TAKSU LAK 24:5 - ASII LAKDAP Bible (BSI)

⁵ Taksu maiqse ka, ahong alawe thaq na ahealin. Tengto, phaqchi ka, ningkun thaq na akhek.

Hawa Naga Bible 2001

⁵ Tharc vhttax waz kuex hungc vlaungc httaz hvlc waz htauk nuex muinz vhvlx rvtueq, phaqjic kuex gvnngvmx hungc vlaungc htauk nuex muinz vhvlx pinhtumc rvtueq.

TAKSU LAK 24:5 Referencias Cruzadas

Tvtsvmc 84:7

Tsangshiq ka awalam miili ningkun lap wantlo; tsangshiq raq tisho thun thaq na Shiikeawe ka Jajon na michhi wan.

TAKSU LAK 10:29

Tatiwe raq tingting maiqse khupwongtlo; Shatmaq ashut kloti ka atiithen mirbaiq.

TAKSU LAK 21:22

Khonglaq nolajongwe riika, kiitelong maq truk raüta, rewe sreabi raq khetlaq, chela kra khat raüta mitang. Raüta tsangshiq kamsea chang, peruk kra mishthen baiq.

TAKSU LAK 24:6

Jamkhano ngukla rekhat kai miika, tsii kongkhu riichong chang, raüta rechap ka siiho chang. Tsii samhea riichong raüla, rekhat ka mitang.

TAKSU LAK 8:14

Ngi raq phanrap kiimung tiikang, lata jaq ka sham tiikang. Ngi raq phanrap akhonha, kiimaq i ningkun asi.

THARC TVLUINGC 7:19

Taksu tsii raq maiqse ma ümtin khan wa shiiman kuq tlaq, kriika tuwejong weroqshi raq chela ashiti ma shamkuq tlaq kriithaq na apa misham kuq lot.

ISAIA 36:5

Apaiq raq bom ka akha shiitep waito, “Ümniinga nü maq abom bomtsi ka phenlabi ningkun nai nola jaqsham kra mitangtalot ngutiisha tiimatlaü? Ümniiraq Asiria mung tijongwe wokhong wa donghotlaü kra miitu jurwa ümniika rekhat na mikhrumkuq?

ISAIA 40:31

Shatmaq jurwa Tatiwe raq mikhrumkuq nguta kamtlaq, tsangshiq ma ningkun anye mishoqkuq. Tsangshiq ka rakong maq ra na liihakong ikha mibisiq, tsangshiq ka phiqhea miju shatmaq nii tsimak miraq, tsangshiq ka khum wan ruq miraq, shatmaq ahun anü ahü miraq.

Colossians 1:11

Apaiq raq namshiq ka, apaiq ningkun achhai anyii rüm tlaq kriimaq, srea laqkong miidea mija laq nguta naishiq raq achu jaü kuq tiikai. Kra raütiq, namshiq raq phanrap haikaiq haike ümchuwa saü tlaq kra wiita minin wan lot han. Kiimaq namshiq raq chojong chise maq, Awejong Shiikeawe ma kechutum ronglaq. Shiikeawe raq jamlai wa tiije wantaq, apaiq phan amaq maiqse thun miitu, rawü mungtan na thü tlaq kra lap wan dam miitu namshiq ka seshaq ma tiija kuq wanto she.