TAKSU LAK 4:23 - ASII LAKDAP Bible (BSI)

²³ Üm tsan na jamlai wa tiima tlaü, kra miitu honkamshat riilaq, Ümtsan na jamkho tiima tlaü, kriiphan phan ümrilung ka mitiiq.

Hawa Naga Bible 2001

²³ Mnoz rueq kvmungx vshuiux lvmx rueq mrullungx kuex shvmx vrvmx tvdung kuq yaq ningkhvnc nuex, mnoz rueq kvmungx vshuiux lvmx yvmx khoc lac httax yaq nguinx kuex honc lvmz shuiuz.

TAKSU LAK 4:23 Referencias Cruzadas

2 HOKHVMX 10:31

Shatmaq Jehu raq Tatiwe, Israilnok Shiikeawe thungtri ka atsan atsii kunli kiinong kuq raüta lang wan mak dea riito. Kra rii na apaiq riika Jeroboam raq Israilnok ka ngarai lam na shunsheataq, kra lam kra khoti phanto.

TAKSU LAK 11:16

Shongnyung chaq nyung ka, maiq raq mishreng. Shatmaq ahon atsii ahü nyung ka, jeali mingaü. Roknin riishinti jaq niika kampho ahü, Shatmaq howe minwe ka chiithe ma mija.

TAKSU LAK 13:3

Stiq skhaq bomti khum tiikheshat. Nübok asi nguta banbokti ka, maiqmiili khlaq tlo.

TAKSU LAK 16:17

Tingting maiqse ka, ajiq na kaiho chang lam na khummak. Kra ningkhan, ümnü lam mo kitlaü kra liishat riilaq. Raüla üm miisaq mitiichhii haü.

TAKSU LAK 22:5

Joksaü liiqseti khum chang lam niika, shuk anyiq kiimaq thiikho pahea asi. Honkamshat maq siti ka, khum tiikheshat maq alu na sitlo.

TAKSU LAK 23:19

Tailaq ise lei, laüta maiqshaq ma jalaq, laüta tsan tiitsi laüta, ümhon ümtsii kra jamkho rümtlaü, kra samheawiq shiwea laüta shinlaq.

TAKSU LAK 28:26

Maiqmii raq tiimatlaq kriili, riikhaqli nguta siti ka angi. Shatmaq taksu bomchong langti ka, akhum tiikheshat misi.

TAKSU LAK 3:21

Ise lei, nyan phaqchi nai taksma tsii ka, pharang rang maq khon laq. Ümtiikii jiimin naq thaq kiq.

TAKSU LAK 4:7

Nyan phaqchi lap wan ka akhek pinthum; kriikha na taksu tsii tsin laq. Akhon wan tsii ka lap laq.

THARC TVLUINGC 5:13

Mangjong hiq na ngi raq phanshi abi pinthum chhi wan kang. Maiqse raq tsangshiq kampho ka jai na tsangshiq ma rongraa tlaq akhing miitu tek na saiqsam thütlo.

JEREMIA 17:9

“Maiqse tsantsii ka juro mikhon lot? Atinkhan laopha pinthum ka ahü; Arka ahealot chang riimak tsihea.

Matthew 15:18

Shatmaq maiqse nübok mong wa jamlai phan bomtsi wa dong tlaq, kriika maiqse tsan mong wa dong tlo. Maiqse tsan mong wa dong tlaq bomtsi kra raq maiqse ka Shiikeawe man na ashe ma tiija wan tlo.

Matthew 15:19

Akhek ka maiqse tsan mong maq dong tlaq tiima tsantsii abi rüm tlaq kra kata abi pinthum. Maiqse tsan mong na tiima abi rümtlaq kra riili she, maiqse ka matwe ma tiija tlo, maiqchak maiqse rai sra raüta, sipe ma tiija tlo, kiimaq junshüm riirüm sethoq sepii tiija tlo, ahuk arot ma tiija tlo, arot hakhi ma tiija tlo, maiq chongseati ma tiija tlo.

Mark 14:38

Kiimaq apaiq raq tsangtsam ma, “Achu jaü shiichaq rong laq. Maitai kho na dea jiiq. Namshiq wenyi riika achu jaüro, shatmaq han-ngam raq tang mak,” nguta chongkuqto.

Luke 6:45

Maiqshaqti riika, atsan mong na tiima tsantsii ahea rüm tlo, kiiwa athuk atsom bomtsi siisaq li bom tlo. Maiq abiti riika, atsan mong na tiima tsantsii abi rüm tlaq, kiiwa abom asa niimin, abi ati siisaq li bom tlo. Ara jamkhano chongtiikang ngukla, tsan mong na jamlai wa rümtlaq, kriika anübok maq bom tlo.”

TRI CHONGKE 4:9

Namshiq ka hon kamshat maq sironglaq! Namshiq raq maiqmii mak maq jamlai wa chhi wan lan thun kra, namshiq ka atra sitlan wiiwii, arka ümtiikiimin naqlaq rongkiq. Namsetiim ma kiimaq namsaütiim ma arthun ara chongkuq lili ronglaq.

Hebrews 12:15

Namshiq ka, Shiikeawe kaphap wokhong nyang wa, lamjiq na kiho man chang miitu, tsii lam shat maq si ronglaq. Namshiq phong wa, jumin akhap atsuwiq pechong ma, naqja rongkiq. Kra chong jonglu wan raüta, nanok miatsii baiq wan ka raa mak.