TAKSU LAK 6:6 - ASII LAKDAP Bible (BSI)

⁶ Roknin riishinwe lei, saisiikong jamkho sitlaq kra liilaq.

Hawa Naga Bible 2001

⁶ Vduimz vyoz miqsaz htenc lex, sisawx lvmx kuex tvluingc aungx yaq.

TAKSU LAK 6:6 Referencias Cruzadas

TAKSU LAK 1:17

Wushi kaü raq chhishat na, chiiq chan raü ka mimin shea.

TAKSU LAK 10:26

Riininti ma ümjaq naq tiishamkiq, Apaiq ka ümniima miqshiitsi aphaq ikha miraq, kiimaq ümmak na wakhuk raq among ikha miraq.

TAKSU LAK 10:4

Roknin riishinti ka miitsan mitum phaq; Shatmaq minshiiq shiichaqti ka chiithe ma mija.

TAKSU LAK 13:4

Riininti riika ümtinkhan rit raü min, lapphaqsiq mak miraq. Minshiiq shiichaqti riika, phanrap phanrii milapphaq siq.

TAKSU LAK 15:19

Ümniika riinin jiika, ümriibana kihaü min, lam ka tangtaje miraq. Shatmaq ümniika tingting maiqse jiila, ümlam ka liitatat hea miraq.

TAKSU LAK 18:9

Ajaq sham mak, riininti ka abi pinthum, maiq tiithenti.

TAKSU LAK 19:15

Ahea na konsiq liina, pehü wiiko abum ikha; Shatmaq ümramtsi ma, amang raq mitsai haü.

TAKSU LAK 19:24

Maiq wiijamti ka riinin pinthum, adung min tsoqsiq tsümak.

TAKSU LAK 20:4

Roknin riishinti riika, jaqshamcho na ani thumak haisiqtlo. Kriikha na nanok tsamjut cho na, atsam jutseachang ahü.

TAKSU LAK 21:25

Roknin riishinti, jaq sham mak haiseati ka, maiqmii kli tsaiphaqtlo.

TAKSU LAK 22:13

Riininti raq akha ngutlo, “Chiiphai na hangsi kaü asi. Ngi ka lam wa mikaq!”

TAKSU LAK 23:19

Tailaq ise lei, laüta maiqshaq ma jalaq, laüta tsan tiitsi laüta, ümhon ümtsii kra jamkho rümtlaü, kra samheawiq shiwea laüta shinlaq.

TAKSU LAK 30:24

Mangjong hiq na atra phan phanblai asi; tsangshiq ka asham lümaq aransetiim. Shatmaq pinthum khonglaq.

TAKSU LAK 30:25

Saisiikong: tsangshiq ka akhüsetiim. Shatmaq rajuji na phaqsea miitu, tsangshiq tsamtiip thütlo.

TAKSU LAK 6:9

Riininwe lei, ümtincho na saüli wa mikon siqhaü? Akon wa ümtinchotiq wa mitiido haü?

ISAIA 1:3

Jam nyamsekong riika atati asap. Kiimaq kumtoq kong riimin atijongwe raq tsangshiq dung changba ka asap. Tsangshiq riika isenginok Israilnok raq Ngi saptlaq kriithaq na achan tsangshiq riimti ka saptlo. Shatmaq Israilnok raq Ngi ka akhiismin sapmak dongdii.”

JEREMIA 8:7

Rum wushi stok kong raq santla tsangshiq ka ümtincho na laü wan nong changwa kra akhing ka asap. Kiimaq haütaü kong, tsakklailu kong, kiimaq wukam kong raq santla tsangshiq ka ümtincho na laüho chang wa kra akhing ka asap. Shatmaq isenginok, namshiq riitiq nya ngi raq namshiq peng tiikang thung alai kra sap man.

Matthew 25:26

“Kiijiishe, ‘Ümnaq ara riinin. Laibi lati jaqshi se!’ nguta atijong we raq apaiq ka sonto. ‘Ümniiraq ngi asap haü riimak sha? Ngi ka i jaq maq wak shamki mang kriiwa, shamki kang nguta ngoti we; tsam ka jangki mang wa, jangki kang nguta jutsea wanti we?

Matthew 6:26

Rum na siti peshap wushi thun ka liimanta. Tsangshiq raq minshiiq wan mak. Shatmaq nam We ramungtan na siti raq tsangshiq ka dunghiq tlo. Namshiq rilung ka wushi rilung nam ma ara.

Romans 12:11

Namshiq ka howe minwe ma jawan lanta shongnga ronglaq. Roknin riishin miika naqja rongkiq. Tsantsii wiita kuq wan lanta, Shiikeawe jaq kra sham ronglaq.

Hebrews 6:12

Ngi raq namshiq ka, roknin riishin ma tiija ka romang. Shatmaq ngi raq namshiq ka, Jesuq ma kamti maiqsetiim dea nguta, kamasham lamphan na, jaqkhon tiipha tiipha maq siti ma jawan kra lungwii tiikang. Raüta, Shiikeawe raq mikuqha nguta, kiqkham raüpot khakuqtaq kongphiq kra lap wantiiti bi, kiikha namshiq min si ronglaq nguta tiitai tiikang.