TAKSU LAK 25:2 - ASII LAKDAP Bible (BSI)

² Apang raüta hupsam thütlaq kra, Shiikeawe khushü; Kra liichum chongke ka, hokhamwe khushü.

Hawa Naga Bible 2001

² Tishox rueq shuimx wvnc tueq yauk shuimc kuex thuiuz sungx hvlc ningkhvnc nuex, vpiq tvtsanc nganc vshix; tsuinghez rueq jungphvnc kuy ningkhvnc nuex hokhvmx bix muex naungshiq rueq tvtsanc nganc vshix.

TAKSU LAK 25:2 Referencias Cruzadas

2 SAMUEL 1:5

“Saul nai Jonathan ka tsaito dea nguta ümniiraq jamkho sap laü?” nguta Dawit raq apaiq ma wainongto.

2 SAMUEL 14:19

“Ümniima ara bom tiichongkaiti ka Joab riishea tiikita?” nguta apaiq raq kriinyung ma waito. Kriinyung raq treto, “Ngi raq asii tri raütu sham lata tiitum tiikang, Chaü lei, ümbom tre hümiika hang lot mang. Riikhaqli tengto, kriika ümjaqshise siihiipwe Joab raq jamlai riichang wa kiimaq jamlai chong chang wa kra ngi ma achongkuq.

EJRA 4:15

Ajongwe lei, ümniiraq ara chela manphan ka, man na pat na ümti ümwe raq munglang wantaq manphan lakdap kiijaq samhea konchon lii wan miitu aming kuq laq. Kra ritkot wan raü jiila, manphan lakdap na awaiqthü kiiwa, ara chela arka ümsmiiphü abi chela dongdii. Kiimaq hokhambi wokhong na siwan mak phan mungshuk wanti dongdii nguta michhi haü. Ara chela arka Hokhambi kiqkhii wan sru riiwanti ashi. Kiimaq ara chela na siwanti Jehudinok phan ngutlaq kriika ashpuq wan miimin habi pinthum nguta michhi haü. Tsangshiq ka akha hokham wokhong na siwan mak phan kha maq, man na redong akhing ashi na ara chela ka shiithen baiqto.

EJRA 4:19

Ngi raq aming kuq lata, man niiwa manphan lakdap thun kra konchon liikang. Riita, manphan jiiche lakdap thun kriiwa Jerusalem chela ka hokhambi wokhong na simak phan, hokham jaqkhong wa dongho miitu mat atsa tiidong kiimung wanti dongdii. Hokhamwe raq mung peng wan na mintsa tiipa kewanti.

EJRA 5:17

“Riita, ümchaü min, Ajongwe Chaü lei, ümniiraq ahea nguta thimi wan tlaü jiika, Bebilon mung hokhamwe jam na athü wan, man niiwa manphan jiiche lakdam kom thun kiijaq konchon nong laüta liiwan raü jaq ahea. Raüta ara chongtiikai hokhamwe Sairas raq Jerusalem wa Shomjam kra hai wan nong miitu, aming kiq tiidea tiidea shea, tiidea mak dea wa, kra tiitsangrii wan raüjaq ahea. Laüta ara chongtiikai Shomjam tiihea wan tlaq ara miitu tsütsa ka ana naishiq ma hali tiiso kuq nong haüjaq ahea nguta tiima tiikai.”

EJRA 6:1

Krai mren, hokhamwe Derias raq kra aming lakdam kom kra Bebilon mung na sitlaq hokham jam na rit wan miitu aming kuqto.

YOBA 29:16

Ngi ka miitsan maiqse ma awe jong jawan kang kiimaq wanwe acham achaotibi rai pong wan dam kang.

YOBA 38:4

Ngi raq hiq phansang kang na ümnaq asi shea riilaü? Ümniiraq kiitinkhan sap tlaü jiika, kra manphan ka ngi ma chong liina.

YOBA 42:3

Ümniiraq ngutlaü ka tengto ümniiraq anyan phaqchi rüm tlaü ka ngi raq sap mang ngi ka angiwe ikhli dea. Ngi raq jamlai wa bom rai kang kriika sap mang lam miili dea bomrai kang, amao chang bomtsi ngi raq akhu amai min sap mang bomrai kang.

TAKSU LAK 25:27

Ngiq ngu pahea nyang ka abi, krai mren thittlai phok, maiq raq shomra rit rea kiimin hongmak.

TAKSU LAK 25:3

Ratsan mong ka diiluhea, thinlot mai; hiqmong nyang ka tsaühea khon lot mai; ikiikha hokhamwe tsantsii ka, tsaühea khonlot mai.

THARC TVLUINGC 1:13

Ngi raq itsan mong na ara mangjong hiq na, maiqse raq ümtinkhan wa kiimung wantlaq, kra thum thum sap wan hajaq, nguta nyan phaqchi wiita kuqlata tiitho tiipha sidi wan kang. Arka Shiikeawe raq maiqse ma khutsai tiibi changli maiqse ma kiinong kuqto.

TRI CHONGKE 29:28

Tatiwe tsan ka pinthum walü wa ikhiishe khiq kito. Kiimaq atsan khiqtsi miishe, apaiq raq tsangshiq ka tsang mung wa arang chong maq babaiqto. Raüta tsangshiq ka pong mung na dobaiqto. Kra ningkhan, tsangshiq ka ümchaü pong mung na sitlo.’

TRI CHONGKE 29:29

“Tatiwe nashiq Shiikeawe raq phanrap wiijam ka apaü raüta thüto. Shatmaq apaiq atri raütu ka nashiq ma tiichhi kuqto. Kiimaq nashiq nai nasaü nasetiim raq kriithun ka pattup pat-sa lang wan ruq laita sichang.