TAKSU LAK 27:4 - ASII LAKDAP Bible (BSI)

⁴ Maiqse tsankhiq ka abi, phanrap shiithen baiqtlo. Shatmaq makshu rashe tsii ka, henghea pinthum she.

Hawa Naga Bible 2001

⁴ Thuinkhvy thuinz kuex mvnhttonc mvntvmc nuiyc tvbac gay rvtueq, yuq muinz khelric bac thuinz maq tvbac gay yaq kuex tv-ngvlc lot miq laz juing songx hvlc rvtueq.

TAKSU LAK 27:4 Referencias Cruzadas

RAPHA HIQWA LAK 26:14

Apaiq jaq na nyamse sku kong kiimaq minsaü kong kiimaq ajaqshisetiim kong pahea she riito. Kra ningkhan Philistainnok ka apaiq ma makshu rashe she riito.

RAPHA HIQWA LAK 37:11

Joseph phutiim ka apaiq ma makshu rashe she riito. Shatmaq awe riika kra taiku rawa ma bom kra rashi hiq wea tiima shat maq sito.

RAPHA HIQWA LAK 38:9

Shatmaq Onan raq asap anyi-chhi nyung tsangnai setiim ka apaiq rii ka riimak. Kra ngomaq ümtiikiiwa apaiq anyi-chhi-nyung manti-nyung rai haingatlaq, alai ka hiq na raübaiq baiq lili riitlo. Krai mren aphu wulumwe rii asetiim ka ahü miraq.

YOBA 5:2

Maiq ma khiq ma batbu rai laüta, tsankhiq tsi ma tsaisea kriika angi nola tsantsii.

TAKSU LAK 14:30

Tiima tsantsii khangriri maq siti, khum asai ka nyeajokjok hea. Makshu rashe siti ka, ariitsai na anam ikha.

TAKSU LAK 27:3

Longkaü ka alaiq wiq, kumtsai kiimin lai hea, Shatmaq arthaq niimin, maiqjiq we raq tsan tiikhiq tlaq, kriika laihea she.

TAKSU LAK 6:34

Apewe tsankhiq ka walü wa ikha miraq, kiimaq apewe raq ajaqtiwe jam ka midaqki.

ASHICHONG 8:6

Ümtsantsii maiq ahin ma naqkuq kiq, kilü wiita ashaq riilaq, Ngi arli she ümkhuk na pom wantlii riilaq. Ümlungwii tsamkü walü ikha, ümnaq ro raq ngi ka ahaüshe ahata, Arka tsekhi wacha kü tsi ikha, walü wa heng hea.

Matthew 27:18

Pilat raq ara bom waiwantaq arka, Jehudinok welabi raq, tsangshiq makshu tsi ninlot mak kha maq, Jesuq ka lap raüta apaiq rung na shokto nguta asap. Kriikha maq, apaiq raq tsangshiq ma ara bomtsi waito.

Acts 17:5

Shatmaq, Jehudinok raq kra chhi raüta, Paul nai Silas ma ransu ranchang she khiq wanto. Tsangshiq makshu tsi ka nin lot mak she kha maq, tsangshiq raq mangtang maiqse kong pahea pantlat na haiseati kong kra thun ka adam na tiithung raütiishe, tsangshiq min nong shnong miishe, tatso wiinyi makjaq kharong riinam nam she gitrang wanto. Tsangshiq raq chela na siti mungmaiqse thun wiita she tiibrak shaq baiqto. Raüta, Paul nai Silas ka lap raüta, mungmaiqse rung na tiichap wan haijaq nguta, tsangnai rit lam maq, maiq weshi amang min Jason nguta kriiwe jam kriishe long wanto.

Acts 5:17

Arthun ara chhi raütiishe, Ramwe Ajong Pinthum we nai akongtibi kiimaq, kiiwa nokti Sadusinok phung raq kiimwebi ka pinthum makshu rashe miishe shulii wanto. Krai mren, tsangshiq raq kiimwebi ka atiichamchao chang ngutiishe bom ka riichongto.

Acts 7:9

“Jakob setiim raq, tsangno Joseph ka kai shuliito. Kriikha maq, aphutiim raq tsangno ka maiq ma shaphaqto. Maiq riishe hali, apaiq ka Ejip mung na, maiqdi ma shaphaq baiq nongto. Shatmaq, Shiikeawe ka apaiq rai asi riito.

Romans 1:29

Tsangshiq tsan among ka phusu tsii, tha kaü tsii, sükha tsii, kiimaq atiibi baiq wan tsii riili she ama sitlo. Tsangshiq tsan among ka, arshulii tsii, sho tsii lumtsii, arlongliiq tsii, laopha tsii, kiimaq maiq chong sia tsii riili she ama sitlo. Tsangshiq ka shapshaü miqshii panli.

1 John 3:12

Nashiq ka Kain ikha siwan ka raa mak she. Apaiq ka aphaji miiphü Abi we kra ngam napti we dongdii. Kriikha miitiina, apaiq raq achhüthiq ano shaq, Abel ka tsat baiqtaq. Kain raq ano ka jamkhano tsat ta? Kain raq ano Abel tsattaq kriika, apaiq jaqsham ka ashut, ano jaqsham ka tingting. Kriikha maq, apaiq makshu tsi ninlot mak kha maq, ano ka tsat baiqto.

1 SAMUEL 18:9

Krai mren, apaiq raq Dawit ka shuhoto kiimaq kra ranaiq miiphat she apaiq khuthaq na atsan tiikanhoto.