TAKSU LAK 9:1 - ASII LAKDAP Bible (BSI)

¹ Nyan phaqchi raq ajam haito, kiimaq apaiq jam kham toqpum miishi shongto.

Hawa Naga Bible 2001

¹ Taksux tharc rueq vyuimx kuex htungyungx mvshix shungc vtueq guirx tueq.

TAKSU LAK 9:1 Referencias Cruzadas

1 HOKHVMX 7:21

Huram raq ara miiki ngam maq alo toqpum kham wiinai ka Shomjam rintap kiijaq tiichap thüto. Shemai nü siim na tiichap thüta toqpum kham mang ka Jachin nguta mangto. Kiimaq shekhu nü siim na tiichap thütaqti kriika Boaj nguta mangto.

1 HOKHVMX 7:6

Kra khok kaü toqpum kham thun ka alu nü na 22 mitar. Kiimaq ajong nü na 13.5 mitar riito. Kra khok kaü kilam chong rinkea ba kriika wuseno maq tiipang shat riito. Kra wuseno ka toqpum kham maq thüraqraq riito.

TAKSU LAK 1:20

Taksu tsii raq chii heawea maq heatlo; kiimaq kejat thung maq heatlo.

TAKSU LAK 2:1

Ise lei, ngi raq jamlai wa shrinkuq tiikang, kra saptsin laq. Ngi raq jamlai jaqsham wa chong tiikang, kra ümtiikiimin naq laqkiq.

TAKSU LAK 24:3

Maiqta khan ka taksma tsii, nai anyan phaqchi maq tiijongtlo.

TAKSU LAK 3:1

Ise lei ngi ümwe bom chong naq laq kiq, ngi raq chong tiikang kra phanphan shamlaq.

TAKSU LAK 8:1

Tailaq! anyan phaqchi raq heatlo. Taksu nyung raq chiiriim raüta heatlo.

ISAIA 55:1

Tatiwe raq ngutlo, “Warong ra, loweatek khamnyangtsiti— arjaq kham asi! Warong ra, namshiq kampho ahüt— püwong ka ri lantea phaq ronglaq! Warong ra! spiqtai nai minsaü pü ka rilanta nyang ronglaq— namshiq ma rihü maq kuqtlo!

Matthew 16:18

Kriikha maq, ümchaü ngi raq ümniima chongtiikang; ümniika Petar. Ümniika longkaü she. Kiimaq ara longkaü arthaq na, ngi raq i phungtu ka mishong wan ha. Kiimaq ara phungtu shong tiikang arka atsai ningkun raq dongdii min tiimeshi lot mak miraq.

Galatians 2:9

Jakob, Petar kiimaq Johan, tsangtsam maiqlabi raq santla, Shiikeawe raq ngi ma ara tsankhun tsanwa jaqsham arka kuqto dea, nguta sapto. Krai mren, tsangshiq raq Barnabas nainai min tsangtsam rai kongshi maq, Shiikeawe jaqsham dam tlo, nguta anato jaq shiikamto. Laita, naishiq ka tsangshiq rai adam na nga laita, jaqsham ka akha riiphea wankai. Barnabas nainai riika Pongnok phan maiqse ma, Tsütsa Ahea kra michong kuq wan i, kiimaq tsangshiq riika, Jehudinok phan ma Tsütsa Ahea kra michong kuq wanlaq nguta, Shiikeawe jaqsham kra riiphea wan bom, kiq ri wan kai.

1 Timothy 3:15

Kiimaq, ngi ka ümkhiimiiwa jaqlo kiina saüthin wan mang la tiihit rotki ha jiila, ara lak na nashiq Phungmaiqse ka jamkhii singa chang wa, kra miitu tsii chongkuq tiikang ara lang rong laq. Nashiq ka Shiikeawe setiim. Jamshiti. Ara jamshiti ngutiikai arka, Shiikeawe setiim phungtu sitlaq kra ngo nangnga chongtiikang. Shiikeawe ka pattup pat-sa siwan ruq li. Shiikeawe manphan tengteng bomtsi ka, phungtuti raq thüda wan tlo. Kiimaq tum akhiiq na saiqsam wan tiikai ikha, kai shreng laita ahea wiq, tsapsaü kapse maq thü wan tiikai.

Revelation 3:12

Rekhat tangti, srea jati we ka ngi raq, i Shiikeawe shomjam na khamlawe ma mitiija ha. Kiimaq apaiq ka kiiwa, ahin na kimak she miraq. Ngi raq apaiq khum na i Shiikeawe mang kiimaq i Shiikeawe raq ramungtan anye wa Jerusalem anye tiisat wan tlaq kra chela mang ka miwaiq kuq ha. Kiimaq apaiq khum na, i mang anye kriimin miwaiq kuq ha.