TAKSU LAK 7:1 - ASII LAKDAP Bible (BSI)

¹ Ise lei, ibom chong ka tsan na tiitsang laq; kiimaq ara lang laüta silaq. Ümtiikiimin naq laqkiq.

Hawa Naga Bible 2001

¹ Isaz lex, ngaz rueq jungx phaungx kvjaz kuex rvwvl shuiuz, ngaz rueq mnoz muex tvshuimc vphaungx htenc kuex mkaq muinz nauk lauk kaz.

TAKSU LAK 7:1 Referencias Cruzadas

YOBA 22:22

Apaiq raq shrinkuq tlaq kra taolaq; apaiq bomtsi ka ümtsan mong na shaq laq.

TAKSU LAK 1:8

Ise lei, ümnyung nai ümwe tsii chong tsan na tiitsang laq.

TAKSU LAK 10:14

Taksu maiqse riika, nyan phaqchili saptsin wantlo; Shatmaq maiqjiq banbokti riika, tatso miniq ngushat.

TAKSU LAK 3:1

Ise lei ngi ümwe bom chong naq laq kiq, ngi raq chong tiikang kra phanphan shamlaq.

TAKSU LAK 4:21

Ara ümtsan mong wa naq tiimokiq, Ümmong jii na san laüta rüm laq.

TAKSU LAK 5:5

Apaiq raq ümniika, wulum mung niishe misheaho kiiphaü. Apaiq kaihochang lam ka, atsai kaichang lam na sheahotlo.

TAKSU LAK 6:20

Ise lei, ümwe aming wokhong na silaq, ümnyung bomchong ümtiikiimin naq laq kiq.

TAKSU LAK 6:35

Apaiq khushü tiijam kha na, kampho ümchu maq dok raü min, atsankhiq ka shimak phan miraq.

Luke 11:28

Kiijiishe, Jesuq raq, “Kra nam miika, jurwa Shiikeawe bomtsi ka tai raüta lang tlaq, kriiti ma kopan jonghea miraq!” nguta apaiq bom ka treto.

Luke 8:15

Tsamlai hiqngam ba na arokti ka ara. Maiq ümriiti riiwa, Shiikeawe bomtsi ka tai raüta, tsan mong na tiitsang dada maq rümtlaq, raüta thaq mak phan maq lang tlaq kra chongtlo. Raüta, atsi ango ka dong mantlo.”

John 14:23

Kiijiishe, Jesuq raq apaiq bom ka treto, “Jurwa ngi lungwii tlaq, kriiti ka i wokhong na, i bom chong ka phaqchii nichii maq tai raüta misi. I We raq apaiq ka kai milungwii. Kiimaq, i We nainai ka kilaita, apaiq rai adam na misi hai.

John 15:20

‘Dise ngutlaq kriika atijong we thaq na ajong ka riimak,’ nguta bom tiihap hong chong tlaq bomtsi ka ngi raq namshiq ma chong kuq pha she ihata. Tsangshiq raq ngi santla tiichamchao wantaq jiika, namshiq kiimin mitiichamchao wan dongdii. Tsangshiq raq i bomchong ka tai raüta lang wantaq jiika, namshiq bomchong kiimin mitai wan, raüta milang wan.

TRI CHONGKE 11:28

Kiimaq, namshiq raq ara aming thun ara jin lanta, laihin sumla phra thun, namshiq raq man na shomnoq man dongdii kriithun ka shomnoqho hanla, manson miho han.

Revelation 1:3

Kechu jonghea, jurwa ara lakdap ara phat tlaq. Kiimaq kechu jonghea, jurwa ara shammi bom chong, ara lakdap na ara tai tlaq. Raüta ara lakdap na waiqtaq bomtsi kra lang tlaq! Jamkhano ngukla arthun mra ara pin wan ma akhing ka ajeli she.

Revelation 22:9

Shatmaq, apaiq raq ngi ma chongto, “Ngi ka naq noqkiq. Ngi ka ümniinai, ümphu ümno shammibi kongti. Kiimaq ümchu riiwa ara lakdap na awaiq thü bomtsi ara lang tlaq, kriiti thun kongti. Shiikeawe kli shomnoq laq!”