THARC TVLUINGC 2:18 - ASII LAKDAP Bible (BSI)

¹⁸ Ngi raq ümtinkhan wa hunnii wan kang, lata kampho ümchuwa lap wan kang thun ka ngi ma jam achu min ahü. Jamkhano ngukla, itsai jai arthun arka, ijai na juwa ipum songtiwe kiima baiqthü chang li miraq.

Hawa Naga Bible 2001

¹⁸ Ngvy tvkoc ngoz tueq ngaz rueq shuimx wvnc tauk htenc kuex khuec guez dvyx rvtueq, yvmx khoc lac ngoz ruiux lec ngvy yix nuex httuiuc kaz yaq waz tvkoc tvhungx tvy shec muex yaungx yaq kuex ngaz rueq tuiuz tauk,

THARC TVLUINGC 2:18 Referencias Cruzadas

Tvtsvmc 17:14

Ngi ka mangjong rilung na jamlai wa lungwiitlaq kra laptibi jaq wa tiichhiilaq. Tsangshiq ma chamchao mo tiiho chang ümniiraq tiihong laü kriimaq tsangshiq mo ka tiiholaq; kra mo homa ka tsangsetiim miitu min honglu mirlaq kiimaq mo wiijam ka tsangsaütiim miitu mitiichonglaq!

Tvtsvmc 39:6

rakii na tsaiji nyamtlaq ikhli, apaiq raq min ümtin wa shiiqtlaq kra atuli; apaiq raq tsiiq tum ka tothütlo, shatmaq jurwa milap wan kriika sapmak.

Tvtsvmc 49:10

Ra na tiiweshat ka chiithe maiqse thun min tsaitlo, kiimaq maiqjiq kiimaq angi kong min tsaitlo. Tsangshiq tarü raq tsang tsiiq tum ka asaü asetiim ma baiqthütlo.

THARC TVLUINGC 1:13

Ngi raq itsan mong na ara mangjong hiq na, maiqse raq ümtinkhan wa kiimung wantlaq, kra thum thum sap wan hajaq, nguta nyan phaqchi wiita kuqlata tiitho tiipha sidi wan kang. Arka Shiikeawe raq maiqse ma khutsai tiibi changli maiqse ma kiinong kuqto.

THARC TVLUINGC 1:3

Maiqse rilung ka mintsali mintsali. Rilung pattup mintsali. Maiqse ma jamlai liipwa dongtla?

THARC TVLUINGC 2:11

Kra latiishe, ngi raq ümtinkhan wa sham lam wan kang kiimaq ong wan kang thun ka, tiima liikangta atuli. Kra thun ka rahai jaijo ikhli riito. Rashe raq aham ra takiq na jam achu min ahü.

THARC TVLUINGC 2:21

Jamkhano ngukla, maiq ashi raq taksu tsii maq, phaqchi maq, kiimaq tsiimwe khiiqwe jaqsham wiita kuq raüta aklo wan kra, tachong hupsam tsiiqtum ka jai na juwa dong tlaq kriiwe raq, hunhiihü miishe miphaqsiq wan. Arka liiwan raüla atuli. Arka tri na ang mak!

THARC TVLUINGC 2:26

Shiikeawe riili, apaiq tiichochiti ma, taksu tsii, kiimaq anyan phaqchi, kiimaq khoqriiq shishiiq rilung shiiman kuqtlo. Shatmaq apaiq raq ngarai maiqse miika, jaqsham minshiiq na tiihun niitlo. Raüta tsiiq nai nyamtum riichom raüta tiitotlo. Raüta kra tsangshiq tsiiq tum ka apaiq tiichochiti ma kuqtlo. Arthun arka atuli. Rahai jaijoli.

THARC TVLUINGC 3:22

Arningkhan, ngi raq akhli she tak wan kang, maiqse miika mangjong hiq na atra sitiikai bala, najaq maq jamlai minwa shiiqtiikai, kra tsingo ka phaqsiq laita, khoqriiq shishiiq maq siwan changli. Arthaq niika, nashiq raq klo kai chang laihin ahü. Nashiq tsaikai jai niika, jamlai miishe wa mija wan kriika nashiq raq sapmai.

THARC TVLUINGC 4:3

Shatmaq ara chongtiikai kongnai arthaq niimin, kiim jongheati ka ümchaü niitaq mangjong hiq na rawü michhiki shaqtibi riiwe ka pinthum ahea. Tsangshiq riika ara mangjong hiq na atinkhan anin lotchang riimak maiq nai maiq liipan na riihaihii tlaq ashut kiimung arka tsangshiq mak maq chhiki mak dongdiiwe ka ahea.

THARC TVLUINGC 5:18

Ngi raq maiqse rilung khuthaq na phanrap konchon wan kang. Lata bomtsi ka arjiishe sup wato: Shiikeawe raq maiqse ma rilung ka ara mangjong hiq na siwan miitu atoqse li kuqto. Kriikha na jaqsham minshiiq ümtinkhan wa hunnii tiikai, kra phanphan, phaq asea chamtraq wok phetak phaqsiq raüta, chochikhiq maq narilung ka tiisung wan changli. Kriili maiqse ma ahea pinthum. Maiqse rilung kharii ka arli she.

THARC TVLUINGC 9:9

Ümniiraq lungwii tlaü ümjamti nyung rai ümrilung ka khoqriiq shishiiq maq silaq. Ara mangjong hiq na siwan miitu Shiikeawe raq ara thiihü rilung kuqtaq kra tiisung wan laq. Ranaiqtek thiihü rilung ka ara mangjong hiq maq siwan chang kata. Jamkhano ngukla, chamchao litkot mong miili siwan chang rilung ka Shiikeawe raq maiqse ma phansang kuqto.

Luke 12:20

Shatmaq, Shiikeawe raq apaiq ma, ‘Ei, angi we loi! Athi rawa li, ümmiisaq ka mithumki ngo ka sapphaq maü. Riita ümnaq tsai jai, ümtsiiq tum kriika jurshe wa miphesiq?’ ”

1 Corinthians 3:10

Shiikeawe raq ngi miika tsiimwe khiiqwe kongphiq kuqto. Kra phaqchi lümaq, ngi riika ara chongtiikang jam kra hai tiikang. Kiimaq jam hai chang jamkhü kra chhintsii kang she. Lata kham shong kang she. Kiimaq kongtibi ahinti riika, kra jam hai jaqthiq kra haiwan nongtlo. Shatmaq maiq pumsiitek raq, maiqmii jaqthiq kra jamkho haihun tlaq, kra samhea honkam shatmaq haihun chang.