TAKSU LAK 3:3 - ASII LAKDAP Bible (BSI)

³ Iwokhong na ngi rai tiipum tlii laüta, tsapkapkap maq silaq. Itsii chong bomtsi ka lakshiitum ikha, ümdang na lak laüta silaq. Kiimaq ümmong jii na san laüta thülaq.

Hawa Naga Bible 2001

³ Menjenc thuinz nuiyc tvmtuing thuinz kuex mkaq muinz nauk gay kaz, kvruex kuex mduingx nuex luiuz taq ruiux, mthuinz vmungx nuex wuiyq tvtsuingc taq shec shuiuz.

TAKSU LAK 3:3 Referencias Cruzadas

2 SAMUEL 15:20

Ümniika arjaq rawii atsapseli silaü. Kra ningkhan, ngi raq ümniika ngi rai bashi na sheahoho ka jamkho mishun sheasiqha? Ngi ka ümriiba niiwa kitiikang, kra ngi raq santla sap mang. Kriikha na ümniika ümsenginok ümhiqshongti thun kra shea wan laüta, jang wan laq. Tatiwe raq ümniika apaiq mangchan wokhong maq kiimaq tsapkapkap maq mirüm laq.”

Tvtsvmc 119:11

Ngi raq üm tri raütu imong jüna shaq thü tiikang, arka ngi raq ümmak liina ngarai tang mang miitu.

Tvtsvmc 25:10

Apaiq tongshong tri wokhong na sitibi nai apaiq aming thun langtibi ka tsapsaü kapse nai lungwii tsantsii maq shunsheatlo.

Tvtsvmc 85:10

Lungwii nai tsapkapkap ka adam na mirhum; kechu nai hansang ka adam na mirpom.

DUNGWVNC 13:9

Ara poi lang wan tlan arka namshiq ma tsan na tiitsang wan miitu jaq na jaqkhaq raü apaq ikha riimakla nam khakam na phanshi ra atiipakuq ikha miraq. Ara poi klotlan ara lümaq namshiq ma Tatiwe Thungtri raütu kra riishrii maq phat wan nong miitu kiimaq atsaü maq sidi raüta phat wan miitu akhing lam wan ashi miraq. Jamkhano ngukla Tatiwe raq apaiq ningkun jonghea maq namshiq ka Ejip mung wa tsuq wanto.

DUNGWVNC 34:6

Raütiishe Tatiwe ka apaiq miki na lea wanto. Raüta akha riimto, “Ngi, Tatiwe ka, Shiikeawe pinthum mangchan tsii rümti kiimaq tsan tsihea maq mangchanti, mokhiq khiq mang phan, kiimaq lungwii tsii jonghea rümti kiimaq pinthum tsapkapti.

TAKSU LAK 1:9

Arka ümniima kampho jaqtop apa ikha tsomhea. Khali khuphok aphop ikha khushü jonghea.

TAKSU LAK 14:22

Nanok ma ahea jaqsham kuq haü la, shreng manto milaphaü. Kiimaq maiq raq ümniima mitlam. Shatmaq abi kiimung tlaü jiila, kriika ashut klo tlaü.

TAKSU LAK 16:6

Shiikeawe wokhong na, tsapkapkap maq silaq; raüla apaiq raq üm ngarai midiikuq. Tatiwe aming lang laüta silaq, ümniima abi mra saümak miraq.

TAKSU LAK 20:28

Hokham raq mung ka, tingting, riikhaqli, kiimaq maklii shi maq, peng raüla, apaiq ka hokham jaruq miraq.

TAKSU LAK 6:21

Nyungwe bomchong tsan na shaq laüta silaq, Lakshiitum ikha dang na lak laüta thülaq.

TAKSU LAK 7:3

Ngi ra tsii chongkuq tiikang ara, ümkhutsai na wranaiqshe thüshat riilaq. Laüta ümmong jü na waiq thülaq.

JEREMIA 17:1

Tatiwe raq ngutlo, “Juda mungti lei, namshiq ngarai raüpot ka jin kolom maq waiqthüto. Arka namshiq tsan mong na longseng kii asiwiq maq wat raüta namshiq tsan mong na waiqthüto. Kiimaq namshiq raq shomnoq wantlan berong-wacha tapshok rong thun kiijaq wat raüta waiqthüto.

Hosea 4:1

O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.

MALAKI 2:6

Tsangshiq raq riikhaqli lamphan kli shrinkuq wanto. Ajiq lamphan ka shrinkuq wan mak. Tsangshiq ka ngi rai tsanshi mongshi maq shongnga wanto. Tsangshiq maiqmii raq tingting jaqsham lamlam li ka riimak. Shatmaq nokmaiqse pahea ma abi, ashut jaqsham ka wiita tiithaq baiqto.

Matthew 23:23

“Namshiq ma phiiptsi chang jonghea asi, Thungtri shrinketibi nai Phorisinok le! Mongnam nok le! Namshiq raq Shiikeawe ma aroq khu wa alu atan kewan tsapkapkap maq, jurai liirai akhing na süse, tapan, pinchi cham tlaq kra thun ka wiita honglu na kuq tlan. Shatmaq Thungtri na chong tlaq akhek pinthum bomtsi, tingting tri raü sham, maiqse ma mangchan tsantsii thü wan kiimaq tsapkapkap maq jaqsham chang nguta chongtlaq kriika ashi ashe riiwan tlan. Namshiq raq ara chong tiikai akhek tri raü thun arka kai shiithuk shiitsom lanta lang lili riihan chang wa. Arthaq niitiq abi thun namshiq raq lang tlan kra sham wan han chang wa.

2 Corinthians 3:3

Namshiq ka Jesuq Khristo raq awaiq lak, naishiq lümaq atiiho sitlan. Riita, ara lak arka laktai maq awaiq ka riimak. Shatmaq, atra Sitiwe Shiikeawe Asii Wenyi maq awaiq. Arka longdam thaq na awaiq ka riimak. Maiqse mongjii na awaiq.

Ephesians 5:9

Ara chongtiikai rawü li raq, phanrap lam na, athuk atsom, kechu jaqsham, kiimaq tingting rilung tsi ka, tum akhiiq ama tiishowo kuq tlo.

TRI CHONGKE 6:8

Arthun ka ümjaq dang na paq shat thülaq. Kiimaq tsan na tiitsang miitu ümkhakam na pashat riilaq.

Hebrews 10:16

“Rawiichii akhing na, Ngi raq tsangshiq rai tong mishong ha. Lata, ngi raq I thungtri ka, tsangshiq khutsai na miwaiq kuq ha.”