THARC TVLUINGC 10:10 - ASII LAKDAP Bible (BSI)

¹⁰ Mang ka minhü ataüwiq jiika, ningkun achan shoq raüta pe daq chang miraq. Kra ningkhan kongkhu tiije chang.

Hawa Naga Bible 2001

¹⁰ Mnoz rueq muingkix tuiuz kaz ruiux yuq, kvruex mnoz rueq manx muq ngoz ruiux kvruex shuimx ruiux hungc maq jix shuimc juing. Tvluz nuex kvmungx tvy lvmz kuex pinhtumc tharc vhttax rvtueq.

THARC TVLUINGC 10:10 Referencias Cruzadas

1 HOKHVMX 3:9

Kra ningkhan ngi raq ümsenginok ka tingting tri maq peng wan miitu, kiimaq ajiq nai alam kra riikhaqli maq chechiip wan miitu, ngi ma anyan phaqchi kuqtlaq. Kra riimak nguraü ka ngi raq ara ümsenginok maiq mung ariim khan ajong alu phan arka jamkho mipeng wan lotha?”

THARC TVLUINGC 10:11

Paürai tiitsa atsin ha nguraü, paü raq apaiq ka kongkhu thaürat raü ka, apaiq raq paütlin sap ka jam achu ahü.

THARC TVLUINGC 10:15

Angiwe riika ranaiq rawa jaqsham niili motlo, ajam na wa min sap mak laq baiqtlo.

THARC TVLUINGC 10:9

Jurwa longrong mong na long thutlaq, kriiti ka long raq mitiiq, kiimaq jurwa chinpan tiikho tlaq, kriiti ka chinsiiq raq mibuk.

THARC TVLUINGC 2:13

Kiijiishe, ngi raq ara tak kang. “Taksu tsii ka, angi nola thaq na ahea lin. Ranyaq nam miika rawüli ka ahea lin.

THARC TVLUINGC 9:18

Rekhat chang chuntsi nyiimwin nam ma, taksu tsii chongkuq tlaq kra tai haü jiika, mungmaiqse ma hansang miraq. Shatmaq ngarai maiqse ashi riili Ahea awa pahea shiithen baiqtlo.

Matthew 10:16

“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.

Romans 16:19

Namshiq raq pharangrang maq, Asii Tsütsa ma kamwan tlan kriika, nanok wiitarü raq tai wanto she. Riita, ngi ka ara bomtsi ara tai wan lata, namshiq ma pinthum khoqriiq tiikang. Namshiq ka ahea lamphan lam niika, tsangtsang tsiitsii maq sirong laq. Shatmaq, abi lam phan niika, makchuk nibii ikhiili sironglaq.

1 Corinthians 14:20

I phu I notiim lei, namshiq ka namshiq tiima na noshiisetiim ikhiika naqsi rongkiq she. Abi ati lam phan niika, noshii setiim ikha si ronglaq. Shatmaq ahea lam phan niika, namshiq tiima tsantsii ka nyungwere tsii ikhiishe tsii ronglaq.

TRI CHONGKE 32:41

Ngi raq inepja ka achhai lüplüp mitiisi minha, kiimaq kha ka tingting maq miphoha. Ngi raq iphuk lam ijaqtinok mikhatha kiimaq Ngi ngengti thun ma mo mitiihoha.

Colossians 4:5

Thatsang maiqsetiim rai riibom lam maq, tsiilam shat maq sirong laq. Tsangshiq rai riihum tlan akhingtek na, nambom namsa na Phungmaiqse rilung angu asi maq bom ronglaq. Lanta kra riihum akhing ka amiinu asi ma tiija ronglaq.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.