TAKSU LAK 3:6 - ASII LAKDAP Bible (BSI)

⁶ Phanrap sham akaitek na, Tatiwe rai riiwai laüta sham laq. Kra riihaü la apaiq raq, ümnii ma riikhaqli lam mitiichhikuq.

Hawa Naga Bible 2001

⁶ Mnoz rueq shuimx shuiux phvnx ruip saz maq Yehowa muex tvmaung shuiuz, ngoz ruiux yuq vpiq rueq vlvmx kuex mnoz muex tvkhic kuq kv-phux.

TAKSU LAK 3:6 Referencias Cruzadas

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

EJRA 7:27

Ejra raq Shiikeawe ka akha shomnoqto, “Nanyung nawe Tati Shiikeawe kli tiitsam rong i! Apaiq raq Jerusalem Shomjam ka shreng wan miitu ajong hokham tsantsii ka pinthum tiininja wanto.

NEHEMIA 1:11

Ümchaü ngi achu jaü ara trekuq laq. Kiimaq, ümjaqshisetiim ahinti ümmang shreng wantibi thun achu jaü tlaq kra tre kuq laq. Ngi ma ümchaü ranaiq tiihongkuqlaq ara hokhamwe man na achu jaütiikang ara!” Kiitinchoji, ngi ka hokhamwe jam na, apaiq ma che tsümketi luqkhap riikang.

NEHEMIA 2:4

Kiijiishe hokhamwe raq, “Riita ümchaü ümniiriika jam lai phan jaüro wa?” nguta ngi ma waito. Kiijiishe ngi raq sanseng ramungtan na siti Shiikeawe jaq wa achu jaükang.

NEHEMIA 7:5

Li jiimin, Shiikeawe raq itsan mong na atsi dada maq, ngi raq mungmaiqse thun ka, kiimaq tsangshiq khuthaq na welabi, kiimaq siihiipbi kra wiita adam na riitam hea raüta, ngongthun chang nguta chongkuqto. Raüta, tsangshiq ka ata ata maq, kaüwa weraü mangthun kra konchon rit raüta, awaiqthü chang nguta, tiidoto. Krai mren, ngi raq munglu wansha aphashaq shaq Jerusalem na laü wantiiti thun kaüwa weraü mang raüpot awaiq thü ka hum kang. Riita kra kaüwa weraü mang raüpot ka arthun ara riito:

Tvtsvmc 32:8

Tatiwe raq ngutlo, “Ngi raq ümniima mishrinkuq kang jamkha khum chang wa; ngi raq tsii michongkuq kang kiimaq midanhon kuq kang.

TAKSU LAK 11:5

Tingting jaqsham riika, mitting maiqse rilung tiiwongtlo. Ashutwe ka apaiq shut thiikho na dea watlo.

TAKSU LAK 16:3

Ümniiraq jamlai sham-akai wa sürii tlaü, Kra Tatiwe ma kiinong kuqlaq. Raüla ümniiraq jaqsham ka mi ong haü.

TAKSU LAK 16:9

Ümniiraq jaqsham ka mihang haü sham, Shatmaq Shiikeawe riitiq, jaqsham ka mithapthi kuq.

TAKSU LAK 23:17

Ngarai maiqse ka naqshukiq, rilung pattup Tatiwe ma, shreng manto tsantsii kli thülaq.

ISAIA 26:7

Tatiwe lei, ümniiriika maiqshaqti khum ma lam aheawiq tantlaü; tsangshiq khum chang lam ka lampii.

ISAIA 30:21

Namshiq ka tungphai lamphii na jaqtsi jaq pha na latho han jiila, namshiq jai nü maq apaiq raq akha ahea mitaihan, “Lam ka ahata. Ara lam phan phan khum ronglaq.”

ISAIA 45:13

Ngi raq Sairas tsantsii ka jaqsham miitu tiishaibaiqkang, Ngi raq thapthi kang jaqsham kra tiikuwan miitu kiimaq riikhaqli tiikuri wan miitu. Ngi raq apaiq khumchang lamtek ka rusansan mitanha. Apaiq raq ichela, Jerusalem kra mitiihea hai wan, kiimaq isenginok ka kharü mong wa midokda wan. Ara jaqsham miitu apaiq ma jurmin raikao tatmak dea; riimakla apaiq ma jurmin tsiiqlap kuqmak dea.” Arka Ajong Pinthum Tatiwe raq ngutlo.

ISAIA 48:17

Asii Israilnok Shiikeawe raq, Tatiwe namshiq chhiiti raq ngutlo: “Ngi ka Tatiwe namshiq Shiikeawe, namshiq ma ahea miitu shrinke lungwiitlo, raüta namshiq ka ümriilam na khumraüwa ahea miraq kiina shunshea lungwiitlo.

JEREMIA 10:23

Tatiwe, ngi raq asapha jurmin maiqmii ningthoi ka sap mak; jurmin maiqmii rilung ka riimlot mak.

JEREMIA 42:3

Tatiwe jaq wa nashiq Shiikeawe jaq wa achu jaülaq, apaiq raq nashiq ma nashiq ka ümnü na kai chang wa kra lam mitiichhikuq laq. Kiimaq nashiq raq jamlai phan klo chang wa kra mitiichhikuq laq.”

WEAWEA 9:20

Jangshishi ka phumda kaü ka Tombutiip khuthaq niika ranaiq naitsam miituli sitlo. Tsangshiq ka piitiip niili sichang lo, kiimaq alaü wan chang lo, Tatiwe raq aming kuqtlaq kra phan phan li tsangshiq raq klotlo.

1 Corinthians 10:31

Ahea na. Kriika riikhaqli ngutlaü. Ümniiraq dungsiq laü lo, phanrap ka Shiikeawe khushü tiijong miitu li phaqsiq ronglaq.

2 Corinthians 8:16

Titas ka naishiq rai kiqshi tsiimshi maq, namshiq khrum kuq tlaq kriikha maq, Shiikeawe ma pinthum kechu tum tiikai!

Philippians 4:6

Jamphan miitu min naq chapa rongkiq she. Namshiq ma jamlai phan wa raa tlaq, kra Shiikeawe ma, achu jaü maq chong ronglaq. Wranaiqshe, apaiq ma kechutum lanta, achu jaü ronglaq.

Colossians 3:17

Ümchaü sanha, namshiq raq, na We Shiikeawe ma kechutum tlan na, abom na kiimaq phanrap jaqsham tlan na, Jesuq Khristo mang niili she sham rong laq.

Colossians 3:23

Namshiq raq jamlai phan jaq wa sham tlan, phanrap na maiqmii tsantsii wiita kuq lanta, maiqse ma shamke riimak, Tatiwe ma shamke nguta tiima lanta sham ronglaq.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

1 SAMUEL 30:8

Kiijiishe Dawit raq Tatiwe ma, “Ngi raq rekong kra mijoho ha shea? Kiimaq ngi raq tsangshiq ka milokiha shea?” nguta waito. Kiijiishe Tatiwe raq treto, “Tsangshiq jai ka joho laq. Miloho haü. Laüta shumwikong thun kiimin mitiichhii wan haü.”