THARC TVLUINGC 12:1 - ASII LAKDAP Bible (BSI)

¹ Arningkhan ümnaq Phansangtiwe ka ümnaq jeroji na tsan na tiitsang laq, ümrilung na chamchao rahiq akhing kra misaü wan shaq liipan na. Ümrilung na rawü thum wan raü jaq, ümniiraq, “Ngi ma arthun arka asum akam min ahü she,” nguta mingu haü.

Hawa Naga Bible 2001

¹ Kvkhoc rvtueq yalxrox pat jauz nuex mnoz rueq, “Ngaz vshuenc vruenc httax lot mauk shex,” ngoz tueq vkuilc vdaz vraungx nuiyq vraungx wawc max httuiuc shauk nuex mnoz Tvdungc Sungc jix Waz kuex rvwvl shuiuz.

THARC TVLUINGC 12:1 Referencias Cruzadas

RAPHA HIQWA LAK 39:2

Tatiwe ka Joseph rai asi. Kiimaq apaiq raq jamlai jaqwa shamtlaq kra wiita ong wan ruq riitlo. Apaiq ka atijongwe Ejipwe jam na sito.

RAPHA HIQWA LAK 39:23

Kra siihiip jongwe ka Joseph wokhong na jaqsham kaiwa ümchuwa sitlaq kra miitu jamlai min chapa mak she riito. Jamkhano ngukla Tatiwe ka Joseph rai asi. Kiimaq Joseph raq jaq ümchuwa shamtlaq thun ka wiita tiiong kuq wan ruq riito.

2 SAMUEL 19:35

Ngi ka ümchaü wiiroqtiichat she. Jamlai min rariq mang she. Phaqnai sea ümtinkhan asum akam phan che atsam phaqsiqha min, asum akamri ahü she. Ashi ashunti shinge min taimang she. Ngi ka, Chaü lei, ümniima mintsa tiipake chang li she tiina miraq.

2 SAMUEL 19:36

Ngi ka atinkhan shreng manto lap wan li chang ka thek mang she. Kra ningkhan, ngi ka ümniirai bashirase, ara Jordan rai reko kiinü na saüli wadam pha.

1 HOKHVMX 14:13

Israil mung tlotli raq apaiq maa ka mijo. Kiimaq maaho manyi raüta apaiq maa ka milap. Jeroboam tajam wa riikhaqli maq amaa lapshe wan ka apaiq arli miraq. Jamkhano ngukla apaiq armiili Tatiwe, Israilnok Shiikeawe ka tsan ahea maq sitlo.

1 HOKHVMX 18:12

Riita ngi wawan jai niili ümniika Tatiwe wenyi raq ümniika dowan raüta, ngi raq sapmang maiqhiq bashi ra na shea wan raü jiiha? Kriishe nguraü ka ngi raq Ahab ma ümniika arjaq asi nguta chongwa jai, kiimaq apaiq raq ümniika ritki raüta hummak she raü ka, apaiq raq ngi ka atiitsea mirbaiq. Ümtsan na tiitsang laq, ngi ka, noseji miiphü Tatiwe ka tsapkapkap maq shomnoq wanti.

NEHEMIA 4:14

Ngi raq mungmaiqse ka, tsan na chapa asi chhikang. Kra ningkhan, ngi raq tsangshiq ma, kiimaq tsangshiq khuthaq na ashun sheati welabi ma, kiimaq siihiipbi ma, “Nashiq jaqtibi ma naqhai rongkiq. Tsan na tiitsang rong laq; Tatiwe ka phiiptsi jiiptsi. Apaiq ka nammung miitu, namsetiim miitu, nam chaktiim miitu, kiimaq namshiq jamkun miitu re mikhat.”

YOBA 30:2

Tsangshiq ka majikaü ikha arok arii dali she, ngi ma jamlai jaqshamke min lot mak.

Tvtsvmc 119:55

Rawa niimin ngi raq ümnaq tiima wankang, Tati lei, lata ümtri raütu kra shiweasiq tiikang.

Tvtsvmc 34:11

Warong ra, ikongti jerobi lei, lantea ibom tai rong laq, kiimaq ngi raq namshiq ma Tatiwe shreng kra shrin kuqpha.

Tvtsvmc 63:6

Ngi ka chang na akon lam miimin, ümnaq tiima tiikoli; Rawa minruru ümniili tiimasiq tiikang,

Tvtsvmc 90:10

Naishiq pat ka wiiroq miishi li— ningkun asiti ka, wiiroq tiichat misi; kra taü miidea min naishiq ma chamchao sangraili litkot kaidili tiisaütlo; rilung ka thumkisaqli, naishiq ka thumkitiikai.

TAKSU LAK 22:6

No ka nose miiphü trantsii laq, raüla maiqla wan raümin, lamjiq na kimakshe miraq.

