THARC TVLUINGC 12:11 - ASII LAKDAP Bible (BSI)

¹¹ Taksu maiqse bomchong ka skurümti raq sku rümchang nyeakii siraüraü shamtlaq ikha, siraü raü. Kiimaq taksma bomtsi archom wan kriika, khili phataqtaq atübaiq ikha. Pattup miitu atsing angang bomtsi. Arthun arka nashiq tarü riimti. Shiikeawe raq akuq riito.

Hawa Naga Bible 2001

¹¹ Taksux vhttax jix htenc kvjaz kuex khelbuenx remc jix hez rueq shuimx yaq paqkhux rulc rv-ngvlc yaq, vtvjomx taq bomc tvguip htenc muinz phaungx duing vtuiuz gay khelic ikhoc ngaungx yaq. Kvruex kvjaz htenc kuex naungshiq lotlaz muex vshiz dvyx khelbuenx remc jix Waz, Tishox rueq vkuq rvtueq.

THARC TVLUINGC 12:11 Referencias Cruzadas

RAPHA HIQWA LAK 49:24

Shatmaq apaiq liq hiip ka nung mak phan, Kiimaq ajaq min thea mak phan Jakob Shiikeawe Ajong Pinthum ningkun maq, Sku Rümtiwe, Israilnok Tiichhiiti raq khrumtlo.

EJRA 9:8

Shatmaq ümchaü ka heashise miitu naishiq, Tati Shiikeawe ümniiraq naishiq ma kaphap mangchan she hali tiichhikuq wan nong tlaü. Laüta naishiq phong wa maiq wiijamti tiichong wan laü, kra di-ama rilung kharü mong wa dokda kuq wan laü she. Laüta rilung tsitsü anye she kiqkap jaqshap maq singa wan miitu tsitsü triichüm kuq wan laü. Laüta ara asii hiqshong na hali tiishongnga kuq tlaü.

Tvtsvmc 23:1

Tatiwe ka ngi rümti; ngi ka apaiq sku rongboq.

Tvtsvmc 80:1

Naishiq achujaü tailaq, O Israilnok Rümtiwe lei; naishiq achujaü tailaq, naishiq ka ümskukong, ümniika naishiq pengti. Üm hokham ngacho ka cherubim rasetiim thaq na, ümniika kiijaq ngatiwe.

TAKSU LAK 1:6

Krai mren tsangshiq raq apaü raüta athü, taksu bomtsi liichum kra, tsangshiq raq mikhon wan lot. Raüta taksma maiqse raq, uqkhiima bomtsi chong tlaq kra liichum ka mitak wanlot.

TAKSU LAK 10:21

Kechu maiqse bomtsi ka, maiq pahea ma achu shiiman asi. Shatmaq angi nolati ka, maiqmii bom miili khlaqtlo.

TAKSU LAK 22:17

Tailaq taksu maiqse bomchong ka, ümniima shrinkuq pha. Tsangshiq raq ashrinkuq ka samhea, sidi laq.

THARC TVLUINGC 10:12

Taksu maiqse raq bomchong tlaq kra lümaq apaiq raq shreng manto laptlo. Shatmaq maiqjiq ngamphiqti riika anübok maq jamlai wa bom tlaq kra miili apaiq ka then phaqtlo.

THARC TVLUINGC 7:5

Taksu maiqse raq ümniima tsii chongke ason riitlaq ka, angikong raq ümnaq shomra tlaq kra nan ma ahea lin.

ISAIA 22:23

Apaiq ka Ngi raq tombutiip chanchang raü khachang hiq na tsonkhaiq shongtlaq ikha, phataqtaq mishongha. Kiimaq apaiq ka ata awii tlotli ma khushü jong chang khamchong ashi she miraq.

ISAIA 40:11

Apaiq raq askukong ka sku riimti raq rümtlaq ikha miriim wan; apaiq raq sku ransetiim ka adam na mitriichum wan, raüta tsangshiq ka ajaq na mido wan; apaiq raq akaütiim ka chaosusu maq mishea wan.

