TAKSU LAK 28:1 - ASII LAKDAP Bible (BSI)

¹ Abi maiqse ka apaiq khuiti, jumin ahü taü maq, tsaihü jihü ahaisitsi ma paü wantlo. Shatmaq kechu maiqse ka, hangsikaü ikha akhiismin haimak sitlo.

Hawa Naga Bible 2001

¹ Layx bac jix kuex tsuingshiq yurc jix vguez rvhvt maq yuz wuez yaq, yuq muinz vtsuing vrux jix miq kuex hangsic ikhoc khvmc yaq.

TAKSU LAK 28:1 Referencias Cruzadas

1 HOKHVMX 1:49

Kiijiishe Adonija raq wanwe tiiheataq thun ka tsanghaisi latlat she riito. Raüta tsangshiq tarü ka tiido rang raütiishe maiqmii lampu rit she pin wanto.

2 HOKHVMX 7:15

Krai mren, kra tsasoq watibi ka Jordan rai na saüli phanho raüta liikito. Raüta tsangshiq raq kra lam na lam wiilülü na Sirianok raq tsangshiq aju lam maq lam na amiimbaiq rat thü khu akhea phong kiimaq laihin hupsam rekhat chang hupsam abaiqthü thun kra chhito. Raütiishe tsangshiq ka jang wan raüta hokhamwe miishe tsütsa ka chong wanto.

NEHEMIA 6:11

Kiijiishe, ngi raq trekang, “Ngi ka akha tiipaü raüta juraitiwe ka riimang. Ngi ka maiqmii khum tiichhii phaq Shomjam mong na tiipaü ngatiwe ngutiishe tiima tlaü? Ngi ka kiikha tiipaüti ka riimang.”

YOBA 15:21

Anibok niika phiiptsi jiiptsi gisii trang krii li mitai, kiimaq apaiq ka hansang sitiikang angu bala niili thiimeaq kong raq apaiq ka milong wan.

Tvtsvmc 112:7

Apaiq ka abi tsütsa tai raümin haimak; Apaiq kamasham ka pharang rang, kiimaq apaiq ka Tati ma kamtlo.

Tvtsvmc 53:5

Shatmaq tsangshiq ka phiip riishe mitsai, kiitin khan chamchao ka tsangshiq raq jangshi min riihum mak shaq, Shiikeawe raq asengi jaqtinok rok arii thun ka awan mirbaiq. Shiikeawe raq tsangshiq ka no na tsuqbaiqto she, krai mren Israilnok raq tsangshiq ka khat raüta tiinamtok mitang

Tvtsvmc 53:6

Ngi raq kai achu jaütiikang Jajon raq Israilnok rekhat mitiitangkuq laq nguta. Israilnok ka ümtiikiiwa Shiikeawe raq chiithe ma mitiija nong raüla tsangshiq ka pinthum michochi!

DUNGWVNC 11:8

Raüta Mosheq raq bom ka akhiishe tiisupto, “Ümsengi ajong alabi thun ka ijichong na waraüta hiq na bum raüta ngi minoq wa. Kiimaq tsangshiq raq ngi nangnga inok ita phan tlotli ka tsuq wantlo laq nguta mitiipaiq nea wa. Kra jai miishetiq ngi ka miwa wanha.” Kiijiishe Mosheq ka akhiq khiqshii miishe hokhamwe khaki wa wanto.

TAKSU LAK 10:9

Tingting maq siti ka khup wong shat, ahaisong chang ahü. Shatmaq ajiq aphiq kloti ka, maiqmii thiikho niili midea wa.

TAKSU LAK 27:27

Kiiwa tiichongtlaq chhechhi kong, nyakpü ka ümniima nai ümjamti, kiimaq ümjaqshisetiim jechaksere, dunghea miitu hongli miraq.

ISAIA 30:17

Namjaqtinok rewe weshi kra chhilantli, namshiq phong wa phenlabi hingshi kra mipinhan. Kiimaq rewe phenlabi webiingi kra riili namshiqnok phenlabi ka kunli tiisiirai mitiipinbaiq. Namshiqnok phenlabi ka jai na weshi min tiichong mak mipin. Hiqlam na tanglap shamtiwe kra lamlam li she mitiichongki!

