THARC TVLUINGC 11:6 - ASII LAKDAP Bible (BSI)

⁶ Kra ningkhan, tsamlai ka ranap niimin kiimaq raji niimin wankikiq. Jamkhano ngukla, ümniiraq, wiita shea cham wan tla, shea ümriiti wa samhea cham wantlaq, kriika ümniiraq saplot maü.

Hawa Naga Bible 2001

⁶ Mtuiz mtsvmz lix kuex raungnvp nuex muinz wuinc shuiuz, raungyac nuex muinz wuinc shuiuz. Kvruex lotlaz vhvlx haz kemz yaq nguinx, baungshiz nuiyc baungshiz nuex vwuinc shec wawc mruex baung jix wawc wueq vhvlx pinhtumc rvtvnx mnoz rueq mkaq muinz tuiuz muq.

THARC TVLUINGC 11:6 Referencias Cruzadas

THARC TVLUINGC 11:7

Ranaiq rawü li ngutlaq ka maiqse ma pinthum peohea.

THARC TVLUINGC 9:1

Ngi raq maiqse rilung na arthun hongtha wantlaq ara rahiq luhea itsan mong na rashi hiq wea shin wan kang. Lata ara bomtsi ara sap wankang. Taksu maiqsetiim nai kechu maiqsetiim raq jamlai wa klowan tlaq kriika, Shiikeawe raq thapthi wan tlaq kiijaq hong wantlo. Tsangshiq raq maiqse ma lungwiitsii tiichhi tlaq kriimin, kiimaq maiqse ma ngengseng wantlaq kriimin wiita Shiikeawe raq athithi kiijaq tiihongtlo. Juwe riimin maiqmii khaki na jamlai wa saü wan jiiq kriika sap mak.

THARC TVLUINGC 9:10

Ümniiraq jamlai sham-akai wa shamtlaü, kriika, tsapkapkap maq shamlaq. Jamkhano ngukla, ümnaq kaiho chang wulum mung kiijiika, jaqsham kaiwa min ahüshe; tiima tsantsii min ahüshe; phaqchi pinja min ahü she; taksutsii min ahü she miraq.

ISAIA 55:10

“Ibomtsi ka tsakhiiq ikha kiimaq rajun ikha, ra maq mangjong hiq na deatlo, raüta hiqraikhü na nyuktlo. Raüta tü atsam kra tiijongtlo, kiimaq tsamlai tiidongtlo kiimaq aphaq sea chang tü atsam tiidongtlo.

Hosea 10:12

‘Wakdam anyeshe sham ronglaq. Kechu jaqsham tsamlai wan ronglaq. Tsapkapkap mangchan tsam jut ronglaq. Ngi ma kamwan shiiman tsam jut ronglaq. Ngi namshiq Tatiwe wokhong na nyap ronglaq, ngi raq namshiq ma achu shiiman mikuq kang,’ nguta ngi raq tsangshiq ma chongkang.

2 Corinthians 9:6

Ara bomtsi ara tsan na tiitsang rong laq: Jurwa tsamlai ka ahiihii maq trok raqraq li wanwan tlaq, kriiti riika, tsam min atsap li mijut. Shatmaq, jurwa tsamlai ka apapa maq jang wan tlaq, kriiti riika tsam min apa mijut.

2 Timothy 4:2

Ümniiriika, maiqse angu ma trahoke wan kli shiichaq wan ruq riilaq. Kholam kholiiq, chiiriim laüta, akhing hongtaq lo, hong mak lo jiimin, chongkuq wanruq maq shiichaq laq. Ara chongkuq tlaü kra lümaq, maiqse tsan ka tiinin lili mirlaq. Tsangshiq raq tsii chhi wanli chang, bomtsi ka atsin maq trantsii son laüta, chong kuqlaq. Kiimaq tsangshiq tsaiji ka dokuq laq. Ara trahoke jaqsham arka, phanrap na nin wan ruq maq, chongkuq laq.