JEREMIA 23:29

Ibomtsi ka waniitu ikha. Kiimaq sintupo ikha longkaü thun tiibun buktlo.

EJEKIEL 34:23

Ngi raq tsangshiq ma ijaqshise Dawit ikha hokhamwe ashi mishong wanha. Kriiwe raq tsangshiq ka mirüm wan. Kiimaq apaiq raq tsangshiq ka aheawiq maq mirümkom wan.

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

John 10:14

Shatmaq, ngi ka amakshaq sku rümtiwe. I We raq itsan i tsii ka jamkho sap tlaq, kiikhiisii hali, ngi riimin, i We tsantsii ka asap ha. Kiikhiisii hali, ngi raq i skuse kong tsantsii kiimin asap ha. Kiimaq i skuse kong riimin ngi ka asap. Krai mren, ngi ka tsangshiq khupi miitu atsai kham tiikang.

John 3:10

Kiijiishe Jesuq raq treto, “Ümniika Israil mung na shrinketi we ajong ashi. Kra riishe, ara bomtsi ara saplot maü jiika ja she wa michong i?

Acts 2:37

Mungmaiqse raq Petar traho bom chongke kra tai raütiishe, tsangshiq tsan na piq maq ashuk ikhiishe tsi wanto. Krai mren she, tsangshiq raq Petar nai kiimwebi ahinti kriima, “Riita, ikhiijiika, phunainotiim lei, ümchaü naishiq riika jamlai phan riichang she wa?” nguta waito.

2 Corinthians 10:4

Naishiq raq rekhat lam maq sham wan chang siinit wachü thun kriika, ara mangjong hiq wa hupsam siinit wachü thun kriika riimak. Shatmaq, naishiq raq sham tiikai siinit wachü thun arka, aheng pinthum, Shiikeawe siinit wachü maq chiq se rewe ümchuwa sitlaq kra khat tiikai. Laita, rewe tiibo chang hiqshong kra shiithen baiq tiikai. Naishiq raq arot akiq tri raütu thun kra run baiq tiikai.

Hebrews 13:20

Shiikeawe raq nashiq Tati Jesuq ka amaa wa tiidong wanto. Apaiq ka skukong Rümti Ajong Pinthum. Arka apaiq miisaq honglu na kuq raüta tsaito kriikha maq jawanto. Kra tsaitaq kra maq pattup pat-sa tongshong kra atiijai maq nei wanto. Raüta sil maq san wanto. Riita hansang Shiikeawe raq namshiq ma namshiq raq apaiq raq rotlaq kra phan phan athuk atsom jaqsham wan miitu phanrap ahea awa phan rong raa tlaq kra namshiq ma asho awo michom rom kuqlaq. Kiimaq apaiq raq Jesuq Khristo lümaq, nashiq khum na apaiq tiichochi chang jaqsham thun kra mishamlaq. Kiimaq Khristo miituli khushü chhainyii jonglu kra pattup pat-sa misilaq! Amen.

Hebrews 4:12

Shiikeawe bomtsi ka atra. Kiimaq jamlai phan na seng raütiiwa bomtaq, kra sham wan ruq phan. Aniq min sihea, khubinlo panthit. Bomtsi raq maiqse tsaiji kiimaq wenyi wiita riip wan tlo. Kiimaq maiqse khum na arok ariitsai sitlaq thun kra wiita kunli han wan tlo. Kiimaq maiqse tsan mong na, tiima tsantsii jamlai wa rüm tlaq kra thun wiita, kunli chechiiptlo.

1 Peter 5:4

Namshiq raq akha tsapkapkap maq sku sekong ka rüm han jiila, ümtiikiiwa sku Rümti Ajong Pinthum we ka saüho nongtlaq akhing na, apaiq raq namshiq ma poksi, pattup pat-sa thenki mak phan achhai anyii wa hea la khuphok she mikuq.