TAKSU LAK 6:16 - ASII LAKDAP Bible (BSI)

¹⁶ Ngarai phantrok ka Tatiwe raq saisitlo, Ngarai phan miishi ngojati ka apaiq raq aphai riitlo.

Hawa Naga Bible 2001

^16-19 Yehowa rueq shuiuc yaq phvnx nuiyc nanx lot muq phvnx kuex phvnx mvshix httax yaq: kvruex kuex vngamc vngax htvlx phawc, vrot vkaq kvjaz jungx yaq tvlix, mvrax vguez miq thvy jix yauk, layx vbac phvnx tvnkhvnz yaq thuinz, honc bac yauk shuimc tvkoc lvwvnz yaq huk, vrot vkaq kvjaz jungx vtueq, vyaq hakhix khvmc jix waz, kungjix kamjix vdvmz dvmz hvlwvl nuex kuilc daz kuex tvpaungc jix htenc rvtueq.

TAKSU LAK 6:16 Referencias Cruzadas

2 HOKHVMX 21:16

Manase raq maiq pahea sepii tsat baiqto. Raüta Jerusalem chela chii heawea lam thun na maiq tiijai ka khamrai ma tiija wanto. Apaiq raq arthun maiq miisaq tan wantaq arka apaiq raq Juda mungti ka sumla phra phong shomnoq thiikho na tiidea baiq wantaq kra tiitsuq ma kloto. Raüta mungmaiqse ma Tatiwe makki na ngarai tiitangto.

YOBA 5:19

Apaiq raq ümniika tiijangkiki chamchao thiikho wa mitiichhii kuq;

Tvtsvmc 11:5

Apaiq raq maiqshaqti nai abi kloti ka maklii ashi maq konchontlo; tri jintibi ka apaiq raq tsan nai mongjii wiita maq shutlo.

Tvtsvmc 5:7

Shatmaq üm lungwiitsii jonghea kha maq ngi ka ümjam mong na walot tiikang; lata ngi raq asii üm Shomjam maq shomnoq tiikang kiimaq shreng lata bumtlii ümnaq noq tiikang.

TAKSU LAK 11:1

Tatiwe raq tok ajiq langti saisitlo, Shatmaq riikhaqli tok langti miika, achochi riitlo.

TAKSU LAK 11:20

Tatiwe raq ajiq hon atsii rümti saisitlo. Shatmaq tingting jaqshamti ka lungwiitlo.

TAKSU LAK 12:22

Tatiwe raq arot bom chongti aphai riitlo, Shatmaq maiqmii bomkham khaqkhaq thüti miika, apaiq kai chochi.

TAKSU LAK 17:15

Ashutwe ka atiihang raq, kiimaq maiqsangwe ka, ashut ma tiijabaiq photi ka, Tatiwe raq pinthum shutlo.

TAKSU LAK 20:10

Tok ajiq maq shin raüta, shati ka Tatiwe raq saisitlo.

TAKSU LAK 20:23

Tok ajiq maq shin raüta nai, kham ajiq maq kham raüta, hupsam shati ka, Tatiwe raq saisitlo.

TAKSU LAK 21:4

Abi maiqse ka laopha tsii nai shiikong tsii raq phaqtlo, kriika ngarai.

TAKSU LAK 3:32

Jamkhano ngukla ashut kloti ka, Tatiwe raq saisitlo. Shatmaq kechu maiqsetiim ka, apaiq tsan tlam chang.

TAKSU LAK 30:18

Ngi ma phantsam asi kra, chhilata wangtiikang; kiimaq phanblai ngojati ma, ngi amao riitiikang.

TAKSU LAK 30:21

Mang jonghiq na phantsam asi, kra dongraü jaq hiq ka atiikhai riitlo; phanblai ngoja dong raüla, hiq raq ninlot mak she.

TAKSU LAK 30:24

Mangjong hiq na atra phan phanblai asi; tsangshiq ka asham lümaq aransetiim. Shatmaq pinthum khonglaq.

TAKSU LAK 30:29

Phantsam atra phan asi; tsangshiq khum ka aliisea chang. Phanblai ngojati ka, maiqkha akii khumtlo.

TAKSU LAK 6:15

Arningkhan tsangshiq ka, tiihanghiiq miili miqchup mithen wan. Tsangshiq ka tiibitaq chamchao mirhum.

TAKSU LAK 6:17

Shiikong maklii, arot tili, kiimaq maiqsang tiitsea baiqti matwe,

TAKSU LAK 8:13

Tatiwe shreng ngutiikai ka, abi kiimung thun ka saisi raa. Ngi raq shiikong tsii nai khünga tsii ka saisi tiikang. Abi lamphan nai arot bomtsi kra saisi tiikang.

JEREMIA 26:15

Shatmaq namshiq raq ara bomtsi arka tsan na riikhaqli thü ronglaq: Namshiq raq ngi tsatbaiq han jiila, namshiq ajong alabi nai mungmaiqse ara chelati ka maiqse ashi khahü na tseabaiq wan kha na ngarai khabu she mihohan. Jamkhano ngukla, Tatiwe raq ngi ka namshiq ma ara honlam bomtsi ara chongkekai tiikito.”

