TAKSU LAK 8:12 - ASII LAKDAP Bible (BSI)

¹² Ngi ka nyan phaqchi, Ngi ka taksma; ngi raq phanrap asapha; Ngi raq riikhaqli ashintsüha.

Hawa Naga Bible 2001

¹² Ngaz kuex Taksux tharc rvtauk, thuinz vmungx tharc ngaz nuex httax yaq; phaqjic nuiyc vlvmz khac phoc muinz ngaz rueq lvp tauk.

TAKSU LAK 8:12 Referencias Cruzadas

1 HOKHVMX 7:14

Awe kiimin Tajar chela na siti riito. Shatmaq kra akhing niika atsaikaiwi she riito. Awe kiimin jatiiq jintiiqtiwe miiki ngam jaqsham na smajongwe riito. Kiimaq apaiq ma anyung ka Naphtali phan wa. Huram ka pinthum anyan phaqchi saptiwe kiimaq tsiimtsii smawe riito. Hokhamwe Solomon raq apaiq ka miiki ngam tiiqwe jaqsham kra arangho miitu tiichong wa kiita apaiq ka chochi khiq kito.

1 KAÜWA WERAÜ 28:12

Kiimaq apaiq raq Solomon ma Shomjam rinkea thun ka, kiimaq kra tro binjü na khok thun haichang kra, kiimaq shomjam na langchang hupsam thüchang khok thun kra, kiimaq Tatiwe ma akuq wan kongphiq thun kra thüchang khok thun kra, jamkhii hai chang wa kra sumla thun ka apaiq raq akhutsai na sürii wantaq thun kra wiita kuqto.

1 KAÜWA WERAÜ 28:19

Hokhamwe Dawit raq nguto, “Arthun tsii chong arka Tatiwe apaiq raq ngi ma chong kuqtaq kra phan phan ahang sumla kriijaq waiqthüto.”

2 KAÜWA WERAÜ 13:14

Kiimaq Juda mungti raq tsangshiq tro na liito. Raüta tsangshiq ka re raq akom wan wishe chhito. Tsangshiq ka Tatiwe jaq wa khrum jaü hoq trangto. Kiimaq ramwebi raq paison lerong kra tsü trangto.

Tvtsvmc 104:24

Tatiwe lei, ümniiraq phanrap phanrii klolaü! Ümniiraq tsangshiq tarü pinthum phaqchi maq klolaü! Hiqraikhü ka ümniiraq atiiqhaü atra phan riili aphong along.

DUNGWVNC 35:30

Mosheq raq Israilnok ma nguto, “Tatiwe raq Juda phan wa Uri se Bejalel, Hur ma asaü kra tseato.

TAKSU LAK 1:4

Jamtsinhon makti kra jaqsham atsinwiqti ma tiijati, Jerobi ma howe minwe rilung lam shrinketi.

TAKSU LAK 8:5

Namshiq wepuqbi lei, maiqshaq ma ja rong liina; namshiq ka tsiihü shaqli shea? tsii she hum ronglaq.

ISAIA 28:26

Apaiq raq awak shamsea ka atsin, jamkhano ngukla Shiikeawe raq apaiq ma shrinkuqto.

Romans 11:33

Riita, ija, Shiikeawe chiithe ngutlaq arka, maiqse raq nü maq achong aphan lot mai jonghea siwan tlo! Apaiq raq taksu tsii nai anyan phaqchi rüm wan tlaq kriika, tsaühea! Apaiq raq phanrap thapthi wan tlaq kriika, juwero michong kuq wan lot? Apaiq jaqsham kaiwa lam kriika, juwero mitak wan lot?

Ephesians 1:11

Phanrap kiimung tlaq arka, Shiikeawe apaiq raq sürii tlaq nai thimi tlaq kra phanphan tiikutlo. Kiimaq Shiikeawe raq nashiq ka, Jesuq Khristo rai pumshi hanshi she tiija wantaq kra lümaq, asengi she nguta phumram kham maq bat wanto she. Arka apaiq raq man na rapha hiqwa niiphü athapthi wan wi she dongdii kra tiiku pi miitu she nashiq ara tsea wanto.

Ephesians 1:8

Apaiq raq ara nashiq ma athap athi min lotmai, atum atum maq tokuq wanto she! Apaiq anyan phaqchi tsaü rüm tlaq nai taksma phaqchi maq,

Ephesians 3:10

Arka, ümchaü pat akhing niishetiq, phungtuti lü miishetiq, ara apaü raüta athü arwan jaqsham ara, ra na siti munglangti, rasetiim raq, kiimaq ramungtan na siti ningkun rümti winji welabi riimin, Shiikeawe anyan phaqchi jonglu kriika, atinkhan dea nya nguta, misap wan laq ngutiishe, tiichhi kuq tlo. Arka, Shiikeawe ningkun ka phanrap phanrii jaqsham maq tiichhi kuq tlaq kra, tiisap wan miitu she chongkuqtlo.

Colossians 2:3

Khristo apaiq kli Shiikeawe taksma anyan phaqchi tum tsiiqtiip kilü tala diketi we, Shiikeawe taksma anyan phaqchi apaü raüta athü ka ümchaü sanha Khristo riishe kunkun tiichhikuq wanto.