TAKSU LAK 24:13 - ASII LAKDAP Bible (BSI)

¹³ Ise lei, ngiq ngu ka nyang laq. Ümkhum tiihea ma. Atu wa lam raüta, nyang ka sumhea.

Hawa Naga Bible 2001

¹³ Isaz lex, nyaq ngurx kuex saq shuiuz; kvruex kuex ruimc hvlc. Vwawx wawc svrc yaq nyaq ngurx kuex mtvlix nuex ruimx yaq,

TAKSU LAK 24:13 Referencias Cruzadas

Tvtsvmc 119:103

Ümniiraq sung atsii chongkuq tlaü ka pinthum sumhea— ngiq ngu nam miimin sumhea!

Tvtsvmc 19:10

Kriithun ka chiisan chaq piikii thaq niimin rahea pinthum; arthun ka chiisan ngiq ngu thaq niimin sumhea.

TAKSU LAK 16:24

Lungwii bomtsi ka ngiqngu ikha; anyang ma sumhea. Tsan among na washasha hea; hüphin hanphin.

TAKSU LAK 25:16

Ngiq ngu ka thittlaiphok naq nyangkiq, pahea nyang haüla aphai rai mirhaü.

TAKSU LAK 25:27

Ngiq ngu pahea nyang ka abi, krai mren thittlai phok, maiq raq shomra rit rea kiimin hongmak.

TAKSU LAK 27:7

Wok aphe niika, ngiqngu kiimin nyangro maü miraq. Shatmaq ramtsi niika, akhap akhiq phan jiimin, asumwiq miphaq siq.

ASHICHONG 4:11

Ita-nyungnye lei, ngiqngu sum ka ümnübii na, ümtili ka ngi ma nyakpü ikha. Kiimaq ngiqngu ikha sumhea. Ümdü na asam miirii Lebanon pum wa, Sedar pechong homwa ikha homhea.

ASHICHONG 5:1

Ngi ka isonruk mong na nyapwa kang she, Irorii-nyung, ita-nyungnye lei. Ngi ka isüse nai ihomseng mura riichom tiikang. Ngi ka ingiqngu nyangshe peokhiq. Ngi ka ispiqtai nai minsaüpü nyang tiikang. siq ronglaq, lungwii kongtibi lei, nyang rong laq, tsan tiiheali, lungwii raq mipheshaq wiiwii!

ISAIA 7:15

Apaiq ka jerowe she, maiqmii raq phanrap thapthi asapshe jonglu wan raüla, kra akhing niika mungmaiqse raq minsaü nyakpü nai ngiq nguli she nyang raüta rongboq misi wan.

Matthew 3:4

Johan miirii ka Kumtsong nyamse bin maq ataq khea samto. Apaiq raq achhü niika ngamkhü shinket pato. Kiimaq rum wa kupchi nai ngiqngu kra apaiq dung ma tiija raüta phaqsiq wanto.

PHOWEBI 14:9

Apaiq raq ngiq ngu ka ajaq na hut ho raüta akhum lam maq siqto. Raüta apaiq ka awe nai anyung phana wawanto. Raüta tsangnai miimin wiijam kuqto. Kiimaq tsangnai riimin siqto. Shatmaq Samson raq tsangnai ma ngiq ngu ka hangsi maa na atu wa lam wan kang ngutiika chongmak dea riito.

1 SAMUEL 14:27

Shatmaq Jonathan riika awe raq Israilnok ka tumkham maq tiiphiiptaq kriika taimak dea riito. Kriikha na apaiq jaq na pekii ashi shamtlaq kriimaq ngiqngutu kriijaq shukto. Raüta ngiqngu pekii maq satlaq kra anü na wiijam shupsiqto. Krai mren, ahan phin wan ka apaiq raq heshat riito.