THARC TVLUINGC 2:14 - ASII LAKDAP Bible (BSI)

¹⁴ Taksu maiqse ka khutsai asi. Shatmaq angok angiti ka ranyaq mong na khumtlo.” Shatmaq ngi raq asapha. Nashiq tarü ka khoshi na dea wanti siisaq.

Hawa Naga Bible 2001

¹⁴ Taksux httaz jix waz rueq vkay juing lvmx khiz lot yaq, vngaz jix rueq kuex khiz lot muq.” Yuq muinz naungshiq lotlaz tvkoc bvmc yaq vtvsuip wawc lvmx kuex rv-ngvlc dvyx rvtueq ngaz rueq tuiuz tauk.

THARC TVLUINGC 2:14 Referencias Cruzadas

Tvtsvmc 19:10

Kriithun ka chiisan chaq piikii thaq niimin rahea pinthum; arthun ka chiisan ngiq ngu thaq niimin sumhea.

Tvtsvmc 49:10

Ra na tiiweshat ka chiithe maiqse thun min tsaitlo, kiimaq maiqjiq kiimaq angi kong min tsaitlo. Tsangshiq tarü raq tsang tsiiq tum ka asaü asetiim ma baiqthütlo.

Tvtsvmc 49:11

Tsangshiq maakho thun kra tsangshiq sichang pattup jam thun she; kiijaq tsangshiq ka pattup misi, atra siji niikla tsangshiq maiqmii hiq asi riito.

TAKSU LAK 14:8

Taksu maiqse ka jaro khonglaq? Jamkhano ngukla apaiq ka phanrap asap. Maiqjiqti ka jaro ngitla? Jamkhano ngukla apaiq ka, asap atsinwe nguta tiima tlaq kata.

TAKSU LAK 17:24

Taksuti riika tingting jaqsham kli lungwiitlo, shatmaq maiqjiq angi ti riika, atsantsii ka aphing aphang thütlo.

THARC TVLUINGC 2:16

Taksuwe tsaikai jai, jur min apaiq tiima tummak she. Angiwe tsaikai jai min, jur min apaiq tiima mak she. Nashiq wiita ka alaqbaiq chang siisaq miraq. Nashiq wiita atsaiti siisaq. Taksuwe min kiimaq angiwe min atsai wanti siisaq.

THARC TVLUINGC 3:19

Jamkhano ngukla, maiqse nai nyamse ka adam dam siili. Maiqse jamkho tsaitlaq kiikhiisii, nyamse kiimin tsaitlo. Wiitsitsü phan ngusaq, maiqse nai ngamsaü ngiqse ka adamli tsaitlo. Tsangshiq ka aphan sang arwan siisaq. Maiqse rilung kiimin, ngamse rilung kiikha thiihüli. Jamkhano ngukla rilung ka phan nai ri wiita ma thiihüli.

THARC TVLUINGC 6:6

Ara nonose ka sanglili hea wawanto. Apaiq ka maiq weshi rawii shinai siraüta, arilung na chochi ahü maq tsai wantaq kriiwe nam ma ahea lin. Jamkhano ngukla, tsang nai wiita khoshi niili wawanto.

THARC TVLUINGC 6:8

Taksu maiqse ka jehin nore thaq na holi ahea lin shea? Jehin nore maiqse ma arilung na jamkhii siwan chang wa kra saptsin rea ka jamlai liipwa midong?

THARC TVLUINGC 7:2

Poi klo raüta phaqsea chamtraq sitlaq jam na kai nam miika, maiqtsaiki taq jam kiijaq kairiiwe ka ahea lin. Jamkhano ngukla, maiqse rilung ka akhiisii then run wan chang siisaq. Kiimaq maiqse atrati tarü tsantsii na, ara bomtsi arka thüshat maq sichang.

THARC TVLUINGC 8:1

Taksu maiqse riili phanrap liichum ka, riikhaqli taktlo. Taksu maiqse kha maq apaiq ka anai li riitlo; phanrap chapa chang akhing niimin, apaiq ka anai lam miili phanrap atang riiwantlo.

THARC TVLUINGC 9:11

Ngi raq bomtsi ashi hali sap wan nongkang. Ara mangjong hiq na phiqhea juti raq aju riilong akhingtek ka tang mak. Kiimahali, nolawe riimin rekhat ka tangruq ka tang mak. Taksu maiqse li jiimin, tsuq anyam ka lap wan ruq ka lap mak. Khutsai asiti maiqse kiimin chiithe ma jawan ruq ka ja mak. Kiimahali, asap atsin maiqse kiimin, akhingtek ajong ala miika jawan ruq jawan lot mak. Maiqse rilung na kiimhü ranaiq akhing ka wiitarü raq riihumtlo.

THARC TVLUINGC 9:16

Kra chhilata ngi raq, “Taksu tsii ka ningkun thaq na ahea. Shatmaq miitsan maiqse taksu tsii ka hiq tili ikhli, maiqse raq no na shipoq baiqtlo. Kiimaq apaiq raq chongtlaq bomtsi ka maiqse raq lang mak shishe tlo,” nguta tiima kang.

1 John 2:11

Shatmaq jurwa phunaino Phungmaiqse ka ngengseng tlaq, kriiti ka ümchaü min ranyaq mong niili sitlo ngushat. Apaiq ka ümchaü min ranyaq mong niili sitlo. Krai mren, apaiq khum chang lam kiimin chhi mak miili sitlo. Jamkhano chhi mak ngukla, apaiq mak ka achuk. Ranyaq watlaq kriiraq amak ka wiita atiichuk she riibaiqto.