TAKSU LAK 4:17 - ASII LAKDAP Bible (BSI)

¹⁷ Mat niqkai ka tsangshiq ma dungpin, Tsaniq kai ka tsangshiq ma chekhap.

Hawa Naga Bible 2001

¹⁷ Layx vbac yauk shuimc nuiyc yauk laungc yalawx yauk shuimc kuex tsuingshiq tvkoc phuiuz vsvy juing ikhoc muex yaungx yaq.

TAKSU LAK 4:17 Referencias Cruzadas

Tvtsvmc 14:4

“Tsangshiq raq sap mak shea?” nguta Tatiwe raq waitlo, “Ara abi kiimungti kong ka tsang tsii ahü shea? Tsangshiq ka isenginok tek raüta tiidunghiq tlaq kata, kiimaq tsangshiq ka ijaq wa achu jaü mak phan.”

TAKSU LAK 13:2

Maiqshaqti raq athuk atsom bomtlo, Kra tsi ka apaiq riili phaq siqtlo. Shatmaq matsaü tsaseti riika, matniq tsaniq kli lungwiitlo.

TAKSU LAK 20:17

Maiqlao raüta alap wan tsiiq ka, aphaqsea ma asum wiq. Shatmaq atiisup na titong ma mijaki.

TAKSU LAK 9:17

“Ahuk arki kham ka anyang ma sumhea. Ahuk arki winsii ka aphaq ma sumhea.”

ISAIA 5:18

Namshiq ka miqlan she! Namshiq ka namshiq ngarai kharü mongwa donglot man she.

ISAIA 5:20

Namshiq ka miqlan she! Namshiq raq abi ka ahea ngutlan kiimaq ahea ka abi ngutlan. Namshiq raq ranyaq ka rawiili ma tiijatlan kiimaq ranyaq ka rawü ma tiijatlan. Namshiq raq akhapwiq phan kriika asumwiq ngutlan, kiimaq asumwiq phan kriika akhapwiq ngutlan.

JEREMIA 9:4

Maiq loweatek raq aphunowe ma honkam shatmaq sichang, Juwe riimin akongtiwe miika kamtsantsii thülot mak; jamkhano ngukla phunaino ümchu wa sitlaq ka Jakob ikha laopha maiqse siisaq, kiimaq maiq loweatek raq aphunowe chongsiqtlo.

Mikha 3:5

Isenginok ka shammibi raq laolii hoto. Shammi jaq maq keti miika, khu asang miraq nguta tam kuq tlo. Shatmaq jaqmaq kuqmakti miika, redong na mitsai han nguta shiikeng tlo.

Mikha 6:12

Nam mungti chiithe maiqse raq, miitsan maiqse ka, nanshanshan lao lü tlo. Namshiq tarü ajok aliiq siisaq.

Mikha 7:3

Tsangshiq tarü phusu sang siisaq. Mungtu shiilangbi, phowebi, wiita tsiiqlap seati siisaq. Amangchong ajongwe raq, apaiq raq jamlai wa rotlaq kra, tsangshiq adam kiq ri raüta klotlo.

JEPHANIA 3:3

Apaiq sengi aki miikiimbi ka, hangsikong ikha ahok aho watrangli. Aphowebi ka shekong aramtsi khumtlaq ikha, süramhea ngamrii ka, anap ranap miitu min tiichong mak she phaqtlo.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!