TAKSU LAK 8:17

Ngi lungwiiti ka ngi riimin lungwii tiikang, Jurwa ngi rittlaq kriiti raq ngi mihum.

THARC TVLUINGC 11:10

Jamlai miitu min naqchapakiq. Lo, tsanbi wokti min naqsikiq. Ümniiraq jero rilung ka luhea siwan lumaü she mirhaü.

THARC TVLUINGC 11:2

Ümtsiiq ka pongbaba jaqsham na tiiwalaq - apawiq na, Jamkhano ngukla, rawiichii akhing na jamlai kharii wa saü wan jiiq, ümniiraq sap maü.

THARC TVLUINGC 11:8

Rawiitek ümrilung siwan tlaü kra miitu honkamshat maq silaq. Ümrilung ka luhea li siwan haüjii min, tsan na tiitsangshat maq thülaq, ranaiqshishi ümniika atsai chang dongdii miraq. Khaki nü na liichang ka jamin ahü.

ISAIA 26:8

Naishiq ka ümniiraq athithi kriili phantiikai, laita naishiq rantsii ka ümniima thütiikai, naishiq miika ümniikli ratlo.

AJONJÜ 3:27

Kiimaq arningkhan tsankhun maq, jeroji na nin laita siwan riiwe ka ahea.

DANIEL 1:17

Krai mren, Shiikeawe riimin kra jerobi weblai kiimiika, phaqchi kiimaq laktsin wan na taksutsii kiimaq rakaü hiqwe phaqchi kuqto. Kra thaq niimin, Daniel miika riisham bomchong nai rawa ma liichum chongke saptsin wan phaqchi kuqto.

Hosea 7:9

Pongnok phan rai tongshong raüta, reraüshi maq siwan kha na, tsangshiq ningkun jomtlo. Arka tsangshiq raq sapphaq mak sitlo. Tsangshiq ningthoi saü wanto. Shatmaq tsangshiq raq sapphaq mak sitlo.

Luke 1:15

Apaiq ka Tatiwe man na ajong pinthum miraq. Apaiq riika che nyang min maimak. Apaiq ka rawü chhi wanli miili, akhum na Asii Wenyi ka ama maq misi wan.

Luke 18:16

Shatmaq, Jesuq raq nosere ka atho na heato. Raüta, tsangshiq ma akha chongto, “Nosere ka ana ngi phana tiiwa ronglaq. Tsangshiq ka naq tiiwin rongkiq. Ara jamkhano chong tiikang ngukla, Shiikeawe Mungtan ka tsangshiq sitlaq akha siti rii.

Ephesians 6:4

Namshiq anyung nai awetiim lei, namsetiim ka naq tiitsaitsu rongkiq. Shatmaq, phungmaiqse kamasham na, phaq thaq nithak maq tran tsii wan lanta, tiichhan chhi ronglaq.

TRI CHONGKE 8:18

Tsan na tiitsang ronglaq, Tatiwe namshiq Shiikeawe raq, namshiq ka chiithe ma jawan miitu ningkun kuqtlo. Apaiq raq ara jamkhano klo kuqtlaq ngukla, apaiq raq namtitiim rai tongshong wantaq kra ümchaü ranaiq na saüli tsapkapkap maq rüm wantlo kra ningkhan namshiq ka chiithe ma tiijatlo.

2 Timothy 3:15

Ümniima noseji niiphü ashrinkuq wan, Asii Bomtsi ka, ümchaü min ümtsan mong na shaqshat. Asii Bomtsi ümmong jii na shaq tlaü kriiraq, ümniika taksu ma tiija tlo. Raüta ümniiraq Khristo Jesuq ma kamtsantsii thü tlaü kra lümaq tiichhii kuq tlo.

1 SAMUEL 1:28

Kra ningkhan ngi raq apaiq ka Tatiwe miishe kiinong kuqtiikang. Apaiq atra sitlaq wiiwii, apaiq ka Tatiwe rii she miraq.” Kra raütiishe tsangshiq raq kiijaq Tatiwe ka shomnoqto.

1 SAMUEL 16:7

Shatmaq Tatiwe raq apaiq ma nguto, “Apaiq ka ajong alu kiimaq atsomwiqwe nguta naq liikiq. Ngi raq apaiq ka ashthoq baiq kun she. Ngi riika maiqse raq shintlaq kiikha shin mang. Maiqse riika maiq ka asham ari na liitlo. Shatmaq ngi riika atsantsii na liitiikang.”

1 SAMUEL 2:18

Kiimaq anü na nonose Samuel ka asii müsaisai raihi-nairai samtong jong se sam raüta Tatiwe ka shiililii wantlo.

1 SAMUEL 2:26

Riita nonose Samuel ka jonglu wan ruq she jong wanto. Apaiq raq Tatiwe khrum nai mungmaiqse khrum ka lap wan ruq riito.