AMO LUIK DVP (AMOS) 1:11

Tatiwe raq ngutlo, Edom mungti raq atang wan ngarai ma, hiq ma ra ma she tangwanto. Arningkhan ngi raq tsangshiq tiijoq mang. Jamkhano ngukla tsangshiq raq, tsangphuno Israilnok tiikot mrot joraüta, wiita tsat wanto. Tsangshiq tsankhiq wa maq, chaq wan ruq chaq wanto.

AMO LUIK DVP (AMOS) 1:3

Tatiwe raq akha ngutlo, “Siria mung nyungchong Damaskas chelati raq, atang wan ngarai homa, hiq ma ra ma she tang wanto, tsangshiq kha tiijoq mang maq mipho ha. Tsangshiq raq tri weahü, Gilead wangti jinshuk wi hea na tiichopto, Raüta tsatbaiqto.

AMO LUIK DVP (AMOS) 1:6

Tatiwe raq akha ngutlo, “Philistain mung wa Gaja chelati raq, atang wan ngarai homa, hiq ma ra ma she tang wanto. Tsangshiq kha tiijoq mang mipho ha. Jamkhano ngukla tsangshiq raq, maiq ka wiinoktam rewa shumwi ma tsuq wa raüta, Edom mungti jaq na di ma shaphaqto.

AMO LUIK DVP (AMOS) 1:9

Tatiwe raq ngutlo, “Tajar chela raq atang wan ngarai ma, hiq ma ra ma she tang wanto. Arningkhan ngi raq tsangshiq kha, tiijoq mang mipho ha. Jamkhano ngukla tsangshiq raq, siphu sino tongshong tri raütu wiita jin wanto. Raüta maiq hiqshong ashi wiita, Edomnok di ma shaphaqto.

AMO LUIK DVP (AMOS) 2:1

Tatiwe raq ngutlo, “Mob mungti raq atang wan ngarai, hiq ma ra ma tang wanto. Arningkhan ngi raq tsangshiq tiijoq mang. Jamkhano ngukla, tsangshiq raq Edom hokhamwe maa riirong ka, lam raüta wa na chaqto. Raüta wabun kiimaq tsangshiq jam loto. Kriika riikhiq ngarai tangto.

AMO LUIK DVP (AMOS) 2:4

Tatiwe raq ngutlo, “Juda mungti raq atang wan ngarai, hiq ma ra ma. Arningkhan ngi raq tsangshiq tiijoq mang. Jamkhano ngukla tsangshiq raq, Tati tri raü wiita jin wanto. Kiimaq tsangshiq raq, Tatiwe aming lang wan mak riito. Tsangtitiim raq phra sumla noq wanto, raüta lamjiq na shea wanto, kiikhiisii tsangshiq riimin phra sumla noq raüta, lamjiq na kihoto.

AMO LUIK DVP (AMOS) 2:6

Tatiwe raq akha ngutlo, “Israil mungti raq atang wan ngarai, hiq ma ra ma. Arningkhan Isengi Israilnok lei, ngi raq namshiq tiijoq mang. Tsangshiq raq thiitham kuqlot makti tingting maiqse, kiimaq hokkop pashi thiitham kuqlot makti, miitsan maiqsetiim di ma shaphaqto.

JEKERIA 8:17

Ashi raq ashi shiithen baiq lamlu ka naq klo rongkiq she. Rung maq atiitum lanta, arot saqse naqkuq rongkiq she. Jamkhano ngukla, ngi raq arot tili, kha ajiq photi, kiimaq matniq tsa-niqti ka shukhiq shutiikang.”

TRI CHONGKE 23:18

Kiimahali, akha mephe jaq sham raüta alap kampho ka Tatiwe üm Shiikeawe jam na sinkiitiq kiqkham honglu na kewan maimak. Tatiwe raq sumla phra shomjam na mephe jaqshamti ka kai saisitlo.

TRI CHONGKE 24:4

Akhli nguraü min, apha wa awese kriiraq kriinyung ka thongshi rom wan nong maimak she. Apaiq raq are nyung ka ashe she nguta tiima chang. Shatmaq apaiq raq are nyung ka thongshi hali la rom wan nong haüla, kriika Tatiwe makki na abi pinthum she miraq. Tatiwe üm Shiikeawe raq ümniima mung ashi kuqtlaq kiijaq akha ashut pinthum ngarai ka klo raamak.

TRI CHONGKE 25:16

Tatiwe raq maiq laoti ka pinthum saisitlo.

Revelation 21:27

Ashe ashi ngarai thun ka ara chela na tiinyap mak she miraq. Kiimaq, jurwa jeasi chang sham tlaq kiimaq jurwa arot akiq chong tlaq, kriiti thun ka ara chela na walot mak she. Ju mang wa Skuse atra rilung lakdap na waiqje asi, kriiti thun kli she ara chela mong na miwa lot.