TAKSU LAK 28:8 - ASII LAKDAP Bible (BSI)

⁸ Jurwa kampho tiinam raüta, akheng atsinwiq jaütlaq, raüta apaiq ka chiithe ma jatlaq, kriiti tsiiq ka, miitsan maiqse mang chanti, jaq niishe mikiho.

Hawa Naga Bible 2001

⁸ Tvnvmc kuq vtueq vlap kvmaq miqmac tsak vnyvmx tvpaungc jix waz piq tsak vnyvmx kuex, htemc saz jix muex menjenc kuy jix waz tvkoc yoalc tvy dvyx yaungx yaq.

TAKSU LAK 28:8 Referencias Cruzadas

2 SAMUEL 12:6

Apaiq raq atinkhan ajiq haihiito. Apaiq raq ümchuwa lamtaq kra thaq niimin manblai na tliip raüta thamke ratlo.”

Tvtsvmc 72:13

Apaiq raq ümkoq ümphaqti nai miitsan miijanti ka mangchantlo; apaiq raq alit akotti thun chhiikuqtlo.

DUNGWVNC 22:25

“Ümniiraq isenginok miitsan maiqse ashi ra ma kampho tiinam kuq raüla, kampho tiinamti laopanwe ikha naq jakiq. Kiimaq apaiq jaq wa amet naq jaükiq.

TAKSU LAK 13:22

Maiqshaqti riika asaü asetiim ma, tachong hupsam thüthütlo. Shatmaq ngarai maiqsetiim tsiiqtum ka, kechu maiqsetiim jaq na saüwatlo.

TAKSU LAK 14:21

Khoqriiq shishiiq si lungwii tlaü jiila, miitsan maiqse kra khrum laq, Maiq ma saisi ka ngarai.

TAKSU LAK 14:31

Miitsan maiqse haihiiti ka, tsangshiq Phansangtiwe shummiitlo. Shatmaq miitsan maiqse, khrumti ka tsangshiq, Shiikeawe shomnoqtlo.

TAKSU LAK 19:7

Miitsan maiqse khrumti jumin ahü; aphu anotiim riimin wiita tiishaütlo. Chiihong chiiha rit raü min, akhrumti ahü.

THARC TVLUINGC 2:26

Shiikeawe riili, apaiq tiichochiti ma, taksu tsii, kiimaq anyan phaqchi, kiimaq khoqriiq shishiiq rilung shiiman kuqtlo. Shatmaq apaiq raq ngarai maiqse miika, jaqsham minshiiq na tiihun niitlo. Raüta tsiiq nai nyamtum riichom raüta tiitotlo. Raüta kra tsangshiq tsiiq tum ka apaiq tiichochiti ma kuqtlo. Arthun arka atuli. Rahai jaijoli.

EJEKIEL 18:13

Kiimaq apaiq raq kampho ka maiq ma aliip miitu tiinam kuqtlo. Raüla apaiq ka atra misi sha? Simak. Apaiq ka rilung alu simak miraq. Jamkhano ngukla, apaiq raq arthun maiqphai asi jaqsham thun klo wanto. Kra ningkhan apaiq ka atsai miraq. Apaiq tsaitlaq kha ka apaiq riili miho phaq.

EJEKIEL 18:17

Apaiq raq abi klomak phan. Kiimaq kampho ka aliip miitu maiq ma tiinam kuq mak. Apaiq riika itri raütu thun kra thütlo, raüta ngi raq akuqha aming thun wokhong na sitlo. Krai mren, apaiq ka awe ngarai ningkhan tsaimak miraq. Tengteng, apaiq ka atra misi.

EJEKIEL 18:8

Apaiq raq maiq ma kampho ka amet lap miitu tiinam kuq mak. Kiimaq apaiq raq kha phokuqtlaq na abi klomak phan kiimaq kha ka tingting kappe maq shin raüta phokuqtlo.

LEWI 25:36

Apaiq jaq wa amet ka naq jaükiq. Shatmaq Shiikeawe aming kra lang laq. Kiimaq ümkongtiwe Israil phan ka ümjamtho na tiisilaq.