TAKSU LAK 21:8 - ASII LAKDAP Bible (BSI)

⁸ Ashut kiimungti ashut lam na khumtlo; kechu maiqse riika riikhaqli klotlo.

Hawa Naga Bible 2001

⁸ Mvrax vhttax miq htenc kuex kvruip kvrux lvmx khuemx yaq, mvrax vguez jix htenc kuex vlvmx yauk shuimc kuex shuimx yaq.

TAKSU LAK 21:8 Referencias Cruzadas

RAPHA HIQWA LAK 6:12

Shiikeawe raq mangjong hiq ka liito. Kiimaq mangjong hiq ka abi chhito. Jamkhano ngukla maiqse kunli ka abi kiimungti siisaq.

TAKSU LAK 15:26

Tatiwe raq abi hon atsii rümti ka, saisitlo; shatmaq sobsob bombomti ma, chochitlo.

TAKSU LAK 2:15

Maiq kamsea chang riimak, nyiipchhi jaq ikha tiiphe rakti, maklii wa mitiiwong kuq.

TAKSU LAK 21:9

Abot atsaü tamli nyung rai, tapshi na sinam miika; chüjung na ngawa ka ahea lin.

TAKSU LAK 30:12

Maiq wiijam raq tsangshiq tsan ka asii sitiikai nguta tiimatlo. Shatmaq tsangshiq tsan ka anyaq pinthum.

THARC TVLUINGC 7:29

Ngi raq takwan kang bomtsi poshi ka ara riito. Shiikeawe raq nashiq ka tingting tiiq wanto. Shatmaq nashiq raq maiqmii miitu ajiq lamlu pahea tan wankai.

THARC TVLUINGC 9:3

Maiqse wiitarü ka kharii ashi na sup wa chang siisaq. Arka riikhaqli ka riimak. Tsangshiq ka atra si ruq wiiwii, tsang khutsai, ka abi ati tiima tsantsii riili ama sitlo. Kiimaq angi nola tsii riili ama sitlo. Raüta tiihanghiiq miili she tsangshiq ka tsai kitlo.

ISAIA 26:7

Tatiwe lei, ümniiriika maiqshaqti khum ma lam aheawiq tantlaü; tsangshiq khum chang lam ka lampii.

ISAIA 59:8

Kiimaq namshiq raq jamlai abi thiikho wa thutlan krii wiika ju min hangkilot mak. Namshiq raq jamlai jaq wa sham wan tlan kriika ajiq siisaq shamtlan. Namshiq khumkai chang lam ka kokatkat. Kiimaq kra lam phan phan khum kaiti ka ju min tiichhii wan lot mak.

DANIEL 12:10

Maiqse pahea khum ka atiisii mirkuq wan. Abi maiqse thun raq arka sap wanlot mak miraq. Shatmaq tsangshiq ka pahea jabi wan wan khoti miraq. Taksu maiqsetiim riili arthun ka mitak wan.

Matthew 12:33

“Petsi ka tsihea phan pansea ma jiila, achong kiimin chonghea phan riichang. Achong ka abi phan jiika, atsi kiimin abi miraq. Petsi chong ka chonghea phan sha chongbi phan wa kriika, atsi kriimaq tiisap kitlo.

Matthew 5:8

“Juwa tsantsii asii kriiti ma chochi; tsangshiq raq Shiikeawe michhi!”

Acts 15:9

Shiikeawe raq nashiq nok nai tsangshiq nok liipan na, jam lai min tiikhothiq mak dea. Tsangshiq raq Shiikeawe ma kamto. Krai mren apaiq raq tsangshiq ngarai ka diikuqto.

1 Corinthians 3:3

Ara jamkhano chongtiikang ngukla, namshiq ka ümchaü niitaq dongdii min, mangjong maiqse han-ngam miili sitlan. Namshiq nai namshiq liipan na makshu rashe, kiimaq tatso wiinyi miili sitlan kriika, namshiq kiimin mangjong maiqse jamkho sitlaq kiikhiili dea sitlan nguta tiichhi kuq tlan riimak sha?

Titus 1:15

Juwa tiima tsantsii asii maq sitlaq, kriiti miitu ka phanrap asii siisaq. Shatmaq ümriiti tiima tsantsii wa, ngarai raq atiisheshi baiq wishe, kiimaq krai mren, tsangshiq raq tengtlaq bomtsi ma kam mak maq sitlaq, kriiti miitu ka phanrap phanrii ka, ashe ashi siisaq. Tsangshiq miika apii ashan chang siisaq. Jamkhano ngukla, tsangshiq khutsai nai tsangshiq tsaiji ka, ngarai raq wiita atiishe shi baiq kun she.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Titus 3:3

Jamkhano ara chongtiikang ngukla, man na lea wankai akhing ashi na, nashiq tarü ka maiqjiq, angok angikong ikha siwan kai. Shiikeawe lamphan sapmai, nilan kong siwan kai. Kiimaq ashut ashe rilung li siwan kai. Nashiq ka ngarai sükha tsii kharü mong na siwan kai. Kiimaq phanrap phanrii, ngarai han-ngam sükha polo lam phan wan laitli siwan kai. Nashiq raq nashiq rilung ka maiq chongsea nai maiq ngengseng lam miili rilung shaphaq wan kai. Nanok raq nashiq ka shuliito. Kiimaq nashiq riimin nanok ka shulii wan laitli rashe jipi tiicha wan kai.

Titus 3:5

Apaiq raq nashiq chhii wantaq kriika, nashiq raq shamhea kaiwa jaqsham laita chhiike wan ka riimak. Shatmaq, Shiikeawe apaiq tsan mong na, nashiq tiihangke mangchan tsii rüm tlaq kriimaq chhiito. Apaiq raq nashiq chhii wantaq arka, Asii Wenyi raq nashiq khum ka hetse kuq wantaq kra, lümaq chhii kuq wanto. Ara chong tiikai, Asii Wenyi raq nashiq khum hetse kuq wantaq ara lümaq, nashiq khum na, anye rawii tiichhi kuqto she. Raüta rilung anye she kuqto.

1 John 2:29

Namshiq raq Khristo ka asii arai we nguta asap han. Krai mren, jurwa tingting jaqsham tlaq, kriiti ka Shiikeawe se she nguta namshiq raq sap chang kata.

1 John 3:3

Khristo ka asii. Krai mren, apaiq rai adam si miitu ranphan tlaqti thun loweatek raq akhum ka asii maq thü chang.