TAKSU LAK 27:22 - ASII LAKDAP Bible (BSI)

²² Maiqjiqti ka sintsang maq hihut tsat raü min, atsii ka chhimak miraq.

Hawa Naga Bible 2001

²² Miqyaq jix kuex thueyc khvmkhvmz thvt vtueq tvtharc ruiux muinz, piq yoay ngaz yaq kuex yurc gay lot miq.

TAKSU LAK 27:22 Referencias Cruzadas

1 HOKHVMX 13:33

Israil mung Hokhamwe Jeroboam raq apaiq abi ngarai lamphan tlaq kiiwa atsantsii ka klai mak dea riito. Krai mren apaiq raq laihin phra shomnoq chang berong-wacha thun haiwantaq kiijaq ramwe jaqshamti ramwebi ka miinan joli maiqse wiili shong wan lili riitlo. Apaiq raq ramwe jaqshamti ka jurwa ramwe jaqsham rotlaq kriiti ka ashong wan ngulili shongto. Raüta tel maq tiibok nyukto.

DUNGWVNC 12:30

Kra rawa, hokhamwe, kiimaq asengi ajong alabi thun kiimaq Ejip mungti mungmaiqse kun kun ka akon wa samto. Ejip mung tlotli na maiqho siitrang wa li she hoq trang wanto. Jamkhano ngukla ase tsaimak dea maiq jam ka jamshi min ahü riito.

DUNGWVNC 14:5

Riita Ejip mung hokhamwe ma Israilnok ka laü wanto she nguta chongkiita, apaiq nai asengi ajong alabi raq tsangshiq tsantsii ka aklai she riinongto. Raüta tsangshiq liipan na akha riingoto, “Nashiq raq ara jamlai wa riikai? Nashiq raq Israilnok ka tiijubaiqkai she. Kiimaq tsangshiq ka nashiq dikong wa sumphaq kai she ahata!”

DUNGWVNC 15:9

Rewe raq nguto, ‘Ngi raq tsangshiq ka mijoha lata milap-ha; Ngi raq tsangshiq tsiiq tum milapha, kiimaq ngi raq aroro milam wanha; Inepja michat ha, lata tsangshiq hupsam wiita milamhoha.’

TAKSU LAK 14:24

Taksu maiqse ka tsiiqlap nyamkapti, angok angiti ka jangi wan wan li miraq.

TAKSU LAK 23:35

“Tsangshiq raq ngi bukto sham,” nguta mingu haü. “Tsangshiq raq ngi teato sham, shatmaq tiitsang mang she. Tiidolot mang jaro? Abi ri anyangha chang.”

TAKSU LAK 26:11

Hikaü raq aphai mesiq tlaq ikha, angok angiti riimin la, thongshi hali shutki nongtlaq.

ISAIA 1:5

Ümniiraq ikiq khü wanli she ka jam nguto sruriitlaü? Riita ümniiriika imo ka arthaq niimin laihea howan sha rotlaü? Israil loi, ümkhupo niika ümchaü sanha ami atsi phongli she. Kiimaq ümtsantsii nai ümkhutsai ka wiita atsi makaiq she.

JEREMIA 13:23

Maiq ngamnyaq phanwe raq apaiq sham ka miklai lot shea? Kiimaq chiqwaiq kaü riika akhum wa awaiq thun kra mitiimobaiq lot shea? Kra nguraü kla ngohea dea namshiq akhnok abi thaq niimin abi pinthum ngarai klo wantinok riimin, riikhaq tingting jaqsham kra misap wan han wa.

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

1 SAMUEL 19:21

Saul raq kra tsütsa ka taito. Raüta asengi maiq abi hali tiiki nongto. Kiimaq tsangshiq thun kriimin wiita hali wiinum neato. Kiimaq agilülü siitrangto. Apaiq raq tsütsa chongti ka kongtsam ngojashe hali tiiki nongto. Shatmaq tsangshiq tarü ka kongkhu lak wa kong kitaq kiikhiisii hali riito.