TAKSU LAK 8:15 - ASII LAKDAP Bible (BSI)

¹⁵ Ngi raq hokhambi mungpeng na khrum tiikang, kiimaq tuwebi ma tri ahea tiiq wan na khrum tiikang.

Hawa Naga Bible 2001

¹⁵ Hokhvmx bix rueq guimz lawc yaq nuex ngaz rueq romc naungx vshaungx, vhvlx tvrac htenc kuex tvhungx tvkoc mungx walaungx bix kuex ngaz rueq htuiz daungx vshaungx.

TAKSU LAK 8:15 Referencias Cruzadas

1 HOKHVMX 10:9

Üm Tatiwe üm Shiikeawe kli tiitsam i! Apaiq ka ümniima kai khoqriiqtlo, kriikha maq ümniika Israil mung thaq na hokham ma shongto. Jamkhano ngukla apaiq raq Israilnok mangchan tlaq kriika pattup pat-sa thumki mak phan. Krai mren apaiq raq ümniika tsangshiq hokhamwe ma shongto. Kriika ümniiraq mungmaiqse ka riikhaqli tri kappe maq shiiting shrai milang wan laq nguta shongto.”

1 HOKHVMX 3:28

Solomon raq kra khapho kuqtaq tsütsa ka Israilnok mungmaiqse riishe taito. Kra tairaüta tsangshiq tsan mong na apaiq ma tsaühea shreng manto she thüwanto. Jamkhano ngukla Shiikeawe raq apaiq ma taksu tsii ke kha maq athukwiq maq phokuqto nguta takto.

1 HOKHVMX 3:9

Kra ningkhan ngi raq ümsenginok ka tingting tri maq peng wan miitu, kiimaq ajiq nai alam kra riikhaqli maq chechiip wan miitu, ngi ma anyan phaqchi kuqtlaq. Kra riimak nguraü ka ngi raq ara ümsenginok maiq mung ariim khan ajong alu phan arka jamkho mipeng wan lotha?”

1 HOKHVMX 5:7

Hiram raq Solomon tsütsa kra lapraüta apaiq ka kai khoqriiqto. Kiimaq apaiq raq nguto, “Ümchaü ranaiq Tatiwe ka tiitsam ronglaq, apaiq raq Dawit ma apum songti ase taksmawe ka mungtan ajong pinthum kra peng wan miitu hokham ma shongto!”

1 KAÜWA WERAÜ 28:5

Apaiq raq ngi ma isetiim pahea kuqto. Riita kra phong wa Solomon ka Israil mung Tatiwe mungtan, kra peng wan miitu shongto.

2 KAÜWA WERAÜ 1:10

Riita ngi raq tsangshiq ka rüm wan miitu taksu tsii nai anyan phaqchi kuqlaq. Kra riimak nguraü ka ngi raq ara ümsengi sang amang atinkhan pahea jonghea arka jamkho miriim wanha?”

2 KAÜWA WERAÜ 1:11

Kiijiishe Shiikeawe raq Solomon bom ka treto, “Ümniiraq athuk atsom phan jaü laü. Tsiiq anyam, kampho lakshii, mangchong, riimakla ümnaq ngengti miisaq, riimakla ümri lung ka alu si miitu jaü rii na, ngi raq ümniika isenginok khuthaq na hokham ma shong wan kang kra, mungmaiqse peng wan miitu taksu tsii nai anyan phaqchi jaü laü.

Tvtsvmc 2:10

Ümchaü min namshiq hokhambi raq ara hon chong ara tai ronglaq; ara bomchong ara sap rong laq, namshiq mangjong pengtibi raq;

Tvtsvmc 99:4

Ajong Pinthum Hokhamwe lei, ümniiriika riikhaqli jaqsham lungwiitlaü; ümniiraq Israil mung na tingting tri raütu shonglaü she; ümniiraq kha ka tri maq phokuqtlaü kiimaq makliishi maq photlaü.

TAKSU LAK 29:4

Tingting kappe sham raüta, hokham raq mungpeng raüla, mung ka atsing miraq. Shatmaq apaiq ka kampho miituli siraüla, mung ka athen mirki.