ISAIA 7:2

Riita ümtiikiiwa Juda mung hokhamwe raq Siria mung phenlabi ka Israil mung hiqrai niishe saühoto nguta tsütsa ka taitaq, apaiq nai asengi mungmaiqse tlotli ka pinthum phiip ajiip raq tsaito. Raüta rahai wan raüjaq pero jam kho tiibai wantlaq ikha tiikhaito.

JEREMIA 20:4

Tatiwe apaiq raq nguto, ‘Ngi raq ümniika ümniima nai ümkongtibi ma phiiptsi jiiptsi mitiijabaiqha. Kiimaq ümniiraq tsangshiq ka tsang jaqtinok raq nepja maq wiita ajiipbaiq wan kra michhihaü. Ngi raq Juda mungti kunli ka Bebilon mung hokhamwe jaqkhon mong niishe mikuq baiqha. Apaiq raq mungmaiqse wiijam ka munglu shumwi kong ma tsangmung na mitsuq wan. Kiimaq mungmaiqse wiijam ka re raq mijiipbaiq.

LEWI 26:17

Ngi ka namshiq ma wesang miishe mijakiha. Krai mren namshiq ka re raq khat raüta mitang. Krai mren namshiq ngengtinok raq namshiq khuthaq na nga raüta mung ka mipeng. Namshiq ka phiip ajiiptsi raq tsai lanta, maiq raq ajo wanti ahü li ngu raü min namshiq ka tsaihü jihüshe miju han.

LEWI 26:36

“Ngi raq namshiq ümchuwa pongmung na munglu shumwi ma atsuq wanti thun ka pinthum tsaihü jihü mitiiphiipha. Rahai raq chhijaq nyiipji tiime raümin namshiq ka haisitsi ma aju mirhan. Namshiq ka re raq rekhat na joraü jaq jutlan ikha miju han. Kiimaq namshiq tho na re ka ahü li jiimin namshiq ka akü alii miju han.

Acts 14:3

Kiimwe nai ka kiijaq rahiq luhea sito. Raüta, Tatiwe tsütsa ka achaq awaq maq nokmaiqse ma chongkuqto. Krai mren, tsangnai raq Tatiwe kaphap mangchan bomchong tlaq kriika, tengteng dea chongtlo nguta atai wantibi ma tiichhike wan miitu, Tatiwe raq tsangnai ma awang chang nai amao chang jaqsham miitu ningkun jonghea kuqto.

Acts 4:13

Ngongwebi thun welabi raq, Petar nai Johan ka thungtri saptsin wanti, tsüwe tsitwe min riimak, shatmaq ahai asong jam min ahü maq, tsangshiq man na, bom chongke kra chhi raüta, amaorai li she riito. Kra taksma bomtre kra chhi raütiishe, tsangshiq raq tsangnai ka Jesuq rai kongshi maq siwan damti kha maq, kiitin khan asung saptsin wantlo nguta bom ka tak wanto.

TRI CHONGKE 28:25

“Tatiwe raq ümniika ümjaqtinok ma tiikhat raüta mitiitang. Ümniiraq tsangshiq ka lamshi maq wa laüta mikhat haü. Shatmaq ümniika tsangshiq hai ma lamrap miishe miju haü. Kiimaq ümnaq thum rai laü kra chhi raüta, mangjong maiqse kunli ka phiip raq mitsai.

TRI CHONGKE 28:7

“Ümtiikiiwa ümjaqtinok raq ümniika longtlaq, kiitiikaq Tatiwe raq ümjaqtinok ka mitiitangkuq. Tsangshiq raq ümniika lamshi maq wa raüta mikhat wan. Shatmaq tsangshiq ka ümpha wa lamrap miishe mipintrang.

1 Thessalonians 2:2

Naishiq ka namshiq phana, Thesalonia chela na misaü wan hai shaq niiphü, Philipia chela maq, Tsütsa Ahea chongke wan kha na, maiqse raq pinthum ngeng raüta, tiitsü ngii wanto, kiimaq shummiito, kra tsütsa ka namshiq raq atai wishe dongdii riilan. Kiimaq naishiq ka namshiq phana saü wan kai akhing niimin, Tsütsa Ahea chongke lam kra tangtati, maiq ka pahea asi riito. Li jiimin, Shiikeawe raq naishiq ma ningkun kewan kha maq, Tsütsa Ahea Shiikeawe apaiq nübok wa adong bomtsi kra, namshiq ma chongkuqkai.