THARC TVLUINGC 2:23 - ASII LAKDAP Bible (BSI)

²³ Maiqse rilung na atra sikai wiiwii jaqsham laita sichang. Kra jaqsham mintsa raq chapa kiimaq khuli tiitsi wantlo. Rawa mong na dongdii min, ümkhutsai ka kon mak. Arka atuli.

Hawa Naga Bible 2001

²³ Mnoz rueq shuimx wvnc toq phvnx ruip saz kuex tvraungx httax tuiux wawwawx mnoz muex rvwvlc tvmaung nuiyc thuinz vmungx tvkuilc daz yaq kvmaq lvy vtueq yvmx vjux muinz kuq muq. Raungwvrx nuex doc muinz mthuinz nyec tvkuiyq lot muq. Kvruex lotlaz kuex khuec guez dvyx rvtueq.

THARC TVLUINGC 2:23 Referencias Cruzadas

RAPHA HIQWA LAK 3:17

Kiimaq apaiq raq maiqwe kiimiishe nguto, “Ümniiraq ümchak bom tailaü. Laüta Ngi raq ümniima naq siqkiq nguta achongha petsi kra siq laü. Ümniiraq jamlai wa riilaü kriikha na, hiqraikhü ka manson ho laütiishe misi wan haü. Ümniiraq ümrilung wiilü pinthum jaqsham shiichaq laütiitiq tü atsam ka milap phaq siq haü.

RAPHA HIQWA LAK 47:9

Jakob raq treto, “Irilung ka mung shi maq riita mungshi na laüwan wan silatli wiishishi ri wiiroqtsam she saüto. Ara rawii thun arka atoqse li kiimaq litkot chamchao lam miili sung wanto. Kriika ititiim raq tsang rilung ka bashi na laü wan wan maq rawii luhea tiisung wantaq kiikhiika riimak.”

ESTHAR 6:1

Kra rawa hokhamwe ka akon tsi mak sangkito. Kra kha miishe, apaiq raq mung lang manphan awaiqthü lakdap kra lamwa rongkiq nguta thaüto. Raüta phat rong laq nguta thaüto.

YOBA 14:1

Nashiq wiitarü ka rawü chhi wan li miiphü ningkun ahü kiimaq ümkoq ümphaqli dongdii. Tarü atoqse, chamchao khiq rilung li siwan tiikai.

YOBA 5:7

Kiikhiika riimak! maiqse raq maiqmii ma chamchao ka, maiqmii riili niq wan tlo, wa pü pattlaq ka ra nü na pan tlo.

Tvtsvmc 127:2

Wok miitu minshiiqsea ranaiq rawa hunniirai ka atuli, ranap chumaq tiido raüta wathung niitiq konwan lili. Jamkhano ngukla Tati raq lungwiitlaqti miika, tsangshiq akonshon niili apaiq raq kuqtlo.

Tvtsvmc 32:4

Ranaiq rawa ümniiraq ngi ma mo tiiho laü, Tatiwe lei; iningkun ka wiita süroqroq she süwanto, rajuji na rashekii raq hiq wa kham trübaiqtlaq ikha.

Tvtsvmc 90:15

Naishiq ümtinkhan rawii wa chamchao litkot lea wankai, kiitinkhan ümchaü naishiq ma khoqriiq shishiiq rilung kuqlaq.

THARC TVLUINGC 1:13

Ngi raq itsan mong na ara mangjong hiq na, maiqse raq ümtinkhan wa kiimung wantlaq, kra thum thum sap wan hajaq, nguta nyan phaqchi wiita kuqlata tiitho tiipha sidi wan kang. Arka Shiikeawe raq maiqse ma khutsai tiibi changli maiqse ma kiinong kuqto.

THARC TVLUINGC 1:18

Jamkhano ngu raüla, Phaqchi pa wan, chapa kiimin pa wan wan. Nyan phaqchi apa sap wan, ajon ajü kiimin pawan wan.

THARC TVLUINGC 2:11

Kra latiishe, ngi raq ümtinkhan wa sham lam wan kang kiimaq ong wan kang thun ka, tiima liikangta atuli. Kra thun ka rahai jaijo ikhli riito. Rashe raq aham ra takiq na jam achu min ahü.

THARC TVLUINGC 5:12

Shamti kaiti riika, ajaq na jamlai wa asi, kra phaqsiq raüta, rawa na khütsü khatsü mikonsiq. Shatmaq chiithe maiqse ka atsii rümwan miitu rawa konhü michapasiq.

THARC TVLUINGC 5:17

Maiqse rilung ka ranyaq mong na sithü changli. Kiimaq hosi, chapa, tsankhiq kiimaq atsi asi lam miili sitiikai.

THARC TVLUINGC 8:16

Akhing jangshishi na, ngi raq arthun rilung bomtsi ara takwan hajaq, lata taksu maiqse ma jahajaq nguta rawa konhü tsin ngin wan tiikang.

DANIEL 6:18

Kra raütiishe, hokhamwe ka apaiq sichang hokhamwe jam niishe jang wanto. Raüta kra rawa ka rawa waru akon min konmak riito, kiimaq jamlai phan min phaqsiq mak, kiimaq laihin polosea chang phan kiimin klo mak maq riito.

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.