TAKSU LAK 8:16

Mangjong hiq wa mungtubi raq, ngi lümaq mung rümtlo. Aki miikiimbi nai shiilangbi riimin kiikhiisii.

ISAIA 1:26

Ngi raq ümniima ümmung pengti tuwe jongbi nai ümniima taksu tsü chongketi ka, man na rathup raphaji na ümniiraq jamkho riimwan laü kiikha hali mishong kuq wan nongkang. Kiijiishetiq Jerusalem ka kechu chela kiimaq tsapsaü kapse chela nguta mingu wan.”

JEREMIA 33:15

Kra akhing na, Ngi raq Dawit saüse phan wa, kechu hokhamwe ashi mishongha. Kra hokhamwe raq tingting kappe sham raüta mung tlot li ka mipeng wan.

DANIEL 2:21

Apaiq ka rahiq jipi thapthi wantiwe! Jurai liirai tiihongtiwe! Hokhambi shongti min apaiqli, hokhambi runbaiqti min apaiqli. Apaiq kli anyan phaqchi keti, kiimaq taksu tsii keti.

DANIEL 4:25

Ümniika maiqse phong wa, ajoshe mirbaiq. Raüta ümniika rumnyamse kong rai she misidam haü. Rawii wiimiishi na saüli, ümniika minsaüpongwe ikha sangphii phaq laüta misihaü. Laüta hiqsii thung na mikon haü. Kiijaq ra wa bangkham ka ümkhum na mirok. Kiijiishetiq ümniiraq Ajong Thaq Na Ajong Shiikeawe riili dea, maiqse angu hokhambi mangjong na sitlaq kra pengtlo. Kiimaq mangjong hiq na hokham jaqsham ka apaiq raq ümriiti ma kewa lungwii tlaq, kriiti ma kuqtlo nguta misap haü.

DANIEL 4:32

Raüta ümniika maiqse hiqshong wa ajoshe mirbaiq. Raüta rum nyamsekong rai she misi haü. Kiimaq minsaü pongwe ikha, rawii wiimiishi na saüli, rum wa sang kra phaq laü tiishe misi haü. Kiijiishetiq, ümniiraq Ningkun Ajong Shiikeawe riidea mangjong hiq raikhü na maiq mung ümchuwa diimtlaq kra rümtlo nguta misap haü. Kiimaq apaiq raq juwa lungwii tlaq, kriiti ka hokhamwe ma shongtlo nguta misap haü.”

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Romans 13:1

Maiqse angu tarü ka mungtubi wokhong na sichang. Shiikeawe raq arang kehü miika, juwe riimin mung thaq na wela jalot mak. Krai mren, ümchaü mung rümti hokhambi sitlaq kriika, Shiikeawe raq ashong wan.

Revelation 19:11

Kiijiishe, ngi raq ramungtan ka atiidi raü chhikang. Kiimaq kiijaq kumrang alü kaü ashi chap raü chhikang. Kriithaq na chaoti we mang ka Tsapkapkap nai Riikhaqli nguta ngutlo. Apaiq riika tingting maq kha pho tlo. Raüta re ka khattlo.

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”

1 SAMUEL 16:1

Tatiwe raq Samuel ma nguto, “Riita ümniika, atinkhan atsaq min tsaq maü lailai, Saul miitu ka jamlai nguta jümiisea wa? Ngi raq apaiq ka Israilnok hokham ngachang wa ashleq baiq wishe. Riita, ümchaü min ümniika olip petsi tel phanshi lamho laüta, Bethlehem chela na maiq weshi Jesi ngutlaqwe phana kilaq. Jamkhano ngukla ngi raq asetiim phong wa weshi ka Israilnok khuthaq na hokham ma atsea wan kun she.”

1 SAMUEL 9:17

Riita ümtiikiiwa Samuel raq Saul sham ka chhitaq, Tatiwe raq apaiq ma chongto, “Ngi raq ümniima chongkang we irka ahata. Apaiq raq isenginok mipeng wan.”