THARC TVLUINGC 12:5 - ASII LAKDAP Bible (BSI)

⁵ Kiimaq ümniika kinthii diilu kra chhihaü min haisi koshko she mirhaü. Akhum kai min haisi chang she miraq. Kiimaq ümkhubin ka chhechhi kaü ikha wiita she mipüki. Kiimaq ümniika akhum ashiim min lot maü she mirhaü. Kiimaq jamlai phan phaqsiq haü min, asum akam min ahüshe miraq. Jamkhano ngukla nashiq tarü ka pattup thumkimak phan jam kiijaq wawan chang dongdii. Kiimaq chiiheawea lam na maaho manyi trang she miraq.

Hawa Naga Bible 2001

⁵ Mnoz kuex johvlc baung htenc muex hiyaz tuiux, lvmx khuemx muinz kvhiz sungx juing yaungx tuiux tvmaung shuiux. Mkhux htenc puic wvnc ruiux mshauk pumz kuex laungc maq jix gurx pix shuiux, mnoz rueq raungc raq shuiux lvmz lotlaz kuex htumx wvnc tuex. Naungshiq kuex naungshiq vtvsuip nyec tvkuiyq juing baung nuex kaz wvnc wuez vtix, kvkaq lvmx laungx htenc nuex vkhoarc vnyerc maq httax tuex.

THARC TVLUINGC 12:5 Referencias Cruzadas

RAPHA HIQWA LAK 42:38

Shatmaq Jakob raq nguto, “Ise ka namshiq rai tiikilot mang. Aphu ka atsai kai wishe. Ümchaü ka apaiq kli she tiichongtlo. Jursap tung alam na phanshi ra morhumta rai riijiiq. Ngi ka tikii she. Kiimaq namshiq raq ngi ma chapa tiisaütlan kriiriili ngi ka atiitsai mirhan.”

RAPHA HIQWA LAK 44:29

Kiimaq namshiq raq ümchaü apaiq ka iwokhong wa hali sheaho lanta, jamnai jiq ngusaq raüta, apaiq ma tsai miq khusiq ngusaq raüka, namshiq raq ngi ma chamchao chapa tiisaü tlan kriiriili she, ngi ka ara tikiija akhing na, ilang pit chang she misaüwa,’ nguta nguto.

YOBA 15:10

Naishiq raq taksu tsii tsinkai kriika akhupü butjati raq achong kuq tsin kai. Tsangshiq ka ümwe min michii shaq kongkhu achii.

YOBA 17:13

Ngi ran chang ka wulum mung kriili she, kiijaq ngi ka ranyaq mong na bum lata mikonha.

YOBA 30:23

Ngi raq asapha ümniiraq ngi ka lumkükiq niishe tiidea baiq wan laü, maiqse angu wiita kaiho chang kharii lam na.

Tvtsvmc 71:18

Riita ümchaü ngi ka tikiishe ikhu ikha min apü kaiwishe, ngi ka naq tiishaübaiqkiq, O Shiikeawe lei! Ümniika ngi rai lomshat riilaq, ngi raq üm ningkun nai üm hongla kra maiq pat ümchuwa saü wan tlaq tlotli ma chiiriim lata chongtiikang na.

TAKSU LAK 16:31

Kechu maiqse poksi ka, rilung luhea; khupü butjaja ka achhai anyii khuphok.

TAKSU LAK 20:29

Nashiq raq jerobi ningkun ka, shomra tiikai, kiimaq khupü butja nyungwere ka, shreng tiikai.

THARC TVLUINGC 9:10

Ümniiraq jamlai sham-akai wa shamtlaü, kriika, tsapkapkap maq shamlaq. Jamkhano ngukla, ümnaq kaiho chang wulum mung kiijiika, jaqsham kaiwa min ahüshe; tiima tsantsii min ahüshe; phaqchi pinja min ahü she; taksutsii min ahü she miraq.

ISAIA 46:4

Ngi ka üm Shiikeawe kiimaq Ngi raq ümniika mishkumpan kang, ümniika nyungwe tiijali kiimaq ümkhu tiipüli miliikang. Ngi raq ümnaq phansang kang; Ngi raq ümnaq mikhrumkang kiimaq mitiichhiikang.

JEREMIA 1:11

Tatiwe raq ngi ma waito, “Jeremia, ümniiraq jamlai wa chhitlaü?” Ngi raq trekang, “Almon chong kü ashi chhitiikang.”

JEREMIA 9:16

Ngi raq tsangshiq ka maiq pong mungti thun mung luhea na, tsangshiq riimin sapmak kiimaq tsangtitiim riimin sap mak, mangtang ramangnok mung niishe munglu shumwikong ma mitiitsuq wanha. Lata ngi raq tsangshiq ka tiithumpak mitiithen baiqha shaq wiiwii, chiqse rewe pahea tiiki lata tsangshiq ka mitiikhat wanha.”

LEWI 19:32

“Nyungwere ma kai anato ronglaq. Kiimaq tsangshiq ka pinthum shreng ronglaq. Ngi ka kai shreng lanta Ngi aming ka lang ronglaq. Ngi ka Tatiwe.

Hebrews 9:27

Maiqse angu ka, khumtek lakshi ka atsai chang dongdii. Kra jai miitiq, Shiikeawe raq apaiq kha ka mipho kuq.