtsvmc 39:6

rakii na tsaiji nyamtlaq ikhli, apaiq raq min ümtin wa shiiqtlaq kra atuli; apaiq raq tsiiq tum ka tothütlo, shatmaq jurwa milap wan kriika sapmak.

Tvtsvmc 51:6

Ümniiriika tingting kiimaq tengteng kli rittlaü; ikhutsai ka üm taksu tsii maq tiimakuqlaq.

TAKSU LAK 13:22

Maiqshaqti riika asaü asetiim ma, tachong hupsam thüthütlo. Shatmaq ngarai maiqsetiim tsiiqtum ka, kechu maiqsetiim jaq na saüwatlo.

TAKSU LAK 2:6

Tatiwe ka maiqse ma taksu tsii keti. Apaiq raq maiqse ma nyan phaqchi shrinkuq tlo. Kiimaq asap atsin wan lam tiichhi kuqtlo.

TAKSU LAK 28:8

Jurwa kampho tiinam raüta, akheng atsinwiq jaütlaq, raüta apaiq ka chiithe ma jatlaq, kriiti tsiiq ka, miitsan maiqse mang chanti, jaq niishe mikiho.

THARC TVLUINGC 1:13

Ngi raq itsan mong na ara mangjong hiq na, maiqse raq ümtinkhan wa kiimung wantlaq, kra thum thum sap wan hajaq, nguta nyan phaqchi wiita kuqlata tiitho tiipha sidi wan kang. Arka Shiikeawe raq maiqse ma khutsai tiibi changli maiqse ma kiinong kuqto.

THARC TVLUINGC 1:14

Maiqse raq mangjong hiq na phan phan klo liiwantlaq thun ka, kunkun chhitai wan kang she. Phanrap kiimung wan tlaq kriika atu siisaq. Arka rahai jaijo ikhli. Atu siisaq.

THARC TVLUINGC 2:25

Riita, maiqse rilung na aphaq asea na, rilung na apolo chang lamlu ka ahin asi shea?

THARC TVLUINGC 3:10

Shiikeawe raq nashiq ma hekiilai hea tiihokuq tlaq kriika ngi raq asapha.

Luke 1:6

Tsangnai wiita ka Shiikeawe maklii na kechu maiqse sii riito. Tsangnai ka Tatiwe tri raütu nai aming thun kra, kunkun lang raüta siti maiqta ashi.

John 16:24

Ümchaü niitaq, namshiq raq i mang na jamlai phan min jaü man shaqli. Jaürong laq, namshiq raq milap han. Krai mren, namshiq chochi kiimin, alüm alei she mima wan.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.