TAKSU LAK 23:15 - ASII LAKDAP Bible (BSI)

¹⁵ Ise lei, ümniika maiqshaq ma jahaüla, ngi ka pinthum michochiha.

Hawa Naga Bible 2001

¹⁵ Isaz lex, mnoz wvtharc yaungx ruiux kuex, ngaz pinhtumc kokez taungx.

TAKSU LAK 23:15 Referencias Cruzadas

TAKSU LAK 1:10

Ise lei ngarai maiqse raq, ümnaq tairai phaüla, naqshonkiq.

TAKSU LAK 10:1

Arthun arka Solomon raq achong taksu bomtsi: Ase taksu raüla awe kai michochi; Shatmaq ase maiqjiq raüla anyung kai mihoq.

TAKSU LAK 15:20

Seshaqti riika awe tiichochitlo; shatmaq sengiti riika anyung shummiitlo.

TAKSU LAK 2:1

Ise lei, ngi raq jamlai wa shrinkuq tiikang, kra saptsin laq. Ngi raq jamlai jaqsham wa chong tiikang, kra ümtiikiimin naq laqkiq.

TAKSU LAK 27:11

Ise lei, maiqshaq ma jalaq; laüta ngi tiichochilaq. Raüla jurwa ngi chongsiq tlaq, kriiti kiq ngi raq mikhiilot ha.

TAKSU LAK 29:3

Ase raq nyan phaqchi lungwii raüla, anyungwe ka tsailam jilam miraq. Shatmaq mephe nyungre rai srati raq, kampho ka atu na raübaiqtlo.

TAKSU LAK 4:1

Isetiim lei namwe bomchong taironglaq, tsan tiitsi lanta tiitsang dada tai ronglaq; raüla, taksu tsii mihum han.

JEREMIA 32:41

Ngi ka tsangshiq miitu shamhea kaiwa shamke wan niilishe mikhoq riiq siq wanha. Lata Ngi raq tsangshiq ka armung arjaq pattup miitu she mitiishong nga wanha.

JEPHANIA 3:17

Tati üm Shiikeawe ka, ümniirai asi. Apaiq ningkun jong maq ümniima, rekhat mitiitangkuq. Tatiwe ka ümniima michochi, Kiimaq apaiq lungwii wokhong maq, ümniima rilung anye she mikuq. Apaiq ka ashi ange miraq, kiimaq ümniima pinthum michochi,

Matthew 9:2

Kiijaq maiq wiijamti raq akhum ama arki we ka changdü na tiiweshat maq Jesuq phana pi wanto. Jesuq raq tsangshiq kamtsantsii ka chhi raüta atsiti we nangnga, “I se loi, ümtsaiji ka tiijong laq! Ümngarai ka diikuqto she,” nguta bomdamto.

Luke 15:32

Shatmaq, ümchaü akhing akha ahea ranaiq arka, nashiq raq khoqriiq shishiiq maq, poi ka klo chang. Ara jamkhano chongtiikang ngukla, ümno ka ama arki wa, ümchaü ka atra she. Apaiq ka amo arki wa, ümchaü ka hum kai she.’ ”

John 15:11

“Ngi raq namshiq ma ara bomtsi chongkuq tiipha arka, ngi ka jamkho chochi tiikang, kiikhiisii, namshiq tsan mong niimin, chochi raq aliim ale she mima wan laq nguta chong kuq tiikang.

John 21:5

Kiijiishe, “Jerobi lei, namshiq raq ngiq phanshi ra min lap man dea sha?” nguta apaiq raq tsangshiq ma waito. “Ahü, siirairai,” nguta tsangshiq raq apaiq bom ka treto.

1 John 2:1

I setiim lei, ngi raq ara namshiq ma waiq tiikang. Arka namshiq ngarai na dea man chang miitu waiq tiikang. Shatmaq ashi ra ka ngarai na chhan wa raüla, nashiq kha phoketi we weshi asi. Nashiq kha phoketi we ka tingting phowe Jesuq Khristo, Awe Shiikeawe man na nga raüta nashiq kha phokuq tlo.

2 John 1:4

Na Wejong Shiikeawe raq nashiq ma aming kuqtaq kra phanphan, ümsetiim phong wa maiq wiijamti ka tengteng bomtsi kra lang raüta shongnga tlaq kra chhi lata, ngi ka kai chochi kang.