TAKSU LAK 27:12 - ASII LAKDAP Bible (BSI)

¹² Khonglaqti riika akhaki na, jamlai wa saü wan tlaq kra achhi. Krai mren, apaiq ka atiipaü ngaki tlo. Shatmaq maiqjiq angiti ka alam, liimak maq ki raüta, maiq thiikho na dea watlo; Raüta tiishudaq tlo.

Hawa Naga Bible 2001

¹² Tvmaung rvwvlc thuinz vhttax jix htenc kuex httuiuc wvnc yaq wawc kuilc daz kuex tvluz nuex tuiuz yaq, yuq muinz kvruex koayc gay ruiux muinz yvmx muinz tvmaung raung muq waz kuex kvyuq nyuip waungc yix jix rvwvlc humc yaq.

TAKSU LAK 27:12 Referencias Cruzadas

TAKSU LAK 18:10

Tatiwe ka, nganghea kongmong chong ikha; kechu maiqse tiiwong juchang, haihü songhü angasea ma.

TAKSU LAK 22:3

Maiqshaqti riika akhaki na, jamlai wa saü wan tlaq kriika achhi. Raüta honlamshat maq tiipaü ngaki tlo. Shatmaq maiqjiqti riika, alam liimak maq kiraüta, maiq thiikho na dea watlo. Raüta biiphaqtlo.

TAKSU LAK 27:11

Ise lei, maiqshaq ma jalaq; laüta ngi tiichochilaq. Raüla jurwa ngi chongsiq tlaq, kriiti kiq ngi raq mikhiilot ha.

TAKSU LAK 27:13

Wanwe thiitham mitham kuqha, nguta kiqkhamketiwe, tachong hupsam ka, khachongwe raq thiitham miitu, lamho raü min kha ahü.

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Hebrews 11:7

Nowaq raq Shiikeawe ma kamtsantsii thü kha maq, Shiikeawe raq apaiq ma mak maq michhi shaqli, jai na saüho chang rathup jüjang tsütsa chongkuq taq kra taito. Raüta, apaiq raq Shiikeawe aming maq, laikaü ashi tato. Kra laikaü na ngawa raüta, apaiq nai achak ase tiim ka rathup jüjang mong wa tiichhiito. Krai mren, apaiq rilung na jaqsham wantaq kra lümaq, phiijawa ka shutto dea nguta, shra baiqto. Kiimaq Shiikeawe raq Nowaq dea kechu maiqse nguta pong na, rairiito. Arka apaiq kamtsantsii thütaq kha maq, Shiikeawe raq raikuqto.

Hebrews 6:18

Riita, arjaq chongtlaq, bomtsi ka anai. Shiikeawe raq mikuq ha nguta kiqkhamtaq kra nai apaiq raq sinkhamtaq bomtsi anai kra riito. Shiikeawe bomkham ngutlaq kriika, ümtiikiimin poiki mak phan. Krai mren, nashiq apaiq wokhong tiiwong na sitiikaitibi miika, tsailam jilam she sitiikai. Kiimaq nashiq raq alap chang sitlaq kriika, milap rong i dongdii nguta, ran tiikai. Laita kamto maq khe tiikai.

2 Peter 3:7

Kiimaq ümchaü ara ra thun nai mangjong hiqdiim sitlaq armin, Shiikeawe aming ningkun maq sii hali shiikum pan raüta rüm tlo. Armin ranaiq shishi ka, wa maq tiikhiim chaq raütiishe shiithen baiq wan miitu rüm tlo. Riita ara ra nai hiq ümchaü Shiikeawe raq rüm tlaq arka, jai maq Shiikeawe lamphan sapmakti abi maiqse thun ümchuwa sitlaq kriikha phokuq tlaq akhing na tiinamtok thaübaiq wan miitu rüm tlo.